Category: கிரிக்கெட்

தற்போது நடைபெற்று வரும் ஐபிஎல் தொடர், ஜுன் மாதம் துவங்கு இருக்கும் டி.20 உலகக்கோப்பை தொடர் என அனைத்து முக்கிய செய்திகளையும் உங்களுக்காக SportzWiki-Tamil நேரடியாக களத்தில் இருந்து வழங்குகிறது.

மீண்டும் மும்பை இந்தியன்ஸ் அணியின் கேப்டனாகும் ரோஹித் சர்மா..? மும்பை இந்தியன்ஸ் அணியின் தொடர் படுதோல்விகளை தொடர்ந்து ரோஹித் சர்மாவிடம் மீண்டும் கேப்டன் பதவி ஒப்படைக்கப்பட வேண்டும் என்ற கோரிக்கை வலுத்து வருகிறது. மும்பை இந்தியன்ஸ் அணியின் ரசிகர்களே ரோஹித் சர்மாவிடம் கேப்டன் பதவி ஒப்படைக்கப்பட வேண்டும் என கோரிக்கை வைத்து வருவதால் கிரிக்கெட் வட்டாரத்தில் பரபரப்பு ஏற்பட்டுள்ளது. இதுவே கிரிக்கெட்டின் தற்போதைய தலைப்பு செய்தியாகவும் இருக்கிறது.

வேகத்தில் மட்டும் இல்லாமல் விவேகமான பந்துவீச்சாலும் ஒட்டுமொத்த கிரிக்கெட் உலகின் கவனத்தையும் ஈர்த்துள்ள மாயன்க் யாதவ் தான் தற்போது கிரிக்கெட் வட்டாரத்தின் ஹாட் டாப்பிக். பெங்களூர், பஞ்சாப் ஆகிய அணிகளை தனது துல்லியமான பந்துவீச்சால் சிதறடித்த மாயன்க் யாதவே கிரிக்கெட்டின் தற்போதைய தலைப்பு செய்தியாகவும் வலம் வருகிறார். லக்னோ அணியின் பந்துவீச்சிற்கு அசுரபலம் சேர்த்து வரும் மாயன்க் யாதவை ஒட்டுமொத்த கிரிக்கெட் உலகமும் வியந்து பாராட்டி வருகிறது.

மீண்டும் வரும் சாம்பியன்ஸ் லீக் டி.20 தொடர். கடந்த 2014ம் ஆண்டிற்கு பிறகு நடத்தப்படாத சாம்பியன்ஸ் லீக் தொடரை மீண்டும் நடத்துவதில் இந்திய கிரிக்கெட் வாரியம், இங்கிலாந்து கிரிக்கெட் வாரிய மற்றும் ஆஸ்திரேலிய கிரிக்கெட் வாரியம் ஆர்வம் காட்டி வருவதாக தெரிகிறது. சாம்பியன்ஸ் டி.20 லீக் தொடர் குறித்தான ஆலோசனை கூட்டங்களும் நடைபெற்றுள்ளதாக தெரிகிறது.

லக்னோ அணிக்கு எதிரான போட்டியில் தோல்வியை சந்தித்த பஞ்சாப் கிங்ஸ் அணி, இன்று நடைபெறும் போட்டியில் குஜராத் டைட்டன்ஸ் அணியை எதிர்கொள்ள உள்ளது. சுப்மன் கில்லின் கேப்டன்சியில் மிக சிறப்பான கிரிக்கெட்டை வெளிப்படுத்தி வரும் குஜராத் டைட்டன்ஸ் அணி தனது சொந்த ஆடுகளமான அஹமதாபாத்தில் பஞ்சாப் அணியை எதிர்கொள்ள உள்ளதே கிரிக்கெட்டின் இன்றைய முக்கிய செய்தியாகும்.

ஐபிஎல் தொடரை தொடர்ந்து டி.20 உலகக்கோப்பை தொடரில் இருந்தும் பென் ஸ்டோக்ஸ் விலக உள்ளதாக தகவல்கள் வெளியாகியுள்ளன. பிட்னெஸ் காரணமாக பென் ஸ்டோக்ஸ் டி.20 உலகக்கோப்பை தொடரில் இருந்து விலக உள்ளதாக தெரிகிறது. இங்கிலாந்து அணிக்காக நீண்டகாலம் சிறந்த ஆல் ரவுண்டராக திகழ வேண்டும் என்பதற்காக பென் ஸ்டோக்ஸ் ஐபிஎல் உள்ளிட்ட பெரிய தொடர்களில் இருந்து விலகி வருவது கிரிக்கெட் வட்டாரத்தில் பேசு பொருளாக மாறியுள்ளது.

கிரிக்கெட் தொடர்பான அனைத்து தகவல்கள் மற்றும் செய்திகளை உடனுக்குடன் அறிந்து கொள்ள SportzWiki-Tamil உடன் இணைந்திருங்கள்.