ஹர்திக் பாண்டியா இல்லாதது பின்னடைவு தான்; ஒப்புக்கொண்ட விராட் கோஹ்லி

ஆஸ்திரேலிய அணியுடனான டெஸ்ட் தொடரில் ஹர்திக் பாண்டியா இல்லாதது இந்திய அணிக்கு பின்னடைவு தான் என இந்திய அணியின் கேப்டன் விராட் கோஹ்லி தெரிவித்துள்ளார்.

ஆஸ்திரேலியா சென்றுள்ள விராட் கோஹ்லி தலைமையிலான இந்திய கிரிக்கெட் அணி, ஆஸ்திரேலிய அணியுடன் நான்கு டெஸ்ட் போட்டிகள் கொண்ட தொடரில் பங்கேற்றுள்ளது.

இந்த தொடரின் முதல் போட்டி அடிலெய்டில் நாளை துவங்க உள்ளது. இந்நிலையில் இந்த தொடர் குறித்து பேசிய இந்திய அணியின் கேப்டன் விராட் கோஹ்லி, காயம் காரணமாக ஆஸ்திரேலிய அணியுடனான தொடரில் இருந்து ஹர்திக் பாண்டியா விலகியது இந்திய அணிக்கு பின்னடைவு தான் என தெரிவித்துள்ளார்.

இந்த தொடர் குறித்து விராட் கோஹ்லி பேசியதாவது, ஒரு அணி அது போன்ற ஒன்று நடந்த பிறகு (பால் டேம்பரிங்) முழுதும் எதிர்மறையாக இருக்க வேண்டும் என்று நான் கருதவில்லை. கடந்த காலத்தில் இரு அணிகளும் எல்லைகளை மீறியுள்ளன, அவ்வாறு இனி நடக்காது, ஆனாலும் இது போட்டிநிறைந்த ஒரு விளையாட்டு கடைசியில் இது சர்வதேச கிரிக்கெட் போட்டி,  இதில் போய் பவுலர்கள் வெறுமனே பந்து வீசிவிட்டு மீண்டும் தன் பவுலிங் மார்க் நோக்கிச் செல்வார்கள் என்று எதிர்பார்க்க முடியாது.

சில நேரங்களில் பேட்ஸ்மென்களுக்கு அழுத்தம் கொடுக்க நேரிடும். அதற்காக எல்லை மீறுதல் என்று அர்த்தமில்லை, அவர்கள் மண்டைக்குள் ஏதாவது ஒன்றைப் புகுத்த வேண்டும். இதனை எந்த ஒரு அணியிடமிருந்தும் எதிர்பார்க்கலாம், ஆஸ்திரேலியா அணி மட்டுமல்ல.  ஆகவே ‘அது’ இருக்கவே செய்யும், ஆனல் கடந்த காலத்தைப் போல் இரு அணிகளும் கட்டுப்பாடு இழக்கும் விதமாகப் போகாது.

போட்டி மனப்பான்மை இருக்கவே செய்யும், கடினமான சூழ்நிலையில் பேட்ஸ்மென்களை அவுட் செய்ய வேண்டும் என்ற நெருக்கடி ஏற்படும். எதிரணியில் ஒரு முக்கிய வீரர் ஆடிக்கொண்டிருக்கிறார் என்றால் அவரை நோக்கி நாம் கடினமாகச் செல்ல வேண்டியிருக்கும். அது உடல் மொழியில் இருக்கலாம் அல்லது ஓரிரு வார்த்தைகளில் இருக்கலாம்.  ஆனால் தீவிரமாக எதுவும் நடக்காது என்று நினைக்கிறேன், ஏனெனில் திறமை அளவில் மிகவும் உயர்ந்த தரமுள்ளது. அதனால் அப்படிப் போக வேண்டிய அவசியமிருக்காது, ஆனாலும் சில வேளைகளில் பேட்ஸ்மென் ஒருவரின் ரிதமை நம்மால் கெடுக்க முடியாமல் போகலாம், அப்போது கொஞ்சம் கிண்டல் செய்யலாம் அது ஒரு போதும் தீங்கு ஆகாது” என்று ஸ்லெட்ஜிங் செய்யலாம் என்பது போல் பேசி ஆஸ்திரேலியாவைத் தூண்டி விடுகிறார் என்று ஆஸ்திரேலிய ஊடகங்கள் கூறுகின்றன.

