இந்தியா மற்றும் ஆஸ்திரேலியா அணிகளுக்கு இடையே நடந்த முதல் ஒருநாள் போட்டியில் பேட்டிங் செய்ததாக இந்தியாவைச் சேர்ந்த 5 பேர் கைது செய்யப்பட்டுள்ளனர். மேலும் அவர்களிடமிருந்து 5 லட்சம் ரொக்க பணம் பறிமுதல் செய்யப்பட்டுள்ளது.

இந்நிலையில்,

3 போட்டிகள் கொண்ட ஒருநாள் தொடரில் நாளை நடக்கும் 2-வது ஆட்டத்தில் வென்றால்தான் இந்திய அணி தொடரை உயிர்ப்புடன் வைத்திருக்க முடியும். இல்லாவிட்டால், தொடர் ஆஸி.வசம் சென்றுவிடும். ஆதலால் தோனியைப் போன்ற சீனியர் வீரர்கள் பொறுப்புடன் ஆடுவது அவசியமாகும்.

ஷிகர் தவண், தோனி, ராயுடு ஆகிய 3 பேரும் கடந்த 2 மாதங்களில் உள்நாட்டுப் போட்டிகள், பயிற்சி ஆட்டங்கள் எதிலுமே பங்கேற்காமல் இருப்பதால் பேட்டிங்கில் தடுமாறுகின்றனர். இவர்கள் மீண்டும் ஃபார்முக்கு திரும்புவது அவசியம்.

ஹர்திக் பாண்டியா சஸ்பெண்ட் செய்யப்பட்ட நிலையில் அணியின் பேட்டிங் வரிசை லேசாக ஆட்டம் கண்டுள்ளது முதல்போட்டியில் தெரிந்தது.

கடந்த ஆட்டத்தில் தோனிக்கு அடுத்தார்போல் நிலைத்து நின்று ரோஹித் சர்மாவுக்கு உறுதுணையாக பேட் செய்ய பேட்ஸ்மேன்கள் இல்லாதது கவலைக்குரிய விஷயம். தினேஷ் கார்த்திக் இருந்தும் தனக்குக் கிடைத்த வாய்ப்பையும் நழுவவிட்டார்.

மேலும், தோனி தன்னை நிலைப்படுத்திக்கொள்ளப் பந்துகளை வீணாக்கியது, சமீபகாலமாக பேட்டிங்கில் ஃபார்மில்லாமல் தவிப்பதை வெளிச்சம் போட்டுகாட்டிவிட்டது. 96 பந்துகளில் 51 ரன்கள் தோனி சேர்த்தும், 13 மாதங்களுக்குப் பின் அரைசதம் அடித்தும் பெரும் விமர்சனத்துக்கு உள்ளானது தோனியின் பேட்டிங்.

தோனியின் பேட்டிங்கை பார்க்க ஆவலுடன் காத்திருந்த அவரின் ரசிகர்களுக்கு அவரின் பேட்டிங் ஸ்டைலும், பேட்டிங் முறையும் பெரும் ஆத்திரத்தையே வரவழைத்தது. ஒரு காலத்தில் மேட்ச் வின்னர் என்று வர்ணிக்கப்பட்ட தோனியின் பேட்டிங் இப்படி மோசமாகிவிட்டதே என்று ரசிகர்கள் புலம்பும் அளவுக்கு மோசமாக அமைந்திருந்தது. பெரும்பாலான பந்துகளை டெஸ்ட் போட்டியை போன்று பீட்டன் செய்யவிட்டு தோனி திணறினார். தோனியின் வழக்கமான ஸ்டிரைட் டிரைவ், கவர் டிரைவ், ஹெலிகாப்டர் ஷாட் போன்றவற்றை மறந்துவிட்டாரா என்று கேட்கும் அளவுக்கு இருந்தது.

ஆனால், தோனி 5-ம் வரிசையில் களமிறங்காமல் 4-வது வரிசையில் களமிறங்க வேண்டும் என்று ரோஹித் சர்மா விருப்பம் தெரிவித்துள்ளார் என்றாலும் அது ஆலோசிக்கப்பட வேண்டியதாகும்.

