வெற்றிக்கு இது தான் காரணம்; ஆரோன் பின்ச் பெருமிதம்

இந்தியா வந்துள்ள ஆஸ்திரேலிய கிரிக்கெட் அணி, இந்திய அணியுடன் இரண்டு டி.20 போட்டிகள் மற்றும் ஐந்து ஒருநாள் போட்டிகள் கொண்ட தொடரில் பங்கேற்றது.

இதில் முதலில் நடைபெற்ற டி.20 தொடரை 2-0 என்ற கணக்கில் ஆஸ்திரேலிய அணி முழுவதுமாக கைப்பற்றிய நிலையில், இரு அணிகள் இடையேயான ஐந்து போட்டிகள் கொண்ட ஒருநாள் தொடர் நடைபெற்றது.

இந்த தொடரின் முதல் நான்கு போட்டிகள் முடிவில் இரு அணிகளும் தலா இரண்டு போட்டிகளில் வெற்றி பெற்று 2-2 என்ற கணக்கில் சமநிலையில் இருந்த நிலையில் இரு அணிகள் இடையேயான கடைசி மற்றும் ஐந்தாவது ஒருநாள் போட்டி டெல்லி பிரோஷா கோட்லா மைதானத்தில் நேற்று நடைபெற்றது.

இதில் டாஸ் வென்ற ஆஸ்திரேலிய அணியின் கேப்டன் ஆரோன் பின்ச் முதலில் பேட்டிங்கை தேர்வு செய்தார்.

இதனையடுத்து முதலில் பேட்டிங் செய்த ஆஸ்திரேலிய அணிக்கு உஸ்மான் கவாஜா 100 ரன்களும், பீட்டர் ஹேண்ட்ஸ்கோம்ப் 52 ரன்களும் எடுத்து கைகொடுத்ததன் மூலம் நிர்ணயிக்கப்பட்ட 50 ஓவர்கள் முடிவில் 9 விக்கெட்டுகளை இழந்த ஆஸ்திரேலிய அணி 272 ரன்கள் எடுத்தது.

இதனையடுத்து 273 ரன்கள் எடுத்தால் வெற்றி என்ற எட்டக்கூடிய இலக்கை துரத்தி களமிறங்கிய இந்திய அணிக்கு ரோஹித் சர்மா 56 ரன்கள் எடுத்து நல்ல துவக்கம் கொடுத்தாலும், மிடில் ஆர்டரில் களமிறங்கிய வீரர்களின் பொறுப்பற்ற ஆட்டத்தால் இந்திய அணி 32 ரன்கள் வித்தியாசத்தில் தோல்வியடைந்து, ஐந்து போட்டிகள் ஒருநாள் தொடரை 3-2 என்ற கணக்கில் இழந்துள்ளது.

இந்நிலையில் இந்திய அணியுடனான இந்த வெற்றி குறித்து ஆஸ்திரேலிய கேப்டன் ஆரோன் பின்ச் பேசியதாவது;

இதை எங்களாலே நம்ப முடியவில்லை. எங்களின் போராட்டம் ஆச்சரியமாக இருந்தது. ஒரு கேப்டனாக எங்களது வீரர்களின் செயல்பாடுகள் குறித்து பெருமை கொள்கிறேன். பந்துவீச்சு பேட்டிங் என இரண்டிலும் சிறப்பாக செயல்பட்டதன் மூலமே இந்த தொடரை எங்களால் வெற்றி பெற முடிந்தது. சாஹல், குல்தீப் யாதவ் மற்றும் ஜடேஜா போன்ற தலைசிறந்த சுழற்பந்து வீச்சாளர்களை எதிர்கொண்டு விளையாடுவது சவாலான விசயம், இருந்தாலும் எங்கள் வீரர்கள் சிறப்பாக செயல்பட்டனர். இது ஒட்டுமொத்த வீரர்களின் கூட்டு முயற்சிக்கு கிடைத்த வெற்றியே” என்றார்.



  • SHARE

    விவரம் காண

    மிகப்பெரும் நம்பிக்கையே தல தோனி தான்; ரவி சாஸ்திரி புகழாரம் !!

    மிகப்பெரும் நம்பிக்கையே தல தோனி தான்; ரவி சாஸ்திரி புகழாரம்  உலகக்கோப்பை கிரிக்கெட் தொடரில் தோனியின் பங்கு இந்திய அணியில் மிக முக்கியமானதாக இருக்கும்...

    உலக கோப்பையில் மாஸ் காட்ட இதை செய்யுங்கள்; ஆஃப்கானிஸ்தான் அணிக்கு அட்வைஸ் கொடுக்கும் கும்ப்ளே !!

    உலக கோப்பையில் மாஸ் காட்ட இதை செய்யுங்கள்; ஆஃப்கானிஸ்தான் அணிக்கு அட்வைஸ் கொடுக்கும் கும்ப்ளே உலக கோப்பை நெருங்கிய நிலையில், இந்தியா மற்றும் இங்கிலாந்து...

    சச்சின் டெண்டுல்கரை விட விராட் கோஹ்லி தான் பெஸ்ட்; முன்னாள் வீரர் ஓபன் டாக் !!

    சச்சின் டெண்டுல்கரை விட விராட் கோஹ்லி தான் பெஸ்ட்; முன்னாள் வீரர் ஓபன் டாக் கிரிக்கெட் உலகின் முன்னாள் ஜாம்பவான் சச்சின் டெண்டுல்கரை விட...

    இந்திய அணியின் இரண்டு நம்பிக்கை தூண்கள் இவர்கள் தான்; கோஹ்லி பாராட்டு !!

    இந்திய அணியின் இரண்டு நம்பிக்கை தூண்கள் இவர்கள் தான்; கோஹ்லி பாராட்டு யுஸ்வேந்திர சாஹல் மற்றும் குல்தீப் யாதவ் ஆகிய இருவர் இந்திய அணியின்...

    உலகக்கோப்பை ஆஸ்திரேலிய அணிக்கு தான்; அடித்து சொல்லும் ஆடம் கில்கிறிஸ்ட் !!

    உலகக்கோப்பை ஆஸ்திரேலிய அணிக்கு தான்; அடித்து சொல்லும் ஆடம் கில்கிறிஸ்ட் உலகக்கோப்பையை ஆஸ்திரேலிய அணி வெல்வதற்கே அதிக வாய்ப்புகள் உள்ளது என ஆஸ்திரேலிய அணியின்...