Cricket, India New Zealand, Dinesh Karthik

நியூசிலாந்து அணிக்கு எதிரான இரண்டாவது ஒருநாள் போட்டியில் தவான், தினேஷ் கார்த்திக் அரைசதம் விளாச இந்திய அணி 6 விக்கெட் வித்தியாசத்தில் வெற்றி பெற்றது.

இந்தியா வந்துள்ள நியூசிலாந்து அணி 3 ஒருநாள் போட்டிகள் கொண்ட தொடரில் பங்கேற்கிறது. முதல் போட்டியில் நியூசிலாந்து அணி வென்றது. இரு அணிகள் மோதிய இரண்டாவது ஒருநாள் போட்டி புனேவில் நடந்தது.

ரோகித் சொதப்பல்:
இதில் முதலில் பேட்டிங் செய்த நியூசிலாந்து அணி 50 ஓவரில், 9 விக்கெட்டுக்கு 230 ரன்கள் எடுத்தது.
எட்டக்கூடிய இலக்கை துரத்திய இந்திய அணிக்கு துவக்க வீரர் ரோகித் சர்மா (7) சொதப்பலாக வெளியேறினார்.

கார்த்திக் அரைசதம்:
பின் வந்த கேப்டன் கோலி (29) ஏமாற்றினார். தவான் (68) அரைசதம் அடித்து கைகொடுத்தார். பாண்டியா (30) ஓரளவு கைகொடுத்தார். ஒருபுறம் விக்கெட் சரிந்தாலும் மறுமுனையில் நிதானமான ஆட்டத்தை வெளிப்படுத்திய தினேஷ் கார்த்திக், அரைசதத்தை பூர்த்தி செய்த்தார்.

தோனி பினிஸிங்:
பின் வந்த முன்னாள் கேப்டன் தோனி பொறுப்பான ஆட்டத்தை வெளிப்படுத்தினார். தினேஷ் கார்த்திக் துணையுடன் இந்திய அணியை தோனி வெற்றிப்பாதைக்கு அழைத்துச் சென்றார். இதையடுத்து இந்திய அணி, 46 ஓவரில் 4 விக்கெட்டுக்கு 232 ரன்கள் 6 விக்கெட் வித்தியாசத்தில் அசத்தல் வெற்றி பெற்றது. தோனி (18), கார்த்திக் (64)

இந்த வெற்றியின் மூலம் 3 போட்டிகள் கொண்ட ஒருநாள் தொடரை இந்திய அணி, 1-1 என சமன் செய்தது.

பரபரப்பு:
இரு அணிகள் மோதும் மூன்றாவது ஒருநாள் போட்டி, வரும் 29ல் கான்பூரில் நடக்கவுள்ளது. இரு அணிகளும் தற்போது தலா 1 போட்டியில் வென்றுள்ளதால், கான்பூர் போட்டியில் வெல்லும் அணி கோப்பையை கைப்பற்றும். அதனால் மூன்றாவது போட்டி பைனல் போட்டி போல பரபரப்புக்கு பஞ்சமிருக்காது.

‘100’ல் ‘50’:
இந்த வெற்றியின் மூலம் நியூசிலாந்து அணிக்கு எதிரான 100வது ஒருநாள் போட்டியில் இந்திய அணி தனது 50வது வெற்றியை பதிவு செய்தது.

Silambarasan Kv

Cricket Freak | Sehwag Devotee | Love to Write Articles!

Leave a comment

Your email address will not be published. Required fields are marked *