ஹாட்-ட்ரிக் எடுக்கும் முன்னர் ஷமியிடம் தோனி கூறியது இதுதான்: ஷமி ஓப்பன் டாக்
ஆப்கனுக்கு எதிரான நேற்றைய போட்டியில் கடைசி 3 ஓவர்களில் ஆப்கானிஸ்தானின் வெற்றிக்கு 24 ரன்கள் தேவைப்பட்டது. 48-வது ஓவரில் முகமது ஷமி 3 ரன்னும், 49-வது ஓவரில் பும்ரா 5 ரன்னும் விட்டுக்கொடுத்து கட்டுப்படுத்தினர். இதனால் கடைசி ஓவரில் அந்த அணியின் வெற்றிக்கு 16 ரன் தேவைப்பட்டது. பரபரப்பான இறுதி ஓவரை வேகப்பந்து வீச்சாளர் முகமது ஷமி வீசினார். புல்டாசாக வந்த முதல் பந்தை முகமது நபி பவுண்டரி அடித்து இந்திய ரசிகர்களை திகிலடையச் செய்தார்.
அடுத்த பந்தில் ரன் எடுக்காத முகமது நபி (52 ரன், 55 பந்து, 4 பவுண்டரி, ஒரு சிக்சர்) 3-வது பந்தை தூக்கியடித்து கேட்ச் ஆனார். தொடர்ந்து இறங்கிய அப்தாப் ஆலம், முஜீப் ரகுமான் இருவரும் முகமது ஷமியின் அடுத்தடுத்த பந்துகளில் கிளன் போல்டு ஆனார்கள். முகமது ஷமியின் ‘ஹாட்ரிக்’ விக்கெட் சாதனையோடு இந்திய அணி 11 ரன்கள் வித்தியாசத்தில் திரில் வெற்றியை பெற்றது. ஆப்கானிஸ்தான் 49.5 ஓவர்களில் 213 ரன்னில் ஆல்-அவுட் ஆனது.
5-வது ஆட்டத்தில் ஆடிய இந்திய அணிக்கு இது 4-வது வெற்றியாகும். ஆப்கானிஸ்தான் சந்தித்த 6-வது தோல்வியாகும். பும்ரா ஆட்டநாயகன் விருது பெற்றார்.
India’s captain Virat Kohli (C) speaks with the umpire during the 2019 Cricket World Cup group stage match between India and Afghanistan at the Rose Bowl in Southampton, southern England, on June 22, 2019. (Photo by SAEED KHAN / AFP) / RESTRICTED TO EDITORIAL USE (Photo credit should read SAEED KHAN/AFP/Getty Images)
இது குறித்து பேசிய முகமது சமி கூறியதாவது….
2 விக்கெட் வீழ்த்திய பின்னர் தோனி எனக்கு அருகில் வந்தார். அவர் கூறுவது எப்போதும் சரியாக நடக்கும். சரியாக வீசிக் கொண்டு இருக்கிறாய் நீ.. மீண்டும் அதே யார்கர் பந்தை வீசு. நீ கண்டிப்பாக ஹாட் ட்ரிக் விக்கெட் விழும் என்று எனக்கு கூறிவிட்டுப் போனார் தோனி. நானும் அப்படியே யார்கர் வீசினேன் அது ஹாட்ரிக் விக்கெட் ஆக விழுந்தது என்று தான் ஹாட்ரிக் விக்கெட் வீழ்த்தியதற்கு காரணம் தோனி என கூறியுள்ளார் முகமது சமி.