இந்தியாவுக்கு எதிரான முதல் ஒருநாள் ஆட்டத்தில் ஆஸ்திரேலிய அணி, 288 ரன்கள் எடுத்துள்ளது.

சிட்னியில் இந்தியா – ஆஸ்திரேலியா இடையிலான முதல் ஒருநாள் ஆட்டம் தொடங்கியுள்ளது. டாஸ் வென்ற ஆஸ்திரேலிய அணி, பேட்டிங்கைத் தேர்வு செய்தது.

ஆஸி. அணிக்கு நல்ல தொடக்கம் அமையவில்லை. ஃபிஞ்சை 6 ரன்களில் போல்ட் செய்தார் புவனேஸ்வர் குமார். விக்கெட் கீப்பர் கேரி நன்குத் தொடங்கினார். ஆனால், 24 ரன்களில் குல்தீப் யாதவ் பந்துவீச்சில் ஆட்டமிழந்தார். இதன்பிறகு, கவாஜாவும் ஷான் மார்ஷும் பொறுப்புடன் விளையாடி மேலும் சரிவு ஏற்படாமல் பார்த்துக்கொண்டார்கள். 22.5 ஓவர்களில் 100 ரன்களை எட்டியது ஆஸ்திரேலிய அணி. 70 பந்துகளில் அரை சதத்தைப் பூர்த்தி செய்த கவாஜா, 59 ரன்களில் ஜடேஜா பந்துவீச்சில் ஆட்டமிழந்தார்.

நன்கு விளையாடிய மார்ஷ், 65 பந்துகளில் அரை சதமெடுத்தார். ஆனால் அதன்பிறகு சிக்ஸ் அடிக்க முயன்று குல்தீப் யாதவ் பந்துவீச்சில் 54 ரன்களில் ஆட்டமிழந்தார். இதன்பிறகு அடுத்த 10 ஓவர்களுக்கு ஹேண்ட்ஸ்காம்பும் ஸ்டாய்னிஸூம் மேலும் விக்கெட்டுகள் விழாமல் பார்த்துக்கொண்டார்கள். ஆனாலும் சிறிது நேரம் பவுண்டரிகள் எதுவும் அடிக்காமல் ஆடினார்கள். குல்தீப் வீசிய 44-வது ஓவரில் ஸ்டாய்னிஸும் ஹேண்ட்ஸ்காம்பும் தலா ஒரு சிக்ஸர் அடித்தார்கள். அப்போது 45 பந்துகளுக்குப் பிறகுதான் ஒரு பவுண்டரி அடித்தது ஆஸ்திரேலியா. 50 பந்துகளில் அரை சதமெடுத்த ஹேண்ட்ஸ்காம்ப், சதமடிப்பார் என்கிற எதிர்பார்ப்பை உண்டு பண்ணினார். ஆனால் அவர் 61 பந்துகளில் 2 சிக்ஸர், 6 பவுண்டரிகளுடன் 73 ரன்களில் புவனேஸ்வர் குமார் பந்துவீச்சில் ஆட்டமிழந்தார்.

கடைசிக்கட்டத்தில் ஸ்டாய்னிஸும் மேக்ஸ்வெல்லும் அதிரடியாக விளையாடினார்கள். இதனால் ஆஸி. அணிக்கு கடைசி 5 ஓவர்களில் 59 ரன்கள் கிடைத்தன. ஸ்டாய்னிஸ் 43 பந்துகளில் 2 சிக்ஸர், 2 பவுண்டரிகளுடன் 47 ரன்களும் மேக்ஸ்வெல் 5 பந்துகளில் 11 ரன்களும் எடுத்து ஆட்டமிழக்காமல் இருந்தார்கள். ஆஸ்திரேலிய அணி, நிர்ணயிக்கப்பட்ட 50 ஓவர்களில் 5 விக்கெட் இழப்புக்கு 288 ரன்கள் எடுத்தது. இந்தியத் தரப்பில் புவனேஸ்வர், குல்தீப் தலா 2 விக்கெட்டுகளை வீழ்த்தினார்கள்.

பின்னர் 289 என்ற கடினமான இலக்கை நோக்கி இந்திய வீரர்கள் களம் இறங்கினார் விராட் கோலி ரோஹித் சர்மா ஷிகர் தவான் மகேந்திர சிங் தோனி அம்பத்தி ராயுடு என நல்ல பேட்டிங் வரிசையைக் கொண்ட இந்த அணி அதனை எளிதாக எடுத்து விடும் என்ற நம்பிக்கையில் இந்திய ரசிகர்கள் இருந்து வருகின்றனர்.

இந்நிலையில் தொடக்க வீரர்களாக ஷிகர் தவான் ரோகித் சர்மா ஆகியோர் களமிறங்கினர் வழக்கம்போல ஓரளவிற்கு சொதப்பிய சிகர் தனது முதல் ஓவரிலேயே கடைசி பந்தில் தனது விக்கெட்டை இழந்தார்.



  • SHARE

    விவரம் காண

    யுவராஜ் சிங் அதிரடி வீண்…! மும்பை அணி தோல்வி! ட்விட்டர் ரியாக்சன்!!

    12-ஆவது ஐபிஎல் சீசனின் இன்றைய (ஞாயிற்றுக்கிழமை) 2-ஆவது போட்டியில் மும்பை இந்தியன்ஸ் - டெல்லி கேபிடல்ஸ் அணிகள் மோதுகின்றன. மும்பை வான்கடே மைதானத்தில்...

    வீடியோ; ஹெலிகாப்டர் ஷாட் அடித்து மாஸ் காட்டிய ரிஷப் பண்ட் !!

    வீடியோ; ஹெலிகாப்டர் ஷாட் அடித்து மாஸ் காட்டிய ரிஷப் பண்ட் மும்பை இந்தியன்ஸ் அணிக்கு எதிரான இன்றைய போட்டியில் ரிஷப் பண்ட் ருத்ரதாண்டம் ஆடியுள்ளார். ஐ.பி.எல்...

    பும்ராஹ்விற்கு ஓய்வு கொடுத்துவிடுங்கள்; ட்விட்டரில் ரசிகர்கள் வேண்டுகோள் !!

    பும்ராஹ்விற்கு ஓய்வு கொடுத்துவிடுங்கள்; ட்விட்டரில் ரசிகர்கள் வேண்டுகோள் உலகக்கோப்பை கிரிக்கெட் தொடரை கருத்தில் கொண்டு பும்ராஹ்விற்கு ஐ.பி.எல் தொடர் முழுவதிலும் இருந்து ஓய்வு வழங்க...

    ரிஷப் பன்ட் பேயடி!! டெல்லி அணி 213 ரன் குவிப்பு!! ட்விட்டர் ரியாக்சன்!!

    மும்பை மற்றும் டெல்லி அணிகள் இடையேயான முதல் போட்டியில் டாஸ் வென்ற மும்பை அணி பந்துவீச்சை தேர்வு செய்தது. மும்பை அணியின் ஆடும் லெவன் ரோஹித்...

    ராஜஸ்தான் vs பஞ்சாப்: ராஜஸ்தான் மண்ணில் வெல்லுமா பஞ்சாப்?

    கிங்ஸ் லெவன் பஞ்சாப் மற்றும் ராஜஸ்தான் ராயல்ஸ் (ஆர்.ஆர்) இரு அணிலும் 4வது ஆட்டத்தில் மோதுகின்றன. ஜெய்ப்பூரில் உள்ள சவாய் மான்சிங் ஸ்டேடியத்தில்...