ஐபிஎல் ஏலத்தில் எப்போதும் ஆச்சரியங்கள் நிகழும். அதாவது அறிமுகம் அதிகம் இல்லாத வீரர்கள் பெரிய அளவு தொகைக்கு ஏலம் எடுக்கப்படுவார்கள். 2018 ஏலமும் இதற்கு விதிவிலக்கல்ல.
இந்த ஏலத்தில் எடுக்கப்பட்ட 5 அதிகம் அறியப்படாத வீரர்கள், ராஜஸ்தான் ராயல்ஸ் ரூ.7.2கோடிக்கு ஏலம் எடுத்த ஜோஃப்ரா ஆர்ச்சர் என்ற மே.இ.தீவுகளைச் சேர்ந்த வீரர், இந்தியாவின் இஷான் கிஷன் (ரூ.6.2 கோடி), டார்சி ஷார்ட் (ரூ.4 கோடி), கவுதம் (ரூ.6.2 கோடி), முஜீப் ஸத்ரான் (கிங்ஸ் லெவன் பஞ்சாப், ரூ.4 கோடி.)
1.ஜோஃப்ரா ஆர்ச்சர் (ராஜஸ்தான் ராயல்ஸ்)
ஜோஃப்ரா ஆர்ச்சர், இவர் 22 வயது மே.இ.தீவுகள் வீரர். பிக்பாஷ் லீக் பார்ப்பவர்களுக்கு இவர் ஹோபார்ட் ஹரிகேன்ஸ் அணி வீரர் என்பது தெரியும்.
2.இஷான் கிஷன் (மும்பை இந்தியன்ஸ்)
இந்தியாவின் மிகச்சிறந்த இளம் விக்கெட் கீப்பர் ஜார்கண்ட் பேட்ஸ்மென் என்று இஷான் கிஷனை விதந்தோதுகின்றனர்.
3.டார்ஸி ஷார்ட் (ராஜஸ்தான் ராயல்ஸ். ரூ.4 கோடி)
ஆஸ்திரேலியாவின் பிக்பாஷ் டி20 லீக் வீரர். தொடக்க வீரர். நல்ல ஸ்ட்ரைக் ரேட். நல்ல தரமான பீல்டர், ரிக்கி பாண்டிங் இவரைப் பற்றி உயர்வாகக் கூறியுள்ளார்.
4.கே.கவுதம் (ராஜஸ்தான் ராயல்ஸ்)
29 வயதான கவுதம் கர்நாடகா அணிக்கு ஆடுபவர். ஆஃப் ஸ்பின்னர். ஆல் ரவுண்டர். டி20 பேட்ஸ்மெனாக இவரது ஸ்ட்ரைக் ரேட் 159.79
5.முஜீப் ஸத்ரான் (கிங்ஸ் லெவன் பஞ்சாப்)
ஆப்கானின் புதிர் வீச்சாளர், ஆஃப் ஸ்பின், லெக் ஸ்பின், கூக்ளி, கேரம் பந்து, இவருக்கு வயது 16தான், ஆனால் அதற்குள் இவர் ஒரு அஜந்தா மெண்டிஸ் விளைவை ஏற்படுத்தியுள்ளார். கடந்த டிசம்பரில் ஆப்கான் அணிக்காக ஒருநாள் சர்வதேச அறிமுகப் போட்டியில் 24 ரன்களுக்கு 4 விக்கெட்டுகளைக் கைப்பற்றினார்.