பேசாம எல்லாத்தையும் “பிங்க்”கா மாத்திடனும்… தென் ஆப்ரிக்கா கேப்டன் ஆசை

பிங்க் டே போட்டிகள் தங்களுக்கு எப்பொழுதும் சிறப்பானது என்று தென் ஆப்ரிக்கா அணியின் கேப்டன் மார்கரம் தெரிவித்துள்ளார்.

தென் ஆப்ரிக்கா சென்றுள்ள இந்திய கிரிக்கெட் அணி, தென் ஆப்ரிக்கா அணியுடன் ஆறு ஒருநாள் போட்டிகள் கொண்ட தொடரில் பங்கேற்றுள்ளது.

இந்த தொடரின் முதல் மூன்று போட்டிகள் முடிவில் மூன்று போட்டியிலும் வெற்றி பெற்ற இந்திய அணி 3-0 என்ற கணக்கில் வெற்றி பெற்றிருந்த நிலையில், இரு அணிகள் இடையேயான நான்காவது ஒருநாள் போட்டி நேற்று நடைபெற்றது.

இதில் முதலில் பேட்டிங் செய்த இந்திய அணி, தென் ஆப்ரிக்காவின் வெற்றிக்கு 289 ரன்களை இலக்காக நிர்ணயித்தது.

இதனையடுத்து தென் ஆப்ரிக்கா அணியின் பேட்டிங்கின் போது மழை குறுக்கிட்டதால் போட்டியின் ஓவர்கள் 28ஆக குறைக்கப்பட்டு வெற்றி இலக்கும், 202 ஆக குறைக்கப்பட்டது.

மழை நின்றதும் போட்டி துவங்கிய பின், ஆம்லா (33), டிவில்லியர்ஸ் (26), மில்லர் (39) ஆகிய நட்சத்திர வீரர்கள் தங்கள் பங்கை  சரியாக செய்தாலும் அணிக்கு இறுதி வரை இருந்து வெற்றியை பெற்றுத்தரமால் விக்கெட்டை  இழந்து வெளியேறினர்.

இதன் பின் வந்த பெலேகுலாயோ மறுமுனையில் தொடர்ந்து நிதானமாக விளையாடி வந்த அந்த அணியின் விக்கெட் கீப்பர் ஹென்ரிச் க்ளேசனுடன் ஜோடி சேர்ந்து, ஒரே ஓவரிலேயே போட்டியை மாற்றி தென் ஆப்ரிக்கா அணிக்கு 5 விக்கெட் வித்தியாசத்தில் வெற்றியை பெற்று கொடுத்தார்.

இந்நிலையில்  இந்த வெற்றி குறித்து பேசியுள்ள தென் ஆப்ரிக்கா அணியின் கேப்டன் மார்கரம், பிங்க் டே போட்டிகள் தங்களுக்கு சிறப்பானது என்பது மீண்டும் நிரூபணமாகியுள்ளதாக தெரிவித்துள்ளார்.

இது குறித்து பேசிய அவர் “பிங்க் டே போட்டிகள் எங்களுக்கு எப்பொழுதும் சிறப்பு வாய்ந்தது. போட்டியில் அடைந்த வெற்றியை விட இந்திய வீரர்களுக்கு கடுமையாக நெருக்கடி கொடுத்தது மிகுந்த மகிழ்ச்சியை தருகிறது. அடுத்து வரும் போட்டிகளிலும் எங்களால் முடிந்த வரை சிறந்த ஆட்டத்தை வெளிப்படுத்தி தொடரை வெல்ல முயற்சி செய்வோம். இந்த வெற்றிக்கு எங்கள் பந்துவீச்சாளர்களும் மிக முக்கிய காரணம. டிவில்லியர்ஸின் வருகையும் எங்களுக்கு பெரும் உத்வேகத்தை கொடுத்தது.  இந்த நாளை எனது வாழ்வில் மறக்கவே முடியாது” என்று தெரிவித்துள்ளார்.

மேலும் ஐ.சி.சி., நடத்தும் உலகக்கோப்பை போன்ற முக்கிய தொடர்களிலும் பிங்க் நிற ஜெர்சியில் விளையாடினால் கூட சிறப்பாக இருக்கும் என்றும் மார்கரம் கிண்டலாக தெரிவித்துள்ளார்.

தென் ஆப்ரிக்கா அணியின் கேப்டனான டூ பிளசிஸ் காயம் காரணமாக ஒட்டுமொத்த தொடரில் இருந்து விலகியதால், இந்திய அணியுடனான இரண்டாவது போட்டியில் தான் மார்கரம் முதன் முறையாக தென் ஆப்ரிக்கா அணியின் கேப்டனாக நியமிக்கப்பட்டது குறிப்பிடத்தக்கது.

இந்த போட்டியில்  இந்திய அணியின் தோல்வி குறித்து கோஹ்லி பேசியதை அறிய.. இங்கே க்ளிக் செய்யவும்.. 

விவரம் காண

இங்கிலாந்து டெஸ்ட் தொடரில் இடம் அளிக்கப்படாததால், மும்பை அணிக்காக ஆட தயாராகிறார் ரோகித் சர்மா!!

ஒருநாள் மற்றும் டி20 போட்டிகளில் ஆடிய ரோகித் சர்மா டெஸ்ட் போட்டிகளில் இடம் பெறவில்லை. இதனால், மும்பை அணிக்காக ஆட தயாராகி வருகிறார். இங்கிலாந்து...

ஒழுக்கத்தை மீறியதற்காக சர்வதேச போட்டியில் இருந்து இலங்கை வீரர் திடீர் தடை!!

சர்வதேச போட்டியில் இருந்து ஒழுக்கத்தை மீறிய காரணத்திற்காக இலங்கை அணியின் ஆல்ரவுண்டர் தனுஷ்கா குணதிலகா இடைக் தடை விதிக்கப்பட்டுள்ளார். நிலுவையில் இருந்த விசாரணையின்...

இந்திய அணியின் பஸ் டிரைவருக்கு உதவி செய்த ரெய்னா – நெகிழ்ச்சியுடன் கூறிய பஸ் டிரைவர்

இந்திய கிரிக்கெட் அணியின் பஸ் டிரைவர்  ஜெப் குட்வின் தனக்கு உதவி பற்றி கூறியுள்ளார்   கிரிக்கெட் வீரர்கள் வீரர்கள் அதிலும் குறிப்பாக இந்திய கிரிக்கெட்...

டாப்-5 : குறைந்த ஒருநாள் போட்டிகளில் 1000 ரன்கள் அடித்த வீரர்கள் பட்டியல்

ஜிம்பாப்வே எதிரான ஒருநாள் போட்டியின் போது சதம் அடித்ததன் மூலம் அதிவேகமாக ஒருநாள் போட்டிகளில் ஆயிரம் ரன்களை கடந்த வீரர் என்ற பெருமையை...

 இங்கிலாந்து அணியுடனான டெஸ்ட் தொடரை இந்திய அணி தான் வெல்லும்; கங்குலி கணிப்பு !!

 இங்கிலாந்து அணியுடனான டெஸ்ட் தொடரை இந்திய அணி தான் வெல்லும்; கங்குலி கணிப்பு இங்கிலாந்து அணியுடனான டெஸ்ட் தொடரை இந்திய அணி வெல்வதற்கு அதிக...