கேன் வில்லியம்சன் தலைமையிலான நியூசிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு விளையாடி வருகிறது. இந்தியாவுக்கு எதிரான ஒரு நாள் தொடரை 1-2 என்ற கணக்கில் இழந்த நியூசிலாந்து அணி அடுத்து 3 போட்டிகள் கொண்ட 20 ஓவர் தொடரில் பங்கேற்கிறது.

இதன்படி இந்தியா – நியூசிலாந்து இடையிலான முதலாவது 20 ஓவர் கிரிக்கெட் போட்டி டெல்லி பெரோஸ்ஷா கோட்லா மைதானத்தில் இன்றிரவு (புதன்கிழமை) நடக்கிறது.

ஒரு நாள் தொடரில் நியூசிலாந்தின் சவாலை முறியடித்து தொடரை வசப்படுத்திய இந்திய அணி, அதே போன்று 20 ஓவர் தொடரிலும் ஆதிக்கம் செலுத்துவதை எதிர்நோக்கி உள்ளது. ஆனால் 20 ஓவர் போட்டியில் நியூசிலாந்து ‘நம்பர் ஒன்’ அணி என்பது கவனிக்கத்தக்க அம்சமாகும்.

CARDIFF, WALES – JUNE 09: New Zealand captain Kane Williamson leads his team off the field after the ICC Champions Trophy match between New Zealand and Bangladesh at SWALEC Stadium on June 9, 2017 in Cardiff, Wales. (Photo by Stu Forster/Getty Images)

முன்னாள் உலக சாம்பியனான இந்திய அணி 20 ஓவர் கிரிக்கெட்டில் ஆஸ்திரேலியா, இலங்கை, தென்ஆப்பிரிக்கா, பாகிஸ்தான், வெஸ்ட் இண்டீஸ் போன்ற முன்னணி அணிகளை எல்லாம் வீழ்த்தி இருக்கிறது. ஆனால் ஏனோ, நியூசிலாந்தை மட்டும் இதுவரை போட்டுத்தாக்க முடியவில்லை. நியூசிலாந்துக்கு எதிராக இதுவரை ஆடியுள்ள 5 இருபது ஓவர் போட்டிகளிலும் இந்தியாவுக்கு தோல்வியே மிஞ்சியிருக்கிறது. கடைசியாக கடந்த ஆண்டு உலக கோப்பையில் தோற்றதும் இதில் அடங்கும்.

இந்த நீண்ட கால சோகத்துக்கு விராட் கோலி தலைமையிலான படையினர் முடிவுகட்டி வரலாறு படைக்கும் வேட்கையில் இருக்கிறார்கள். ஒரு நாள் தொடரில் கேப்டன் விராட் கோலி, துணை கேப்டன் ரோகித் சர்மா சதங்கள் அடித்து அசத்தினர். பந்து வீச்சில் பும்ரா, யுஸ்வேந்திர சாஹல் பார்மில் உள்ளனர். ஆல்-ரவுண்டர் ஹர்திக் பாண்ட்யா, டோனி, தவான் ஆகியோரும் நல்ல நிலையில் இருப்பது இந்திய அணியை வலுப்படுத்துகிறது. 

இந்திய மூத்த வேகப்பந்து வீச்சாளர் ஆஷிஷ் நெஹராவுக்கு இது கடைசி சர்வதேச போட்டி என்பதால், அனேகமாக புவனேஷ்வர்குமார் வெளியே உட்கார வைக்கப்படுவார் என்று எதிர்பார்க்கப்படுகிறது. 18 ஆண்டுகள் சர்வதேச போட்டிகளில் நீடித்த 38 வயதான நெஹரா சொந்த ஊர் ரசிகர்களின் முன்னிலையில் விடைபெறுகிறார். அவரை வெற்றியுடன் வழியனுப்பவும் இந்திய வீரர்கள் முயற்சிப்பார்கள்.

