ஷமி வீசிய வேகத்தில், கதிகலங்கி க்ளீன் போல்டாகி ஆட்டமிழந்தார் கேமரூன் கிரீன். இதன் வீடியோவை கீழே பார்ப்போம்.
இந்தியா மற்றும் ஆஸ்திரேலியா அணிகளுக்கு இடையே மூன்று ஒருநாள் போட்டிகள் கொண்ட தொடர் நடைபெற்று வருகிறது. இந்த தொடரில் முதல் ஒருநாள் போட்டி மும்பையில் உள்ள வான்கடை மைதானத்தில் நடைபெற்று வருகிறது.
டாஸ் வென்ற இந்திய அணி முதலில் பந்துவீச்சை தேர்வு செய்தது. ஆஸ்திரேலியாவிற்கு டிராவிஸ் ஹெட் மற்றும் மிச்சல் மார்ஸ் இருவரும் ஓப்பனிங் செய்தனர். ஆட்டத்தின் இரண்டாவது ஓவரிலேயே முகமது சிராஜ் அபாரமாக பந்துவீசி டிராவிஸ் ஹெட்(5) விக்கெட்டை போல்டாக்கி எடுத்தார்.
அதன்பிறகு உள்ளே வந்த கேப்டன் ஸ்டீவ் ஸ்மித், மிச்சல் மார்ஷ் உடன் ஜோடி சேர்ந்து அணியின் ஸ்கொரை உயர்த்தினார். இரண்டாவது விக்கெட்டுக்கு இந்த ஜோடி 72 ரன்கள் சேர்த்தனர். நல்ல துவக்கம் பெற்ற ஸ்டீவ் ஸ்மித் 30 பந்துகளில் 22 ரன்கள் அடித்திருந்தபோது, ஹர்திக் பாண்டியா பந்தில் கேஎல் ராகுலின் அபாரமான கேட்சாக மூலம் அவுட்டானார்.
மறுமுனையில் நிறுத்தாமல் சிக்ஸர் மற்றும் பவுண்டரி மழைகளை பொழிந்த மிட்சல் மார்ஷ் 81 ரன்களுக்கு ஜடேஜா பந்தில் அவுட்டானார். இதுதான் திருப்புமுனையாக அமைந்தது. லபுஜானே 15 ரன்கள், ஜோஷ் இங்கிலிஷ் 26 ரன்களுக்கு ஆட்டமிழக்க ஆஸ்திரேலிய அணி திக்குமுக்காடியது.
இந்திய மைதானங்களில் நன்றாக விளையாட முடியும் என்று முந்தைய தொடர்களில் காட்டிய கேமரூன் கிரீன் மீது ஆஸ்திரேலிய அணி நம்பிக்கையுடன் இருந்தது. ஆட்டத்தின் 30வது ஓவரை ஷமி வீசினார். இதனை எதிர்கொண்ட கிரீன், பந்து எங்கே வருகிறது என கணிக்காமல் கதிகலங்கி, க்ளீன் போல்ட் ஆனார். இவர் 12 ரன்கள் மட்டுமே அடித்திருந்தார்.
அடுத்துவந்த மேக்ஸ்வெல்(8), ஸ்டாயினீஸ்(5) இருவரும் சொற்ப ரன்களுக்கு ஆட்டமிழந்து வெளியேறினர். ஒருகட்டத்தில் 128 ரன்களுக்கு வெறும் 2 விக்கெட்டுகளை மட்டுமே இழந்திருந்த ஆஸ்திரேலியா, 35.4 ஓவர்களில் 188 ரன்களுக்கு ஆல் அவுட் ஆனது.
கேமரூன் கிரீனை க்ளீன் போல்ட் செய்த முகமது ஷமியின் வீடியோ:
CASTLED!
What a delivery THAT from Mohammad Shami 🔥🔥
He has scalped 3️⃣ wickets in no time!
Live – https://t.co/BAvv2E8cgJ #INDvAUS @mastercardindia pic.twitter.com/BymtCPAmXQ
— BCCI (@BCCI) March 17, 2023