முக்கிய வீரருக்கு காயம்; அதிர்ச்சியில் ஆஸ்திரேலிய ரசிகர்கள் !! 1

முக்கிய வீரருக்கு காயம்; அதிர்ச்சியில் ஆஸ்திரேலிய ரசிகர்கள்

வெஸ்ட் இண்டீஸ் ஆல்ரவுண்டர் ஆந்த்ரே ரஸல் வீசிய பவுன்சர் பந்தில் ஆஸ்திரேலிய கிரிக்கெட் வீரர் உஸ்மான் கவாஜா படுகாயம் அடைந்தார்.

உலகக் கோப்பை கிரிக்கெட் போட்டி, வரும் 30 ஆம் தேதி இங்கிலாந்தில் தொடங்குகிறது. இதற்காக அங்கு சென்றுள்ள கிரிக்கெட் அணிகள் பயிற்சி ஆட்டங்களில் ஈடுபட்டுள்ளன. சவுதாம்டனில் நேற்று நடந்த பயிற்சி ஆட்டத்தில் ஆஸ்திரேலிய அணியும் வெஸ்ட் இண்டீஸ் அணியும் மோதின.

இதில் ஆஸ்திரேலிய அணி பேட்டிங் செய்து கொண்டிருந்தபோது, வெஸ்ட் இண்டீஸ் ஆல் ரவுண்டர் ஆந்த்ரே ரஸல் பந்துவீசினார். அவர் வீசிய பவுன்சர் பந்து, பேட்டிங் செய்து கொண்டிருந்த உஸ்மான் கவாஜாவின் ஹெல்மெட்டை பதம் பார்த்தது. வலியால் துடித்த அவர், ஆட்டத்தை பாதியில் விட்டுவிட்டு வெளியேறினார்.

முக்கிய வீரருக்கு காயம்; அதிர்ச்சியில் ஆஸ்திரேலிய ரசிகர்கள் !! 2

அவரை மருத்துவமனைக்கு அழைத்துச் சென்று பரிசோதித்தனர். இதில் அவரது தாடையில் காயம் ஏற்பட்டிருப்பது தெரியவந்தது. அதற்கு அவருக்கு சிகிச்சை அளிக்கப்பட்டது. ’’இது பெரிய காயமில்லை என்பதால் பயப்படவேண்டியதில்லை’’ என்று ஆஸ்திரேலிய கிரிக்கெட் அணி தெரிவித்துள்ளது.

இந்தப் போட்டியில் 7 விக்கெட் வித்தியாசத்தில் ஆஸ்திரேலிய அணி வெற்றி பெற்றது.

 

Leave a comment

Your email address will not be published. Required fields are marked *