புதிய மைல்கல்லை எட்டினார் ஹிட்மேன் ரோஹித் சர்மா

ஆஸ்திரேலிய அணிக்கு எதிரான ஐந்தாவது ஒருநாள் போட்டியின் மூலம் இந்திய அணியின் துவக்க வீரரான ரோஹித் சர்மா புதிய சாதனை ஒன்றை படைத்துள்ளார்.

இந்தியா வந்துள்ள ஆஸ்திரேலிய கிரிக்கெட் அணி, இந்திய அணியுடன் இரண்டு டி.20 போட்டிகள் மற்றும் ஐந்து ஒருநாள் போட்டிகள் கொண்ட தொடரில் பங்கேற்றது.

இதில் முதலில் நடைபெற்ற டி.20 தொடரை 2-0 என்ற கணக்கில் ஆஸ்திரேலிய அணி முழுவதுமாக கைப்பற்றிய நிலையில், இரு அணிகள் இடையேயான ஐந்து போட்டிகள் கொண்ட ஒருநாள் தொடர் நடைபெற்றது.

இந்த தொடரின் முதல் நான்கு போட்டிகள் முடிவில் இரு அணிகளும் தலா இரண்டு போட்டிகளில் வெற்றி பெற்று 2-2 என்ற கணக்கில் சமநிலையில் இருந்த நிலையில் இரு அணிகள் இடையேயான கடைசி மற்றும் ஐந்தாவது ஒருநாள் போட்டி டெல்லி பிரோஷா கோட்லா மைதானத்தில் இன்று நடைபெற்றது.

இதில் டாஸ் வென்ற ஆஸ்திரேலிய அணியின் கேப்டன் ஆரோன் பின்ச் முதலில் பேட்டிங்கை தேர்வு செய்தார்.

இதனையடுத்து முதலில் பேட்டிங் செய்த ஆஸ்திரேலிய அணிக்கு உஸ்மான் கவாஜா 100 ரன்களும், பீட்டர் ஹேண்ட்ஸ்கோம்ப் 52 ரன்களும் எடுத்து கைகொடுத்ததன் மூலம் நிர்ணயிக்கப்பட்ட 50 ஓவர்கள் முடிவில் 9 விக்கெட்டுகளை இழந்த ஆஸ்திரேலிய அணி 272 ரன்கள் எடுத்தது.

இதனையடுத்து 273 ரன்கள் எடுத்தால் வெற்றி என்ற எட்டக்கூடிய இலக்கை துரத்தி களமிறங்கிய இந்திய அணிக்கு ரோஹித் சர்மா 56 ரன்கள் எடுத்து நல்ல துவக்கம் கொடுத்தாலும், மிடில் ஆர்டரில் களமிறங்கிய வீரர்களின் பொறுப்பற்ற ஆட்டத்தால் இந்திய அணி 32 ரன்கள் வித்தியாசத்தில் தோல்வியடைந்து, ஐந்து போட்டிகள் ஒருநாள் தொடரை 3-2 என்ற கணக்கில் இழந்துள்ளது.

இந்த போட்டியில் இந்திய அணி தோல்வியடைந்திருந்தாலும், நேற்றைய போட்டியின் மூலம் இந்திய அணியின் துவக்க வீரரான ரோஹித் சர்மா புதிய மைல்கல் ஒன்றை எட்டியுள்ளார்.

நேற்றைய போட்டியில் 52 ரன்கள் விளாசிய ரோஹித் சர்மா, சர்வதேச ஒருநாள் அரங்கில் 8000 ரன்களை பூர்த்தி செய்து, சர்வதேச ஒருநாள் போட்டிகளில் 8000+ ரன்களை  மிக வேகமாக கடந்த வீரர்கள் பட்டியலில்  விராட் கோஹ்லி மற்றும் டிவில்லியர்ஸுக்கு  அடுத்தபடியாக மூன்றாவது இடத்தை பிடித்து, முன்னாள் வீரர் சவுரவ் கங்குலியுடன் மூன்றாவது இடத்தை பகிர்ந்துள்ளார்.

ஒருநாள் போட்டிகளில் மிக குறைந்த இன்னிங்ஸில் 8000 ரன்கள் கடந்த வீரர்கள் பட்டியல்;

விராட் கோஹ்லி – இந்தியா – 175 இன்னிங்ஸ்

ஏ.பி.டிவில்லியர்ஸ் – தென் ஆப்ரிக்கா – 182 இன்னிங்ஸ்

சவுரவ் கங்குலி – இந்தியா – 200 இன்னிங்ஸ்.

ரோஹித் சர்மா – இந்தியா – 200 இன்னிங்ஸ்



  • SHARE

    விவரம் காண

    மிகப்பெரும் நம்பிக்கையே தல தோனி தான்; ரவி சாஸ்திரி புகழாரம் !!

    மிகப்பெரும் நம்பிக்கையே தல தோனி தான்; ரவி சாஸ்திரி புகழாரம்  உலகக்கோப்பை கிரிக்கெட் தொடரில் தோனியின் பங்கு இந்திய அணியில் மிக முக்கியமானதாக இருக்கும்...

    உலக கோப்பையில் மாஸ் காட்ட இதை செய்யுங்கள்; ஆஃப்கானிஸ்தான் அணிக்கு அட்வைஸ் கொடுக்கும் கும்ப்ளே !!

    உலக கோப்பையில் மாஸ் காட்ட இதை செய்யுங்கள்; ஆஃப்கானிஸ்தான் அணிக்கு அட்வைஸ் கொடுக்கும் கும்ப்ளே உலக கோப்பை நெருங்கிய நிலையில், இந்தியா மற்றும் இங்கிலாந்து...

    சச்சின் டெண்டுல்கரை விட விராட் கோஹ்லி தான் பெஸ்ட்; முன்னாள் வீரர் ஓபன் டாக் !!

    சச்சின் டெண்டுல்கரை விட விராட் கோஹ்லி தான் பெஸ்ட்; முன்னாள் வீரர் ஓபன் டாக் கிரிக்கெட் உலகின் முன்னாள் ஜாம்பவான் சச்சின் டெண்டுல்கரை விட...

    இந்திய அணியின் இரண்டு நம்பிக்கை தூண்கள் இவர்கள் தான்; கோஹ்லி பாராட்டு !!

    இந்திய அணியின் இரண்டு நம்பிக்கை தூண்கள் இவர்கள் தான்; கோஹ்லி பாராட்டு யுஸ்வேந்திர சாஹல் மற்றும் குல்தீப் யாதவ் ஆகிய இருவர் இந்திய அணியின்...

    உலகக்கோப்பை ஆஸ்திரேலிய அணிக்கு தான்; அடித்து சொல்லும் ஆடம் கில்கிறிஸ்ட் !!

    உலகக்கோப்பை ஆஸ்திரேலிய அணிக்கு தான்; அடித்து சொல்லும் ஆடம் கில்கிறிஸ்ட் உலகக்கோப்பையை ஆஸ்திரேலிய அணி வெல்வதற்கே அதிக வாய்ப்புகள் உள்ளது என ஆஸ்திரேலிய அணியின்...