அதே போல் தான் சிறப்பாக ஆடுவதற்கு உத்வேகமாக மோதல் போக்கைத் தான் ஒரு போதும் நம்புவதில்லை என்றாலும் கடந்த முறை ஸ்டீவ் ஸ்மித் டி.ஆர்.எஸ் கேட்க ஓய்வறையை உதவியை நாடியது போல் சம்பவங்கள் நடந்தால் தான் சும்மாயிருக்க மாட்டேன் என்றும் திட்டவட்டமாகத் தெரிவித்துள்ளார்.



  • SHARE

    விவரம் காண

    இந்திய அணியின் துவக்க வீரருக்கு காயம்; கவலையில் ரசிகர்கள் !!

    இந்திய அணியின் துவக்க வீரருக்கு காயம்; கவலையில் ரசிகர்கள் உலகக்கோப்பை கிரிக்கெட் தொடருக்கான வலை பயிற்சியின் போது இந்திய அணியின் துவக்க வீரரான ஷிகர்...

    ஒரே ஒவரில் 5 பவுண்டரி! பாக். வீரரை அடித்து துவம்சம் செய்த ஆப்கன் இளம் வீரர்!

    Afghanistan's Hazratullah Zazai (L) waves away bowler Pakistan's Shaheen Shah Afridi after hitting another shot for four runs during the 2019 Cricket World Cup warm up match between Pakistan and Afghanistan at Bristol County Ground in Bristol, southwest England, on May 24, 2019. (Photo by Glyn KIRK / AFP) (Photo credit should read GLYN KIRK/AFP/Getty Images)
    ஆப்கான் அணியில் இந்த உலகக்கோப்பையில் பவுலர்களுக்கு மிகவும் அச்சுறுத்தலான ஒரு தொடக்க வீரர் இருக்கிறார், அவர்தான் ஹஸ்ரதுல்லா சஸாய். இவர் முன்பு ஒருமுறை...

    கவலைப்படாதீங்க கோஹ்லி மாஸ் பண்ணிடலாம்; நம்பிக்கை கொடுக்கும் ரோஹித் சர்மா !!

    கவலைப்படாதீங்க கோஹ்லி மாஸ் பண்ணிடலாம்; நம்பிக்கை கொடுக்கும் ரோஹித் சர்மா உலக கோப்பைக்கு முன்னதாக இந்திய அணியின் கேப்டன் விராட் கோலிக்கு நம்பிக்கை வார்த்தைகளை...

    பயிற்சி ஆட்டத்தில் கேப்டன் காயம்: ரசிகர்கள் கவலை!

    உலகக்கோப்பைத் தொடருக்கான தயாரிப்புகளில் ஈடுபட்டு வரும் இங்கிலாந்து அணிக்கு ஒரு பெரும் பின்னடைவு ஏற்பட்டுள்ளது. அந்த அணியின் கேப்டன் இயான் மோர்கனுக்கு காயம்...

    ‘எப்பிடி இருந்த நான்.. இப்பிடி ஆய்ட்டேன்’ ஹர்திக் பாண்டியா வெளியிட்ட ‘அன்றும்,இன்றும்’ புகைப்படம்!

    தனது இன்ஸ்டாகிராமில் ஒரு புகைப்படத்தை பதிவிட்டு ஹர்திக் பாண்ட்யா தனது நினைவுகளை பகிர்ந்துள்ளார். உலகக் கோப்பை ஒருநாள் கிரிக்கெட் தொடர் வரும் மே 30ஆம்...