இந்திய அணியின் முன்னாள் வீரர் மற்றும் கிரிக்கெட் வர்ணனையாளருமான ஆகாஷ் சோப்ரா 2021 ஆம் ஆண்டிற்கான டெஸ்ட் தொடரின் சிறந்த ஆடும் லெவனை தேர்ந்தெடுத்துள்ளார்.
சவுத் ஆப்பிரிக்கா அணிக்கு எதிராக இந்திய அணி 3 டெஸ்ட் போட்டிகளைக் கொண்ட தொடரில் விளையாட இருப்பதாலும் மேலும் 2021 இந்த மாதத்தோடு நிறைவு பெறுவதாலும் ஆகாஷ் சோப்ரா 2021 ஆம் ஆண்டின் தலைசிறந்த டெஸ்ட் தொடரின் வீரர்களை தேர்வு செய்துள்ளார்.
நியூசிலாந்து அணியின் கேப்டன் கேன் வில்லியம்சன் தலைமையிலான தனது அணியில் துவக்க வீரர்களாக இந்திய அணியின் கேப்டன் ரோகித் சர்மா மற்றும் இலங்கை அணியின் துவக்க வீரர் திமுத் கருணாரத்ன ஆகிய இரு வீரர்களையும் தேர்வு செய்துள்ளார், இவர்கள் குறித்து பேசிய ஆகாஷ் சோப்ரா இந்த வருடத்திற்கான சிறந்த துவக்க வீரர்களாக இந்த இரு வீரர்களும் மிகச் சிறப்பான முறையில் விளையாடி உள்ளார்கள் என்று தெரிவித்தார்.
மேலும் மிடில் ஆர்டர் பேட்ஸ்மேன்களாக இங்கிலாந்து அணியின் கேப்டன் ஜோ ரூட் நியூசிலாந்து அணியின் கேப்டன் கேன் வில்லியம்சன் மற்றும் பாகிஸ்தான் அணியின் அதிரடி வீரர் பவாத் ஆலம் ஆகிய வீரர்களை தேர்ந்தெடுத்துள்ளார், இந்த மூன்று வீரர்களும் சமீபத்தில் நடைபெற்ற டெஸ்ட் போட்டிகளில் மிக சிறந்த முறையில் விளையாடி பல சதங்களை அடித்துள்ளார் என்றும் அவர் தெரிவித்திருந்தார்.
மேலும் தனது அணியின் விக்கெட் கீப்பராக இந்திய அணியின் இளம் விக்கெட் கீப்பர் ரிஷப் பண்டை தேர்வு செய்துள்ளார், மேலும் தனது அணியின் ஆல்ரவுண்டர்களாக நியூசிலாந்து அணியின் ஆல்ரவுண்டர் கையில் ஜேமிசன் மற்றும் இந்திய அணியின் நட்சத்திர ஆல்ரவுண்டர் ரவி அஸ்வின் ஆகிய இருவரையும் தெரிவித்துள்ளார். ஜேமிசன் டெஸ்ட் தொடருக்காகவே பிறந்த வீரர் என்றும் அஸ்வின் டெஸ்ட் தொடரின் நம்பர் ஒன் சுழற்பந்துவீச்சாளர் என்றும் பாராட்டிப் பேசியுள்ளார்.
மேலும் பந்துவீச்சாளர்களாக இந்திய அணியின் சுழற்பந்து வீச்சாளர் அக்ஷர் பட்டேல், இங்கிலாந்து அணியின் அனுபவ வேகப்பந்து வீச்சாளர் ஜேம்ஸ் ஆண்டர்சன் மற்றும் இறுதியாக பாகிஸ்தான் அணியின் இளம் வேகப்பந்து வீச்சாளர் சகீன் அஃப்ரிடி ஆகிய மூவரையும் தேர்வு செய்துள்ளார். இதில் அக்சர் பட்டேல் குறித்து பேசிய அவர் சவுத் ஆப்பிரிக்கா அணியின் சுழற்பந்துவீச்சாளர் கேஷவ் மஹராஜ் தேர்ந்தெடுக்கலாம் என்று நினைக்கும் பொழுது இந்திய அணியின் சுழற்பந்து வீச்சாளர் அக்ஷர் பட்டேல் தனது சிறப்பான ஆட்டத்தின் காரணமாக தனது மனதைக் கவர்ந்து விட்டார் என்று ஆகாஷ் சோப்ரா தெரிவித்திருந்தது குறிப்பிடத்தக்கது.
ஆகாஷ் சோப்ரா தேர்ந்தெடுத்த 2021 ஆம் ஆண்டின் தலைசிறந்த டெஸ்ட் தொடருக்கான ஆடும் லெவன்
ரோகித் சர்மா, திமுத் கருணாரத்னே, ஜோ ரூட், கேன் வில்லியம்சன்(c), பவாத் ஆலம், ரிஷப் பண்ட்(wk), கையில் ஜமிசன், ரவி அஸ்வின், அக்சர் பட்டேல், ஜேம்ஸ் ஆண்டர்சன், சகீன் ஆப்ரிடி