ஆப்கானிஸ்தானுக்கு எதிரான போட்டியில், தோனி- கேதர் ஜாதவ் ஆடிய விதம் ஏமாற்றமளித்தது என்று சச்சின் டெண்டுல்கர் தெரிவித்துள்ளார்.
உலகக் கோப்பை தொடரில் இந்தியா- ஆப்கானிஸ்தான் அணிகள் நேற்று மோதின. முதலில் களமிறங்கிய இந்திய அணி, 8 விக்கெட் இழப்பிற்கு 224 ரன்கள் சேர்த்தது. கேப்டன் விராத் கோலி 67 ரன்களும் கேதர் ஜாதவ் 52 ரன்களும் எடுத்தனர்.
பின்னர் 225 ரன்கள் என்ற இலக்கை நோக்கி ஆடிய ஆப்கன் அணி, 213 ரன்னுக்கு ஆட்டமிழந்து தோல்வியைத் தழுவியது. கடைசி ஓவரில் இந்திய வேகப்பந்து வீச்சாளர் முகமது ஷமி, ஹாட்ரிக் விக்கெட் வீழ்த்தினார்.
இந்த வெற்றியின் மூலம் உலகக் கோப்பையில் 50 வது வெற்றியை பதிவு செய்திருக்கிறது இந்திய அணி.
இந்தப் போட்டியில் ஆப்கானிஸ்தான் சுழல் பந்துவீச்சாளர்கள் இந்திய அணியை முழுவதுமாகக் கட்டுப்படுத்தினார்கள். அதிக ரன்களை அடிக்க முடியாமல் இந்திய வீரர்கள் திணறினர். மிடில் ஆர்டரில் தோனியும் கேதர் ஜாதவும் மிகவும் நிதானமாக ஆடினர். தோனி 28 ரன்களில் ஆட்டமிழந்தார். இவர்களின் பார்ட்னர்ஷிப் ஏமாற்றமளித்ததாக சச்சின் டெண்டுல்கர் தெரிவித் துள்ளார்.
இந்திய அணி பேட்டிங் செய்தபோது, மிடில் ஆர்டரில் தோனியும் கேதர் ஜாதவும் மிகவும் நிதானமாக ஆடினர். தோனி 28 ரன்களில் ஆட்டமிழந்தார். இவர்களின் பார்ட்னர்ஷிப் ஏமாற்றமளித்ததாக சச்சின் டெண்டுல்கர் தெரிவித்துள்ளார்.
இதுபற்றி அவர் கூறும்போது, ‘’இந்திய அணியின் ஆட்டத்தைக் கண்டு ஏமாற்றமடைந்தேன். இன்னும் நன்றாக ஆடியிருக் கலாம். தோனி- கேதர் ஜாதவ் பார்ட்னர்ஷிப் எனக்கு மகிழ்ச்சியாக இல்லை. அவர்கள் மிகவும் மெதுவாக ஆடினார்கள். அது நேர்மறையான ஆட்டம் இல்லை. 34 ஓவர்கள் ஸ்பின் பந்துகளை சந்தித்து 119 ரன்கள் மட்டுமே எடுத்துள்ளோம்.
விராட் கோலி ஆட்டமிழந்த பின்பு ஒவ்வொரு ஓவரிலும் குறைந்தது 2 முதல் 3 பந்துகளில் நாம் ரன்குவிக்க தவறிவிட்டோம். 45-ஆவது ஓவருக்கு பின்பு தான் சிறிது ரன்கள் சேர்ந்தது. நடுவரிசை வீரர்கள் போதிய அளவு களத்தில் விளையாட வாய்ப்பு அமையாதது இதற்கு ஒரு காரணமாக இருக்கலாம். ஆனால், அவர்களின் ஆட்டத்திறன் சரியான வெளிப்பாடாக இல்லை. மிடில் ஆர்டரில் சிறப்பாக ஆடி, அதிக ரன்கள் சேர்த்திருக்கவேண்டும்’’ என்றார்.