ஜிம்மில் வெறித்தனமாக ஒர்க்கவுட் செய்யும் விராட் கோஹ்லி; வைரலாகும் வீடியோ !! 1

ஜிம்மில் வெறித்தனமாக ஒர்க்கவுட் செய்யும் விராட் கோஹ்லி; வைரலாகும் வீடியோ

இந்திய கிரிக்கெட் அணியின் கேப்டன் விராட் கோலி ஜிம்மில் உடற்பயிற்சி செய்யும் வீடியோ சமூக வலைதளத்தில் வைரலாகி வருகிறது.

இந்திய கிரிக்கெட் அணியின் கேப்டன் விராட் கோலி. ஃபிட்னஸ் பிரீக்கான கோலி சர்வதேச அளவில் பல விளையாட்டு வீரர்களை கவர்ந்துள்ளார். மேலும் இந்திய கிரிக்கெட் அணியில் இடம் பெறும் வீரர்களுக்கும் ஃபிட்னஸின் அவசியம் குறித்து விழிப்புணர்வை கோலி ஏற்பட்டுத்தினார்.

கடந்த 2017இல் இங்கிலாந்தில் நடந்த சாம்பியன்ஸ் டிராபி தொடரின் பாகிஸ்தான் அணிக்கு எதிரான அரையிறுதி தோல்விக்கு பின் இந்திய வீரர்கள் யோ யோ டெஸ்டில் தேர்வாவது கட்டாயமாக்கப்பட்டது. இது இந்திய கிரிக்கெட் அணியின் முகத்தையே மிகப்பெரிய அளவில் மாற்றியது.

இந்திய கிரிக்கெட்டின் போஸ்டர் பாயாக கோலி உள்ளார். இவர் களத்திலும் களத்திற்கு வெளியேயும் செய்யும் எந்த செயலும் இந்திய ரசிகர்கள் மத்தியில் மிகப்பெரிய அளவில் தாக்கத்தை ஏற்படுத்தும். இந்நிலையில் கோலி கடுமையாக ஜிம்மில் பயிற்சி செய்யும் வீடியோ தற்போது சமூக வலைதளத்தில் வைரலாகி வருகிறது. அதில் கோலி அசாத்தியமாக தரையில் இருந்து தாவுகிறார்.

இதுதொடர்பாக கோலி வெளியிட்டுள்ள பதிவில், “வேலையில் ஈடுபடுத்திக்கொள்வது என்பது ஒரு தேர்வாக இருக்க கூடாது. நம்மை மேம்படுத்துவதாக இருக்க வேண்டும்” என அதில் குறிப்பிட்டுள்ளார். இதைப்பார்த்த ரசிகர்கள் கோலியின் அசாத்திய வலிமையை பாராட்டி வருகின்றனர்.

Leave a comment

Your email address will not be published. Required fields are marked *