இந்த டீம் அவ்வளவு வொர்த் இல்லையே; அணில் கும்ப்ளே வேதனை

இந்திய அணி ஆஸ்திரேலியாவில் சுற்றுப்பயணம் செய்து ஆடிவருகிறது. 3 டி20 போட்டிகள் கொண்ட தொடர் 1-1 என சமனானது. 4 போட்டிகள் கொண்ட டெஸ்ட் தொடரை 2-1 என வென்றது இந்திய அணி. இதன்மூலம் ஆஸ்திரேலிய மண்ணில் முதன்முறையாக டெஸ்ட் தொடரை வென்று வரலாற்றுச் சாதனை படைத்தது.

இதையடுத்து 3 போட்டிகள் கொண்ட ஒருநாள் தொடர் வரும் 12ம் தேதி(நாளை) தொடங்குகிறது. ஜனவரி 12, 15, 18 ஆகிய தேதிகளில் மூன்று ஒருநாள் போட்டிகள் நடக்கின்றன.

முதல் போட்டி நாளை சிட்னியில் தொடங்குகிறது. ஒருநாள் தொடருக்கான இந்திய அணி அறிவிக்கப்பட்டு விட்டது. ஆஸ்திரேலிய அணியும் வீரர்களை அறிவித்துவிட்டது. ஸ்மித் மற்றும் வார்னர் இல்லாத ஆஸ்திரேலிய அணி வலுவிழந்த அணியாக இருந்தாலும் ஒருநாள் போட்டிகளில் ஃபின்ச் நல்ல ஃபார்மில் ஆடிவருகிறார். மேலும் சில புதிய வீரர்களை ஆஸ்திரேலிய அணி சேர்த்துள்ளது.

அதேநேரத்தில் இந்திய அணி அனுபவம் வாய்ந்த வீரர்களை உள்ளடக்கிய அணியாக உள்ளது. எனினும் இந்திய அணியின் முன்னாள் பயிற்சியாளர் கும்ப்ளே, இந்திய அணி குறித்த கவலையை வெளிப்படுத்தியுள்ளார். இதுகுறித்து பேசிய கும்ப்ளே, ஆஸ்திரேலிய அணி பலவீனமாகத்தான் உள்ளது. அந்த அணியில் எப்போதும் ஆடும் பவுலர்கள் கூட இந்த தொடரில் சேர்க்கப்படவில்லை. அந்த அணி பலவீனமாக இருக்கும் அதேநேரத்தில் இந்திய அணியை நினைத்து தைரியமாக இருக்க முடியவில்லை. 7 முதல் 8 வீரர்கள் சமீபத்தில் எந்தவிதமான போட்டிகளிலும் ஆடாமல் நேரடியாக ஆஸ்திரேலிய தொடரில் களமிறங்குகின்றனர். தொடர்ந்து டச்சில் இல்லாமல் நேரடியாக ஆஸ்திரேலிய தொடரில் அவர்கள் களமிறங்குவதுதான் எனக்கு பிரச்னையாக படுகிறது என்று கும்ப்ளே தெரிவித்தார்.

தோனி, அம்பாதி ராயுடு, கேதர் ஜாதவ் உள்ளிட்ட வீரர்கள் வெஸ்ட் இண்டீஸ் தொடருக்கு பிறகு இதில்தான் ஆடுகின்றனர். இதுகுறித்த வேதனையைத்தான் கும்ப்ளே பதிவு செய்துள்ளார்.

முதல் ஒருநாள் போட்டிக்கான ஆஸ்திரேலிய அணி;

ஆரோன் பின்ச் (கேப்டன்), உஸ்மான் கவாஜா, அலெக்ஸ் கேரி (விக்கெட் கீப்பர்), சேன் மார்ஸ், ஹேண்ட்ஸ்கோம்ப், மார்கஸ் ஸ்டோனிஸ், கிளன் மேக்ஸ்வெல், நாதன் லயோன், பீட்டர் சிடில், ரிச்சர்ட்சன், ஜேசன் பெஹண்ட்ரூஃப்.



  • SHARE

    விவரம் காண

    ஷமி, புவனேஷ்வர் குமார் இருவரில் யார் பெஸ்ட்..? சச்சின் டெண்டுல்கர் புது கருத்து !!

    ஷமி, புவனேஷ்வர் குமார் இருவரில் யார் பெஸ்ட்..? சச்சின் டெண்டுல்கர் புது கருத்து விண்டீஸ் அணிக்கு எதிரான போட்டியில் ஷமி, புவனேஷ்வர் குமார் ஆகிய...

    திட்ட வேண்டாம்னு சொல்ல; கொஞ்சம் மரியாதையா திட்டுங்கனு தான் சொல்றேன்; பாகிஸ்தான் கேப்டன் வேதனை !!

    திட்ட வேண்டாம்னு சொல்ல; கொஞ்சம் மரியாதையா திட்டுங்கனு தான் சொல்றேன்; பாகிஸ்தான் கேப்டன் வேதனை எங்கள் விளையாட்டின் மீது விமர்சனம் செய்யுங்கள், ஆனால், அத்துமீறி...

    எதற்காக ஸ்டோக்சுக்கு அப்படிப்பட்ட யார்க்கர் வீசினேன் தெரியுமா? மிட்செல் ஸ்டார்க் ஓபன் டாக்!

    ஆஸ்திரேலியா, இங்கிலாந்து அணிகளுக்கு இடையிலான உலகக்கோப்பைப் போட்டி ஆஸ்திரேலியாவின் வெற்றியில் முடிய இங்கிலாந்து அணியின் பவுலிங், பேட்டிங் இரண்டும் அம்பலமாகிப் போயுள்ளது. பாகிஸ்தானிடம் வாங்கிய...

    இந்தியாவிற்கு எதிரான போட்டியில் மீண்டும் அணிக்குள் வரும் முக்கிய இங்கிலாந்து வீரர்!

    இலங்கைக்கு எதிராக தோல்வி தழுவி அரையிறுதி வாய்ப்பையும் நழுவ விட்டு விடுமோ என்ற அச்சத்தில் இருக்கும் இங்கிலாந்து அணிக்கு உத்வெகமூட்டக்கூடிய செய்தியாக அந்த...

    வீடியோ: லார்ட்ஸ் பால்கனியில் ரிக்கி பாண்டிங்குடன் வாக்குவாதத்தில் ஈடுபட்ட டேவிட் வார்னர்!

    இங்கிலாந்து - வேல்ஸ் நகரங்களில் நடைபெற்று வரும் உலகக் கோப்பை கிரிக்கெட் தொடரின் அரையிறுதி சுற்றுக்கு முதல் அணியாக தகுதிப் பெற்றது ஆஸ்திரேலியா....