இந்திய அரையிறுதிக்கு செல்ல இன்னும் எத்தனை போட்டிகளில் வெல்ல வேண்டும்? முழு விவரம் உள்ளே!

இந்திய அணி இதுவரை 5 போட்டிகளில் 4இல் வெற்றிப் பெற்று 9 புள்ளிகளுடன் உள்ளது. அத்துடன் இந்தத் தொடரில் தோல்வி அடையாத அணியாக இருந்து வருகிறது. எனவே இந்திய அணி எஞ்சியுள்ள 4 போட்டிகளில் 2இல் வெற்றி பெற்றால் அரையிறுதிக்கு தகுதி பெறுவது உறுதியாகிவிடும்.

இலங்கை அணி நடப்பு தொடரில் 6 போட்டிகளில் விளையாடி 6 புள்ளிகளுடன் உள்ளது. ஆகவே இலங்கை அணி எஞ்சியுள்ள மூன்று போட்டிகளிலும் வெற்றிப் பெறவேண்டும். அப்போதுதான் அரையிறுதி வாய்ப்பு அதிகமாகும். இதற்கு மாறாக இலங்கை அணி 2 போட்டிகளிலும் மட்டும் வெற்றிப் பெற்றால் 10 புள்ளிகளுடன் இருக்கும். அப்போது இலங்கை அணி அரையிறுதிக்கு தகுதி பெற, இங்கிலாந்து அணி அடுத்து விளையாடவுள்ள மூன்றிலும் தோற்கவேண்டும். அத்துடன் பங்களாதேஷ் அணி எஞ்சியுள்ள போட்டிகளில் ஒரு போட்டியில் மட்டும் வெற்றிப் பெறவேண்டும். மேலும் பாகிஸ்தான் அணி ஒரு போட்டியில் தோற்கவேண்டும். இது நடந்தால் இலங்கை அணி அரையிறுதிக்கு தகுதி பெறும்.

பாகிஸ்தான் அணி 6 போட்டிகளில் 5 புள்ளிகளுடன் உள்ளது. இந்த அணி அடுத்து நியூசிலாந்து, பங்களாதேஷ் மற்றும் ஆப்கானிஸ்தான் அணிகளுக்கு எதிராக விளையாடவுள்ளது. இந்த மூன்று போட்டிகளிலும் பாகிஸ்தான் அணி வெற்றிப் பெற்றால் 11 புள்ளிகளுடன் இருக்கும். இந்தச் சமயத்தில் இங்கிலாந்து அணி எஞ்சியுள்ள போட்டிகளில் ஒன்றில் மட்டும் வெற்றி பெறவேண்டும். அத்துடன் பங்களாதேஷ் மற்றும் இலங்கை ஒரு போட்டியில் தோல்வி அடையவேண்டும். இது நடந்தால் பாகிஸ்தான் அணி அரையிறுதிக்கு தகுதி பெறலாம்.

வெஸ்ட் இண்டீஸ் அணி 6 போட்டிகளில் விளையாடி 3 புள்ளிகளுடன் உள்ளது. இந்த அணி அடுத்து இந்தியா, இலங்கை மற்றும் ஆப்கானிஸ்தான் அணிகளை எதிர்த்து விளையாடவுள்ளது. இந்த மூன்று போட்டிகளிலும் வெஸ்ட் இண்டீஸ் அணி வெற்றிப் பெற்றால் 9 புள்ளிகளுடன் இருக்கும். அப்போது இங்கிலாந்து அணி எஞ்சியுள்ள மூன்று போட்டிகளிலும் தோற்கவேண்டும். அத்துடன் பங்களாதேஷ் மற்றும் இலங்கை அணிகள் ஒரு போட்டிக்கு மேல் வெற்றி பெறக்கூடாது. அதேபோல பாகிஸ்தான் அணி 2 போட்டிகளில் தோற்கவேண்டும். இந்த முடிவுகள் வரும் பட்சத்தில் வெஸ்ட் இண்டீஸ் அணி அரையிறுதிக்கு தகுதி பெறும்.

பங்களாதேஷ் அணி தற்போது 5 புள்ளிகளுடன் உள்ளது. இந்த அணி அடுத்து ஆப்கானிஸ்தான், இந்தியா மற்றும் பாகிஸ்தான் அணிகளுடன் விளையாடவுள்ளது. இந்த மூன்று போட்டிகளிலும் பங்களாதேஷ் அணி வெற்றிப் பெற்றால் 11 புள்ளிகள் பெறும். அப்போது இலங்கை அணி அடுத்துள்ள அனைத்து போட்டிகளிலும் தோற்கவேண்டும். அத்துடன் இங்கிலாந்து அணி அடுத்து விளையாடும் மூன்று போட்டிகளில் ஒரு போட்டிக்கு மேல் வெற்றிப் பெறக் கூடாது. இந்த நிலை வந்தால் பங்களாதேஷ் அணி அரையிறுதிக்கு தகுதி பெறும்.வ்