முதல் தோல்வியால் புள்ளி பட்டியலில் மூன்றாம் இடத்திற்கு பின்தங்கியது சென்னை சூப்பர் கிங்ஸ்

கிங்ஸ் லெவன் பஞ்சாப் அணியுடனான தோல்வி மூலம் ஐ.பி.எல் 2018ம் ஆண்டு தொடரின் புள்ளி பட்டியலில் சென்னை அணி மூன்றாம் இடத்திற்கு பின் தள்ளப்பட்டுள்ளது.

ஐ.பி.எல் 11வது சீசன் இந்தியாவின் பல பகுதிகளில் மிக பிரமாண்டமாக நடத்தப்பட்டு வருகிறது.

இந்த தொடரின் நேற்றைய போட்டியில் தோனி தலைமயிலான சென்னை சூப்பர் கிங்ஸ் அணி, அஸ்வின் தலைமையிலான கிங்ஸ் லெவன் பஞ்சாப் அணியும் மோதின.

இதில் டாஸ் வென்ற சென்னை அணியின் கேப்டன் தோனி முதலில் பந்துவீச்சை தேர்வு செய்ததை தொடர்ந்து முதலில் பேட்டிங் செய்த பஞ்சாப் அணிக்கு அந்த அணியின் அதிரடி ஆட்டக்காரர் கிறிஸ் கெய்ல் 57 ரன்கள் எடுத்து கைகொடுத்தன் மூலம் 20 ஓவர் முடிவில் 7 விக்கெட்டுகளை இழந்த பஞ்சாப் அணி 197 ரன்கள் எடுத்தது.

இதனையடுத்து 198 ரன்கள் எடுத்தால் வெற்றி என்ற கடின இலக்கை துரத்தி களமிறங்கிய சென்னை அணிக்கு சேன் வாட்சன் (11), முரளி விஜய் (12) என சொற்ப ரன்களில் விக்கெட்டை இழந்து ஏமாற்றம் கொடுத்தனர். இதன் பின் பெரிதும் எதிர்பார்க்கப்பட்ட சாம் பில்லிங்ஸும் 9 ரன்னில் ஆட்டமிழந்தார்.

இதன் பிறகு கூட்டணி சேர்ந்த தோனி – அம்பத்தி ராயூடு கூட்டணி நிதானமாக விளையாடி பொறுமையாக ரன் சேர்த்தது. அம்பத்தி ராயூடு 49 ரன்கள் எடுத்த போது ரன் அவுட்டாகி வெளியேறினார், அடுத்த வந்த ஜடேஜாவும் 19 ரன்னில் விக்கெட்டை இழந்து வெளியேறினாலும் தொடர்ந்து தனது பொறுப்பை உணர்ந்து விளையாடிய தோனி கடைசி 20 பந்துகளுக்கு 60 ரன்கள் தேவை என்ற நிலையிலும் சிக்ஸர்களாக பறக்கவிட்டு கடைசி ஒரு ஓவருக்கு 17 ரன்கள் தேவை என்ற நிலை வரை சென்னை அணியை அழைத்து வந்தார்.

 

போட்டியின் வெற்றியை தீர்மானிக்கும் இந்த கடைசி ஓவரில் தோனி 12 ரன்கள் மட்டுமே எடுத்ததால் சென்னை அணி 4 ரன்கள் வித்தியாசத்தில் தோல்வியடைந்தது.

இந்த தோல்வியின் மூலம் நடப்பு ஐ.பி.எல் தொடரில் தனது முதல் தோல்வியை சந்தித்துள்ள சென்னை சூப்பர் கிங்ஸ் அணி  இதன் மூலம் புள்ளி பட்டியலிலும் இரண்டாம் இடத்தில் இருந்து மூன்றாவது இடத்திற்கு தள்ளப்பட்டுள்ளது. நேற்றைய போட்டியில் வெற்றி பெற்ற பஞ்சாப் அணி இரண்டாம் இடத்திற்கு முன்னேறியுள்ளது.

இந்த பட்டியலில் கேன் வில்லியம்சன் தலைமையிலான ஹைதராபாத் அணியே முதலிடத்தில் நீடித்து வருகின்றது. முறையே இரண்டாம் இடத்தில் பஞ்சாப் அணியும், மூன்றாம் இடத்தில் சென்னை மற்றும் நான்காம் இடத்தில் ராஜஸ்தான் ராயஸ் அணியும் உள்ளன.

 

புதிய புள்ளி பட்டியல்

1 ஹைதராபாத் 3 3 0 6
2 பஞ்சாப் 3 2 1 4
3 சென்னை 3 2 1 4
4 ராஜஸ்தான் 3 2 1 4
5 கொல்கத்தா 3 1 2 2
6 பெங்களூர் 3 1 2 2
7 டெல்லி 3 1 2 2
8 மும்பை 3 0 3 0

 

 



  • SHARE

    விவரம் காண

    ஹர்திக் பாண்டியா மீண்டும் அணியில் இடம்பிடிக்க வேண்டும்; அஜித் அகார்கர் விருப்பம் !!

    ஹர்திக் பாண்டியா மீண்டும் அணியில் இடம்பிடிக்க வேண்டும்; அஜித் அகார்கர் விருப்பம் ஹர்திக் பாண்டியா விரைவில் அணிக்கு திரும்ப வேண்டுமென இந்திய அணியின் முன்னாள்...

    விராட் கோஹ்லியின் சாதனையை காலி செய்த ஹசீம் ஆம்லா !!

    விராட் கோஹ்லியின் சாதனையை காலி செய்த ஹசீம் ஆம்லா சர்வதேச ஒருநாள் கிரிக்கெட் அரங்கில் அதிவேகமாக 27 சதங்கள் கடந்த வீரர்கள் பட்டியலில் விராட்...

    இந்தியா மற்றும் இங்கிலாந்து அணிகள் உலகக்கோப்பை வெல்ல வாய்ப்புகள் அதிகம்: ரவி சாஸ்திரி

    இந்தியா மற்றும் இங்கிலாந்து அணிகள் உலகக்கோப்பை வெல்ல வாய்ப்புகள் அதிகம் என இந்திய பயிற்சியாளர் ரவி சாஸ்திரி கூறியுள்ளார். இங்கிலாந்தில் இருந்து வெளியாகும் ‘டெய்லி...

    தோனியை புகழ்ந்து தள்ளிய மைக்கெல் கிளார்க் !!

    தோனியை புகழ்ந்து தள்ளிய மைக்கெல் கிளார்க் தனக்கு பாண்டிங் எப்படியோ அப்படித்தான் இந்திய அணியின் கேப்டன் கோலிக்கு தோனியின் ஆலோசனை தேவை என்று ஆஸ்திரேலிய...

    பந்தை நீங்களே வாங்கிக்கங்க; மைதானத்தில் தோனி கல கல !!

    பந்தை நீங்களே வாங்கிக்கங்க; மைதானத்தில் தோனி கல கல மெல்போர்னில் நடந்த கடைசி ஒருநாள் போட்டியில் கடைசி வரை ஆட்டமிழக்காமல் களத்தில் நின்று இந்திய...