ஏனென்றால், பெரும்பாலும் தோனி 5-ம் வரிசையில்தான் களமிறங்கி விளையாடி வருகிறார், 4-ம் இடத்தில் மிகவும் அரிதாகவே களமிறங்கி இருக்கிறார்.

4-வது வரிசையில் தோனி களமிறங்கியபோது அவரின் பேட்டிங் சராசரி 52.95 ஆக இருக்கிறது. 333 போட்டிகளில் வைத்துள்ள 50.11 ரன்கள் சராசரியைக் காட்டிலும் அதிகமாகும். 5-வது வரிசையில் தோனி களமிறங்கியபோது பேட்டிங் சராசரி 50.70 ஆகவும், 6-வது வரிசையில் 46.33 ஆகவும்இருக்கிறது.

அதேசமயம், 4-வது வரிசையில் தோனி களமிறங்கியபோதுதான் அவரின் ஸ்டிரைக் ரேட் எப்போதும் இல்லாத அளவுக்கு அதிகமாக இருக்கிறது. 4-வது வரிசையில் தோனியின் ஸ்டிரைக் ரேட் 94.21 ஆகவும், ஒட்டுமொத்த ஸ்டிரைக் ரேட் 87.60 ஆகவும் இருக்கிறது. 5-வது வரிசையில் 86.08 ஆகமட்டுமே ஸ்டிரைக் ரேட் இருக்கிறது.

ஆனால், ஆஸ்திரேலியாவில் கடைசியாக கடந்த 2016-ம் ஆண்டு தோனி விளையாடியபோது, 4-வது வரிசையில் களமிறங்கி வெறும் 18 ரன்கள் மட்டுமே சேர்த்தார்.



  • SHARE

    விவரம் காண

    எதற்காக ஸ்டோக்சுக்கு அப்படிப்பட்ட யார்க்கர் வீசினேன் தெரியுமா? மிட்செல் ஸ்டார்க் ஓபன் டாக்!

    ஆஸ்திரேலியா, இங்கிலாந்து அணிகளுக்கு இடையிலான உலகக்கோப்பைப் போட்டி ஆஸ்திரேலியாவின் வெற்றியில் முடிய இங்கிலாந்து அணியின் பவுலிங், பேட்டிங் இரண்டும் அம்பலமாகிப் போயுள்ளது. பாகிஸ்தானிடம் வாங்கிய...

    இந்தியாவிற்கு எதிரான போட்டியில் மீண்டும் அணிக்குள் வரும் முக்கிய இங்கிலாந்து வீரர்!

    இலங்கைக்கு எதிராக தோல்வி தழுவி அரையிறுதி வாய்ப்பையும் நழுவ விட்டு விடுமோ என்ற அச்சத்தில் இருக்கும் இங்கிலாந்து அணிக்கு உத்வெகமூட்டக்கூடிய செய்தியாக அந்த...

    வீடியோ: லார்ட்ஸ் பால்கனியில் ரிக்கி பாண்டிங்குடன் வாக்குவாதத்தில் ஈடுபட்ட டேவிட் வார்னர்!

    இங்கிலாந்து - வேல்ஸ் நகரங்களில் நடைபெற்று வரும் உலகக் கோப்பை கிரிக்கெட் தொடரின் அரையிறுதி சுற்றுக்கு முதல் அணியாக தகுதிப் பெற்றது ஆஸ்திரேலியா....

    நான் பயந்தேனா..? கெவின் பீட்டர்சனுக்கு பதிலடி கொடுத்த இயான் மோர்கன் !!

    நான் பயந்தேனா..? கெவின் பீட்டர்சனுக்கு பதிலடி கொடுத்த இயான் மோர்கன் ஸ்டார்க்கின் பந்துவீச்சை எதிர்கொள்ள இயான் மோர்கன் அச்சப்பட்டதாக கூறிய கெவின் பீட்டர்சனுக்கு இயான்...

    1983 ம் ஆண்டு உலகக்கோப்பையை நினைவு கூர்ந்த ரவி சாஸ்திரி !!

    1983 ம் ஆண்டு உலகக்கோப்பையை நினைவு கூர்ந்த ரவி சாஸ்திரி உலகக் கோப்பை தொடரில் கபில் தேவ் தலைமையிலான இந்திய கிரிக்கெட் அணி கடந்த...