வீடியோ; எல்.பி.டபிள்யூ முறையில் தோனியை வெளியேற்றிய பெஹண்ட்ரூஃப் 

ஆஸ்திரேலிய அணியுடனான முதல் ஒருநாள் போட்டியில் முன்னாள் கேப்டன் தோனி 51 ரன்களில் விக்கெட்டை இழந்துள்ளார்.

இந்திய கிரிக்கெட் அணி ஆஸ்திரேலியாவில் சுற்றுப்பயணம் செய்து கிரிக்கெட் விளையாடி வருகிறது. இரு அணிகளுக்கு இடையிலான 3 போட்டிகள் கொண்ட டி20 தொடர் மழை காரணமாக, 1-1 என்ற கணக்கில் சமனில் முடிவடைந்தது. அடுத்த நடந்த 4 போட்டிகள் கொண்ட டெஸ்ட் தொடரை இந்திய அணி கைப்பற்றியது. 71 ஆண்டுக்குப் பிறகு ஆஸ்திரேலிய மண்ணில் டெஸ்ட் தொடரை வென்று இந்திய அணி சாதனை படைத்துள்ளது. இதையடுத்து 3 போட்டிகள் கொண்ட ஒரு நாள் தொடரில் இரு அணிகளும் பங்கேற்கின்றன. முதலாவது ஒரு நாள் போட்டி சிட்னியில் இன்று நடந்து வருகிறது. இதில் டாஸ் வென்ற ஆஸ்திரேலிய அணியின் கேப்டன் ஆரோன் பின்ச் முதலில் பேட்டிங்கை தேர்வு செய்தார்.

இதனையடுத்து முதலில் பேட்டிங் செய்ய களமிறங்கிய ஆஸ்திரேலிய அணிக்கு அதிகபட்சமாக    ஹேண்ட்ஸ்கோம்ப் 73 ரன்களும், உஸ்மான் கவாஜா 59 ரன்களும், ஷேன் மார்ஸ் 54 ரன்களும், மார்கஸ் ஸ்டோனிஸ் 47* ரன்களும் எடுத்து கைகொடுத்ததன் மூலம் நிர்ணயிக்கப்பட்ட 50 ஓவர் முடிவில் 5 விக்கெட்டுகளை இழந்த ஆஸ்திரேலிய அணி 288 ரன்கள் எடுத்தது.

இந்திய அணி தரப்பில், புவனேஷ்வர்குமார், குல்தீப் யாதவ் தலா 2 விக்கெட்டும் ஜடேஜா ஒரு விக்கெட்டும் எடுத்தனர்.

இதனையடுத்து 289 ரன்கள் எடுத்தால் வெற்றி என்ற சற்று கடின இலக்கை துரத்தி களமிறங்கிய இந்திய அணி, வெறும் 7 ரன்கள் எடுத்தப்பதற்கு முன்பாகவே முதல் மூன்று விக்கெட்டுகளை இழந்து தடுமாறியது.

பின்னர் நான்காவது விக்கெட்டுக்கு ஜோடி சேர்ந்த ரோஹித் சர்மாதோனி கூட்டணி போட்டியின் தன்மையை உணர்ந்து நிதானமான ஆட்டத்தை வெளிப்படுத்தி இந்திய அணியை சரிவில் இருந்து மீட்டனர்.

வெற்றியை இந்திய அணி நெருங்கி கொண்டிருக்கையில், தோனி 51 ரன்கள் எடுத்த போது எல்.பி.டபிள்யூ முறையில் விக்கெட்டை இழந்து வெளியேறினார். தோனிக்கு அம்பயர் அவுட் வழங்கியது தவறான தீர்ப்பு என சமூக வலைதளங்களில் பரவலாக பேசப்பட்டு வருகிறது. அவுட் கொடுத்த அம்பயரை சமூக வலைதளங்களில் நெட்டிசன்கள் கழுவி ஊற்றி வருகின்றனர்.

இந்திய அணி முன்னதாக டி.ஆர்.எஸ் முறை பயன்படுத்திவிட்டதால், அவுட் இல்லை என்பது தெளிவாக தெரிந்தும் தோனியால் ரிவியூ கேட்க முடியவில்லை என்பது குறிப்பிடத்தக்கது.



  • SHARE

    விவரம் காண

    புதிய டி.20 தொடரில் கால் பதிக்கும் யுவராஜ் சிங்; ரசிகர்கள் மகிழ்ச்சி !!

    புதிய டி.20 தொடரில் கால் பதிக்கும் யுவராஜ் சிங்; ரசிகர்கள் மகிழ்ச்சி இந்திய அணியின் நட்சத்திர வீரராக திகழ்ந்த யுவராஜ் சிங், கடந்த 10ம்...

    ஷமி, புவனேஷ்வர் குமார் இருவரில் யார் பெஸ்ட்..? சச்சின் டெண்டுல்கர் புது கருத்து !!

    ஷமி, புவனேஷ்வர் குமார் இருவரில் யார் பெஸ்ட்..? சச்சின் டெண்டுல்கர் புது கருத்து விண்டீஸ் அணிக்கு எதிரான போட்டியில் ஷமி, புவனேஷ்வர் குமார் ஆகிய...

    திட்ட வேண்டாம்னு சொல்ல; கொஞ்சம் மரியாதையா திட்டுங்கனு தான் சொல்றேன்; பாகிஸ்தான் கேப்டன் வேதனை !!

    திட்ட வேண்டாம்னு சொல்ல; கொஞ்சம் மரியாதையா திட்டுங்கனு தான் சொல்றேன்; பாகிஸ்தான் கேப்டன் வேதனை எங்கள் விளையாட்டின் மீது விமர்சனம் செய்யுங்கள், ஆனால், அத்துமீறி...

    எதற்காக ஸ்டோக்சுக்கு அப்படிப்பட்ட யார்க்கர் வீசினேன் தெரியுமா? மிட்செல் ஸ்டார்க் ஓபன் டாக்!

    ஆஸ்திரேலியா, இங்கிலாந்து அணிகளுக்கு இடையிலான உலகக்கோப்பைப் போட்டி ஆஸ்திரேலியாவின் வெற்றியில் முடிய இங்கிலாந்து அணியின் பவுலிங், பேட்டிங் இரண்டும் அம்பலமாகிப் போயுள்ளது. பாகிஸ்தானிடம் வாங்கிய...

    இந்தியாவிற்கு எதிரான போட்டியில் மீண்டும் அணிக்குள் வரும் முக்கிய இங்கிலாந்து வீரர்!

    இலங்கைக்கு எதிராக தோல்வி தழுவி அரையிறுதி வாய்ப்பையும் நழுவ விட்டு விடுமோ என்ற அச்சத்தில் இருக்கும் இங்கிலாந்து அணிக்கு உத்வெகமூட்டக்கூடிய செய்தியாக அந்த...