முன்னாள் ஆஸ்திரேலியா கேப்டன் இயன் சாப்பல் இங்கிலாந்து அணியையும் அதைத் தேர்வு செய்த தேர்வுக்குழுவையும் வறுத்து எடுத்ததோடு இங்கிலாந்து இனி மீளவே வழியில்லை என்று திட்டவட்டமாகத் தெரிவித்துள்ளார்.

எட்ஜ்பாஸ்டன் டெஸ்ட் போட்டியில் 122/8 என்ற நிலையிலிருந்து ஸ்டீவ் ஸ்மித் வெளுத்துக் கட்டி சதம் எடுத்ததோடு 2வது இன்னிங்சிலும் சதம் எடுத்தார், இவருடன் மேத்யூ வேடும் அதிரடி சதம் எடுக்க நேதன் லயன் 2வது இன்னிங்சில் விக்கெட்டுகளை அள்ள ஆஸ்திரேலியாவிடம் இங்கிலாந்து சரியான உதை வாங்கியது.

அடுத்ததாக லார்ட்ஸில் டெஸ்ட் நடைபெறுகிறது, 2000த்திலிருந்து சுமார் 6 போட்டிகளில் லார்ட்ஸில் ஆஸ்திரேலியா 4-ல் வென்றுள்ளது குறிப்பிடத்தக்கது. 18 ஆண்டுகளில் இங்கிலாந்தை இங்கிலாந்து மண்ணில் வீழ்த்தக் கூடிய வாய்ப்பை ஆஸ்திரேலியா ஒருபோதும் தவறவிடாது என்கிறார் இயன் சாப்பல்.ஆஷஷ் தொடர் இந்த அணிக்குத்தான்: முன்னால் கேப்டன் ப்ளிச் பேட்டி 1

இந்நிலையில் ஸ்டீவ் ஸ்மித்தை எப்படி அவுட் ஆக்குவது என்பதே பெரிய தலைவலியாக இங்கிலாந்துக்கு ஆகியுள்ள நிலையில், அவர்கள் வேறு எதில் கவனம் செலுத்த முடியும்,திட்டமிட முடியும் என்று கேள்வி எழுப்பிய இயன் சாப்பல் மேலும் , ஸ்போர்ட்ஸ் சண்டே ஊடகத்துக்கு அளித்த வீடியோ பேட்டியில் கூறியிருப்பதாவது:

“இங்கு நான் 5-0 என்ற கிளீன் ஸ்வீப்பை எதிர்பார்க்கிறேன், இந்தத் தொடர் தொடங்கும் முன்பே நான் கூறினேன் முதல் டெஸ்ட்டில் இங்கிலாந்து தோல்வி கண்டால் விரைவில் உடைந்து நொறுங்கி விடுவார்கள் என்று.

இங்கும் இங்கிலாந்து இப்படி உடைந்து நொறுங்கியதை நாம் ஏற்கெனவே பார்த்திருக்கிறோ, ஓரிருமுறை இப்படி நடந்துள்ளதை நாம் பார்த்திருக்கிறோம். வானிலை இடையூறு செய்யவில்லை எனில் இந்தத் தொடரிலும் இங்கிலாந்து உடைந்து நொறுங்குவதைப் பார்க்க முடியும்.ஆஷஷ் தொடர் இந்த அணிக்குத்தான்: முன்னால் கேப்டன் ப்ளிச் பேட்டி 2

இங்கிலாந்து டெஸ்ட் அணியில் 4 ஒருநாள் வீரர்கள் உள்ளனர். ஆனாலும் ஒருநாள் ஆடி ஆட்டத்தைக் காப்பாற்ற முடியவில்லை.

ஸ்டீவ் ஸ்மித்திற்கு அவர்களால் சரியான லெந்தில் வீச முடியவில்லை, பிராட் ஒரேயொரு ஒவரை 6 பந்துகளும் சரியான இடத்தில் வீசினார், ஆனால் அவரால் அதை மீண்டும் செய்ய முடியவில்லை. ஒன்று இங்கிலாந்தினால் முடியவே முடியாது அல்லது செய்ததை அப்படியே நீட்டிக்கும் பொறுமை இருக்காது. இதுதான் அவர்களது பெரிய பிரச்சினை.

2வது டெஸ்ட் போட்டியில் சமரசத்துக்கு இடமின்றி இங்கிலாந்து அணித்தேர்வைச் செய்ய வேண்டும். ஆஃப் ஸ்பின்னர் லீச், மொயின் அலியை விட சிறந்தவர் என்று நான் கருதவில்லை. நான் இங்கிலாந்து தேர்வில் இருந்தால் ஸ்பின்னரே தேவையில்லை என்று முடிவெடுத்து சாம் கரன், ஜோப்ரா ஆர்ச்சரைத்தான் லெவனில் தேர்வு செய்வேன்” இவ்வாறு கூறினார் இயன் சாப்பல்.



  • SHARE

    விவரம் காண

    சச்சினை ‘சூச்சின்’ என கண்டபைக்கு உளறிய டிரம்ப்: பதிலடி கொடுத்த ஐசிசி

    அமெரிக்க அதிபர் தனது பேச்சின் போது "சூ சின்" முதல் கோலி போன்ற உலகின் சிறந்த கிரிக்கெட் வீரர்கள் இந்திய நாட்டில் இருப்பதாக...

    தோனி 2023 உலககோப்பையிலும் ஆடுவார்: முன்னாள் வீரர் திடுக் தகவல்

    கிரெக் சாப்பல் பயிற்சி காலத்தில் நிறைய இளம் வீரர்களுக்கு வாய்ப்புகள் வழங்கப்பட்டது, அதில் ஒருவர்தான் இந்த ஆந்திரா வீரர் வேணுகோபால் ராவ். ஆந்திராவில் உள்ள...

    இந்திய இளம் வீரர்கள் நன்றாக ஆட இதுதான் காரணம்: அப்ரிடி ஓப்பன் டாக்

    சர்வதேச கிரிக்கெட்டின் அழுத்தங்களை இளம் இந்திய வீரர்கள் சமாளித்து மீண்டு வர அவர்களுக்கு ஐபிஎல் கிரிக்கெட் துணைபுரிகிறது என்று பாகிஸ்தான் ஆல் ரவுண்டர்...

    பவுண்டரிக்கு அடிக்க வேண்டிய பந்தை கட்டை வைக்க கூடாது: புஜாராவிற்கு மறைமுக அட்வைஸ் கொடுத்த கோலி

    வெலிங்டன் டெஸ்ட் போட்டியில் இந்திய அணி தோல்வியடைந்ததையடுத்து விமர்சனங்களை கோலி எதிர்கொண்டு வருகிறார். நியூஸிலாந்து நெருக்கமான களவியூகம் அமைத்து நீண்ட நேரம் ஒரே...

    வீடியோ: பந்தை சேதப்படுத்திய பாக். வீரர்! மைதானத்திலேயே தட்டிக்கேட்டஜேசன் ராய்!

    பாகிஸ்தான் சூப்பர் லீக் டி20 என்றாலே எப்போதும் சர்ச்சைகள்தான் ஒன்று சூதாட்ட சர்ச்சை கிளம்பும் அல்லது வீரர்கள் பந்தைச் சேதம் செய்த சர்ச்சைக்...