வீடியோ; இலங்கை வீரரின் மாயாஜால சுழலில் சிக்கி பரிதாபமாக விக்கெட்டை பறிகொடுத்த ஷிகர் தவான் !! 1

இலங்கை அணிக்கு எதிரான இரண்டாவது ஒருநாள் போட்டியில் இந்திய அணி வெற்றிக்கு கடுமையாக போராடி வருகிறது.

இலங்கைக்கு சுற்றுப்பயணம் மேற்கொண்டுள்ள ஷிகர் தவான் தலைமையிலான இந்திய அணி, இலங்கை அணியுடன் மூன்று ஒருநாள் போட்டிகள் கொண்ட தொடரில் பங்கேற்றுள்ளது.

இந்த தொடரின் முதல் போட்டியில் இந்திய அணி 7 விக்கெட் வித்தியாசத்தில் அபார வெற்றி பெற்றிருந்த நிலையில், இரு அணிகள் இடையேயான இரண்டாவது ஒருநாள் போட்டி இன்று நடைபெற்று வருகிறது.

இலங்கையின் கொழும்பில் நடைபெற்று வரும் இந்த போட்டியில் டாஸ் வென்ற இலங்கை அணியின் கேப்டன் முதலில் பேட்டிங்கை தேர்வு செய்தார்.

வீடியோ; இலங்கை வீரரின் மாயாஜால சுழலில் சிக்கி பரிதாபமாக விக்கெட்டை பறிகொடுத்த ஷிகர் தவான் !! 2

இதனையடுத்து பேட்டிங் செய்ய களமிறங்கிய இலங்கை அணிக்கு பெர்னாண்டோ மற்றும் பனுகா ஆகியோர் துவக்க வீரர்களாக களமிறங்கினர்.

போட்டியின் முதல் ஓவரில் இருந்தே இந்திய அணியின் பந்துவீச்சை நிதானமாக எதிர்கொண்ட இந்த கூட்டணி, முதல் விக்கெட்டுக்கு 77 ரன்கள் சேர்ந்திருந்த போது சாஹல் தனது துல்லியமான பந்துவீச்சால் இந்த கூட்டணியை பிரித்தார்.

போட்டியின் 13வது ஓவரின் 2வது பந்தில் பனுகாவின் (36 ரன்கள்0 விக்கெட்டை வீழ்த்திய சாஹல், அதற்கு அடுத்த பந்திலேயே பனுகா ராஜபக்சேவின் (0) விக்கெட்டை கைப்பற்றி அசத்தினர்.

துவக்க வீரரான பெர்னாண்டோ 71 பந்துகளில் 50 ரன்கள் குவித்துவிட்டு விக்கெட்டை இழந்தார். ஐந்தாவது விக்கெட்டுக்கு களமிறங்கிய சாரித் அஸ்லான்கா இந்திய அணியின் பந்துவீச்சை நிதானமாக எதிர்கொண்டு 65 ரன்கள் குவித்தார்.

வீடியோ; இலங்கை வீரரின் மாயாஜால சுழலில் சிக்கி பரிதாபமாக விக்கெட்டை பறிகொடுத்த ஷிகர் தவான் !! 3

அடுத்தடுத்து வந்த வீரர்கள் சற்று சொதப்பினாலும், கடைசி நேரத்தில் சற்று அதிரடி ஆட்டத்தை வெளிப்படுத்திய சமீகா கருணாரத்னே இறுதி வரை ஆட்டமிழக்காமல் 33 பந்துகளில் 44 ரன்கள் எடுத்து கொடுத்ததன் மூலம் 50 ஓவர்கள் முடிவில் 9 விக்கெட்டுகளை இழந்துள்ள இலங்கை அணி 275 ரன்கள் குவித்தது.

இதனையடுத்து 276 ரன்கள் எடுத்தால் வெற்றி என்ற எட்டக்கூடிய இலக்கை துரத்தி களமிறங்கிய இந்திய அணிக்கு ப்ரித்வி ஷா 13 ரன்களில் விக்கெட்டை இழந்து ஏமாற்றம் கொடுத்தார். மற்றொரு துவக்க வீரரான ஷிகர் தவானும் 29 ரன்களில் விக்கெட்டை இழந்து வெளியேறினார்.

ஷிகர் தவான் விக்கெட்டை இழந்த வீடியோ இங்கே;

மூன்றாவது விக்கெட்டுக்கு களமிறங்கிய இஷான் கிஷன் 1 ரன்னிலும், மணிஷ் பாண்டே 37 ரன்னிலும் விக்கெட்டை இழந்தனர். ஹர்திக் பாண்டியா முதல் பந்திலேயே விக்கெட்டை பறிகொடுத்து வெளியேறினார். நீண்ட நேரம் போராடிய சூர்யகுமார் யாதவும் 53 ரன்களில் விக்கெட்டை இழந்துவிட்டதால் 27 ஓவர்கள் முடிவில் 160 ரன்கள் மட்டுமே எடுத்துள்ள இந்திய அணி 6 முக்கிய விக்கெட்டுகளை இழந்து, வெற்றிக்கு கடுமையாக போராடி வருகிறது.

Leave a comment

Your email address will not be published. Required fields are marked *