புரோ கபடி லீக் ‘பிளே-ஆப்’ சுற்று ஆட்டங்களில் புனே, பாட்னா அணிகள் வெற்றி

மும்பை:

12 அணிகள் இடையிலான 5-வது புரோ கபடி லீக் போட்டி இந்தியாவில் பல்வேறு நகரங்களில் நடந்து வருகிறது. இதில் பங்கேற்ற 12 அணிகள் 2 பிரிவாக பிரிக்கப்பட்டு லீக்கில் மோதின. லீக் ஆட்டங்கள் முடிவில் ‘ஏ’ பிரிவில் முறையே முதல் 3 இடங்களை பிடித்த குஜராத் பார்ச்சுன் ஜெயன்ட்ஸ், புனேரி பால்டன், அரியானா ஸ்டீலர்ஸ் அணிகள் ‘பிளே-ஆப்’ சுற்றுக்கு முன்னேறின. மும்பை, ஜெய்ப்பூர் பிங்க் பாந்தர்ஸ், தபாங் டெல்லி அணிகள் வெளியேறின. ‘பி’ பிரிவில் முறையே முதல் 3 இடங்களை பிடித்த பெங்கால் வாரியர்ஸ், பாட்னா பைரட்ஸ், உத்தரபிரதேச யோத்தா அணிகள் ‘பிளே-ஆப்’ சுற்றுக்குள் நுழைந்தன. பெங்களூரு புல்ஸ், தெலுங்கு டைட்டன்ஸ், தமிழ் தலைவாஸ் அணிகள் அடுத்த சுற்று வாய்ப்பை இழந்து நடையை கட்டின.

2 நாள் ஓய்வுக்கு பிறகு ‘பிளே-ஆப்’ சுற்று ஆட்டம் தொடங்கியது. மும்பையில் நேற்று இரவு நடந்த முதலாவது எலிமினேட்டர் சுற்று (வெளியேற்றுதல் சுற்று) ஆட்டத்தில் புனேரி பால்டன்-உத்தரபிரதேச யோத்தா அணிகள் மோதின.

விறுவிறுப்பான இந்த ஆட்டத்தில் புனேரி பால்டன் அணி நெருக்கடியை நேர்த்தியாக சமாளித்து 40-38 என்ற புள்ளி கணக்கில் உத்தரபிரதேச யோத்தா அணியை வீழ்த்தியது. தோல்வி கண்ட உத்தரபிரதேச யோத்தா அணி இறுதிப்போட்டி வாய்ப்பை இழந்து வெளியேறியது.

2-வது எலிமினேட்டர் சுற்று ஆட்டத்தில் பாட்னா பைரட்ஸ் அணி 69-30 என்ற புள்ளி கணக்கில் அரியானா ஸ்டீலர்ஸ் அணியை சாய்த்தது. பாட்னா பைரட்ஸ் அணி வீரர் பர்தீப் நர்வால் 34 புள்ளிகள் குவித்தார். அவர் ஒரு ரைடில் 6 வீரர்களை வீழ்த்தி எதிரணியை ஆல்-அவுட் செய்த விதம் ஆச்சரியம் அளிக்கும் வகையில் இருந்தது. தோல்வி கண்ட அரியானா அணி வெளியேறியது.

மும்பையில் இன்று (செவ்வாய்க்கிழமை) நடைபெறும் முதலாவது குவாலிபையர் (தகுதி சுற்று) ஆட்டத்தில் குஜராத் பார்ச்சுன் ஜெயன்ட்ஸ்-பெங்கால் வாரியர்ஸ் (இரவு 8 மணி) அணிகள் மோதுகின்றன. 3-வது எலிமினேட்டர் சுற்று ஆட்டத்தில் புனேரி பால்டன்-பாட்னா பைரட்ஸ் (இரவு 9 மணி) அணிகள் சந்திக்கின்றன.

  • SHARE

    Just a normal human being with some passion on Cricket. And am a Civil Engineer, YouTuber, Freelancer, Former Junior Engineer Govt.Of India, UPSC Aspirant.

    விவரம் காண

    பச்சைபசேல் என இருக்கும் வேகப்பந்து வீச்சிற்கு சாதகமான ஆடுகளம் : தாக்கு பிடிக்குமா இந்தியா

    இந்திய அணி வீரர்கள் 3-வது டெஸ்ட் போட்டி நடைபெற இருக்கும் ஜோகன்னஸ்பர்க் மைதானத்தில் பயிற்சியை மேற்கொண்டனர். இந்த ஆடுகளம் வேகேபந்து வீச்சிற்கு சாதகமான...

    கோஹ்லியை விட இவர் தான் சிறந்த வீரர்…முன்னாள் வீரர் சொல்கிறார்

    கோஹ்லியை விட இவர் தான் சிறந்த வீரர்…முன்னாள் வீரர் சொல்கிறார் சர்வதேச ஒருநாள் கிரிக்கெட் அரங்கில் இந்திய கிரிக்கெட் அணியின் கேப்டன் கோஹ்லியை விட...

    நான் கில்லாடியான ரகசியம் இது தான்… உண்மையை உடைத்த தல தோனி !!

    நான் கில்லாடியான ரகசியம் இது தான்… உண்மையை உடைத்த தல தோனி சர்வதேச கிரிக்கெட் அரங்கில் தலைசிறந்த விக்கெட் கீப்பராக தான் மாறியது எப்படி...

    சையத் முஸ்தாக் அலி டிராபி… மும்பை அணிக்காக களமிறங்குகிறார் திரிவேதி !!

    சையத் முஸ்தாக் அலி டிராபி… மும்பை அணிக்காக களமிறங்குகிறார் திரிவேதி தென் ஆப்ரிக்காவில் உள்ள இந்திய கிரிக்கெட் வீரர்களின் வலை பயிற்சியில் பந்து வீசுவதற்காக,...

    அமைச்சரவையில் மோடி பக்தர்களை விட பிசிசிஐ-யில் கோலி பக்தர்கள் அதிகம்: கேப்டனின் அதிகாரம் குறித்து ராமச்சந்திர குஹா

    பயிற்சியாளர் தேர்வு முதல் அணித்தேர்வு, போட்டிகளில் ஆடும் 11 வீரர்கள் தேர்வு மட்டுமல்லாமல் பல் வேறு விதங்களிலும் இந்திய கேப்டன் விராட் கோலி...