மீண்டும் மிரள வைக்குமா ஆஃப்கானிஸ்தான்..? வங்கதேசத்துடன் இன்று பலப்பரீட்சை
உலகக்கோப்பை கிரிக்கெட் தொடரின் இன்றைய போட்டியில் ஆஃப்கானிஸ்தான் அணியும், வங்கதேச அணியும் மோத உள்ளன.
உலகக் கோப்பை கிரிக் கெட் போட்டி தற்போது பரபரப் பான கட்டத்தை எட்டியுள்ளது. இந்நிலையில் இன்று சவுத்தாம்டனில் ஆப்கானிஸ்தான், வங்கதேச அணிகள் பலப்பரீட்சையில் இறங்கவுள்ளன.
வங்கதேச அணி இதுவரை 6 போட்டிகளில் விளையாடி 2 வெற்றி, 3 தோல்விகளைப் பெற்றுள் ளது. ஒரு போட்டி, மழையால் கைவிடப்பட்டது.
இதையடுத்து 5 புள்ளிகளுடன் புள்ளிகள் பட்டியலில் 6-வது இடத் தில் உள்ளது. எனவே அடுத்து வரும் 3 ஆட்டங்களும் அந்த அணிக்கு மிகவும் முக்கியமானதாகும்.
வங்கதேச அணியின் ஷகில் அல் ஹசன், முஷ்பிகுர் ரஹிம், தமிம் இக்பால் ஆகியோர் சிறப்பாக விளையாடி வருகின்றனர். அதே போல பவுலிங்கிலும் முஷ்டாபிசுர் ரஹ்மான், மெஹதி ஹசன், ஷகிப் ஆகியோர் சிறப்பாக பந்துவீசி வருகின்றனர்.
இவர்கள் இணைந்தால் அணிக்கு மேலும் ஒரு வெற்றி யைத் தேடித் தருவார்கள் என்று நம்பலாம்.
அதே நேரத்தில் ஆப்கானிஸ் தான் அணி இதுவரை ஆடிய 6 ஆட்டங்களிலும் தோல்வி கண்டுள் ளது. எனவே மீதமுள்ள 3 ஆட்டங்களில் வெற்றி கண்டாலும் அந்த அணிக்கு அரை இறுதி வாய்ப்பு எட்டாத கனியாகவே இருக்கும். எனவே அந்த அணி இந்த ஆட்டத்தில் வெற்றி பெற் றால், அது ஆறுதல் வெற்றியாகவே இருக்கும். இருந்தபோதும் இந்தியாவுக்கு எதிரான ஆட்டத்தில் முஜிப், ரஷித் கான், நபி ஆகியோர் சிறப்பாக பந்துவீசினர். பேட்டிங்கில் நபி, ஹஸ்மத்துல்லா, நஜிபுல்லா சத்ரான், ரஹ்மத் ஷா, கேப்டன் குல்பதின் நயீப் ஆகியோர் சிறப்பாக ஆடினர். எனவே இந்த ஆட்டத்திலும் அவர்களிடமிருந்து சிறப்பான இன்னிங்ஸ் வெளிப்படக்கூடும்.
ஆப்கானிஸ்தான்: குல்பதின் நயீல் (கேப்டன்), அப்தாப் ஆலம், ஹஸ்ரத்துல்லா ஜஜாய், அஸ்கர் ஆப்கன், ரஷித் கான், மொகமது நபி, முஜிப் உர் ரஹ்மான், தவ்லத் ஜத்ரான், நஜிபுல்லா ஜத்ரான், ஹமித் ஹசன், ஹஸ்மத்துல்லா ஷாகிதி, சமியுல்லா ஷின்வாரி, ரஹ்மத் ஷா, நூர் அலி ஜத்ரான், இக்ரம் அலிகில்.