நியூசிலாந்து அணியை பொறுத்தவரை ஒரு நாள் தொடரில் அவ்வளவு எளிதில் பணிந்து விடவில்லை. குறிப்பாக கடைசி ஒரு நாள் போட்டியில் 338 ரன்கள் இலக்கை நோக்கி விளையாடி வெற்றியை நெருங்கி வந்து 6 ரன்கள் வித்தியாசத்தில் தான் தோல்வி கண்டது. மிடில் வரிசையில் ராஸ் டெய்லர், டாம் லாதம், நிகோல்ஸ் ஆகியோரின் பேட்டிங், கேப்டன் வில்லியம்சனுக்கு மிகுந்த மனநிறைவை தந்துள்ளது.

தங்களது பிடியை விட்டுக்கொடுக்காமல் 20 ஓவர் தொடரிலும் மிரட்ட வேண்டும் என்பதில் தீவிரமாக இருக்கிறார்கள். இது குறுகிய வடிவிலான போட்டி என்பதால் விறுவிறுப்புக்கு பஞ்சம் இருக்காது.

இந்த மைதானத்தில் 2016-ம் ஆண்டு 20 ஓவர் உலக கோப்பை தொடரில் 4 ஆட்டங்கள் நடந்தன. அதே சமயம் இந்திய அணி இங்கு 20 ஓவர் போட்டியில் விளையாட இருப்பது இதுவே முதல் முறையாகும்.



  • SHARE

    விவரம் காண

    நாங்கள் இருக்கும்வரை இனி இளம் வீரர்களுக்கு அணியில் இடம் கிடையாது: ஓப்பனாக பேசும் உமேஷ் யாதவ்

    இந்தியாவில் கிரிக்கெட் திறமைகளுக்குப் பஞ்சமில்லை, ஆனால் இளம் வீரர்கள் இந்திய அணிக்குள் நுழைய வேண்டுமென்றால் ஏற்கெனவே ஆடிக்கொண்டிருப்பவர்களை விட திறமையானவர்களாக இருந்தால்தான் முடியும்...

    இந்த தொடரின் வெற்றிக்கு இவர்தான் காரணம்: உமேஷ் யாதவ் பேட்டி

    Virat Kohli (captain) of India and Umesh Yadav of India celebrates the wicket of Vernon Philander of South Africa during day 4 of the second test match between India and South Africa held at the Maharashtra Cricket Association Stadium in Pune, India on the 13th October 2019 Photo by Deepak Malik / SPORTZPICS for BCCI
    சிறப்பான கேட்ச்களை பிடித்த விக்கெட் கீப்பா் ரித்திமான் சாஹாவுக்கு வேகப்பந்து வீச்சாளா் உமேஷ் யாதவ் பாராட்டு தெரிவித்துள்ளாா். தென்னாப்பிரிக்காவுக்கு எதிரான 2-ஆவது டெஸ்டில் இந்தியா...

    பிசிசிஐ தலைவரானதும் ஐபிஎல்க்கு முன்னுரிமை கிடையாது, இதற்குத்தான் முன்னுரிமை: சவுரவ் கங்குலி அசத்தல் பேட்டி

    நீதிபதி லோதா குழு பரிந்துரைகளை அமுல்படுத்த ஏதுவாக உச்சநீதிமன்ற உத்தரவின்படி வினோத் ராய் தலைமையில் 3 நபர்கள் கொண்ட கிரிக்கெட் நிர்வாகக் குழுவை...

    ஐசிசி உலக டெஸ்ட் சாம்பியன்ஷிப் பட்டியல் வெளியீடு: இந்திய மரணம் மாஸ்!

    தென் ஆப்பிரிக்காவுக்கு எதிராக தொடரை கைப்பற்றியதன் மூலம் இந்திய அணி 200 புள்ளிகளுடன் ஐசிசி உலக டெஸ்ட் சாம்பியன்ஷிப்பில் முதல் இடத்தில் உள்ளது. தென்ஆப்பிரிக்காவுக்கு...

    இந்த 3 பேர் இருந்திருந்தால் வெற்றி பெற்று இருப்போம்: டு ப்லெஸிஸ் ஆதங்கம்

    ஸ்டெயின், டி வில்லியர்ஸ், அம்லா போன்ற வீரர்களின் இடத்தை ஒரே இரவில் நிரப்ப முடியாது என தென்னாப்பிரிக்க அணியின் கேப்டன் டூ பிளசிஸ்...