இந்திய அணிக்கு ரஹானே நிச்சயம் தேவை; முன்னாள் வீரர் ஆதரவு

தென் ஆப்ரிக்கா அணிக்கு எதிரான முதல் டெஸ்ட் போட்டிக்கான இந்திய அணியில், ரஹானே இடம்பெறாததால் எழுந்துள்ள சர்ச்சை இன்றும் ஓய்ந்தபாடில்லை.

தென் ஆப்ரிக்கா சென்றுள்ள இந்திய கிரிக்கெட் அணி, தென் ஆப்ரிக்கா அணியுடன் மூன்று டெஸ்ட் போட்டிகள் கொண்ட தொடரில் பங்கேற்றுள்ளது.

இந்த தொடரில், தென் ஆர்பிக்காவின் கேப்டவுனில் நடைபெற்ற முதல் டெஸ்ட் போட்டியில் வெறும் 208 ரன்கள் எடுத்தால் வெற்றி என்ற இலக்கை துரத்திய இந்திய அணி, தனது மோசமான பேட்டிங் மூலம் 135 ரன்களுக்கு அனைத்து விக்கெட்டுகளையும் பறிகொடுத்து 72 ரன்கள் வித்தியாசத்தில் படுதோல்வி அடைந்தது.

இந்திய அணியின் இந்த மோசமான தோல்விக்கு, ரஹானே போன்று வெளிநாட்டு தொடர்களில் நல்ல அனுபவம் வாய்ந்த வீரரை இந்திய அணியில்யில் புறக்கணிக்கப்பட்டுதே தோல்விக்கு மிக முக்கிய காரணமாக பார்க்கப்படுகிறது.

South Africa celebrate the win during day four of the first Sunfoil Test match between South Africa and India held at the Newlands Cricket Ground in Cape Town, South Africa on the 8th January 2018
Photo by: Ron Gaunt / BCCI / SPORTZPICS

வெளிநாட்டு தொடர்களில் நல்ல அனுபவம் வாய்ந்த ரஹானே, இலங்கை அணியுடனான தொடரில் சொதப்பியதன் காரணமாக, இந்த தென் ஆப்ரிக்காவிற்கு முதல் போட்டியில் அவரை எடுக்காமல், அவருக்கு பதிலாக ரோஹித் சர்மா அணியில் களமிறக்கப்பட்டார்.

இதற்காக இந்திய அணியையும், இந்திய அணியின் கேப்டன் கோஹ்லியையும் முன்னாள் வீரர்கள் மற்றும் கிரிக்கெட் வல்லுநர்கள் பலர் கடுமையாக விமர்சித்து வருகின்றனர்.

இந்நிலையில் இது குறித்து கருத்து தெரிவித்துள்ள இந்திய கிரிக்கெட் அணியின் முன்னாள் வீரரும் ரஹானேவின் தனிப்பட்ட பேட்டிங் பயிற்சியாளருமான  பிரவீன் அம்ரெ, ராஹானே இந்திய அணிக்கு நிச்சயம் தேவை என்று தெரிவித்துள்ளார்.

மேலும் தென் ஆப்ரிக்காவிற்கு எதிரான  முதல் போட்டியில் ரஹானே நீக்கப்பட்டது குறித்து அதிர்ச்சி தெரிவித்துள்ள அவர் கூறுகையில் , இலங்கை அணிக்கு எதிரான டெஸ்ட் தொடரில், அதுவும் இந்திய மண்ணிலேயே நடைபெற்ற போட்டிகளில் மோசமாக விளையாடிய ரஹானேவிற்கு தற்போது  இந்திய கேப்டன் கோஹ்லி மற்றும் பயிற்சியாளர் ரவி சாஸ்திரியின் ஆதரவும், ஆலோசனைகளும் நிச்சயம் தேவை, அதற்கான நேரமும் இது தான்.

கோஹ்லி மற்றும் ரவி சாஸ்திரியின் ஆதரவுடன் ரஹானே இந்திய அணிக்கு மீண்டும் திரும்பும் பட்சத்தில் அவர் நிச்சயம் தனது பழைய ஃபார்மிற்கு  திரும்பி, அணிக்கு கைகொடுப்பார் என்றும் பிரவீன் தெரிவித்துள்ளார்.

தொடர் சர்ச்சைகளாலும், முதல் போட்டியில் கற்று கொண்ட பாடத்தின் காரணமாகவும் தென் ஆப்ரிக்காவிற்கு எதிராக செஞ்சூரியனில் நடைபெறும் இரண்டாவது டெஸ்ட் போட்டியில் ரஹானே களமிறங்க அதிக வாய்ப்புள்ளதாக பி.சி.சி.ஐ வட்டாரங்கள் தெரிவிக்கின்றன.

இரு அணிகள் இடையேயான இரண்டாவது டெஸ்ட் போட்டி செஞ்சூரியனில் நாளை  துவங்க உள்ளது குறிப்பிடத்தக்கது.

  • SHARE

    விவரம் காண

    பச்சைபசேல் என இருக்கும் வேகப்பந்து வீச்சிற்கு சாதகமான ஆடுகளம் : தாக்கு பிடிக்குமா இந்தியா

    இந்திய அணி வீரர்கள் 3-வது டெஸ்ட் போட்டி நடைபெற இருக்கும் ஜோகன்னஸ்பர்க் மைதானத்தில் பயிற்சியை மேற்கொண்டனர். இந்த ஆடுகளம் வேகேபந்து வீச்சிற்கு சாதகமான...

    கோஹ்லியை விட இவர் தான் சிறந்த வீரர்…முன்னாள் வீரர் சொல்கிறார்

    கோஹ்லியை விட இவர் தான் சிறந்த வீரர்…முன்னாள் வீரர் சொல்கிறார் சர்வதேச ஒருநாள் கிரிக்கெட் அரங்கில் இந்திய கிரிக்கெட் அணியின் கேப்டன் கோஹ்லியை விட...

    நான் கில்லாடியான ரகசியம் இது தான்… உண்மையை உடைத்த தல தோனி !!

    நான் கில்லாடியான ரகசியம் இது தான்… உண்மையை உடைத்த தல தோனி சர்வதேச கிரிக்கெட் அரங்கில் தலைசிறந்த விக்கெட் கீப்பராக தான் மாறியது எப்படி...

    சையத் முஸ்தாக் அலி டிராபி… மும்பை அணிக்காக களமிறங்குகிறார் திரிவேதி !!

    சையத் முஸ்தாக் அலி டிராபி… மும்பை அணிக்காக களமிறங்குகிறார் திரிவேதி தென் ஆப்ரிக்காவில் உள்ள இந்திய கிரிக்கெட் வீரர்களின் வலை பயிற்சியில் பந்து வீசுவதற்காக,...

    அமைச்சரவையில் மோடி பக்தர்களை விட பிசிசிஐ-யில் கோலி பக்தர்கள் அதிகம்: கேப்டனின் அதிகாரம் குறித்து ராமச்சந்திர குஹா

    பயிற்சியாளர் தேர்வு முதல் அணித்தேர்வு, போட்டிகளில் ஆடும் 11 வீரர்கள் தேர்வு மட்டுமல்லாமல் பல் வேறு விதங்களிலும் இந்திய கேப்டன் விராட் கோலி...