பும்ராஹ் – ஸ்டார்க் இருவரில் யார் சிறந்த வீரர்…? ஆரோன் பின்ச் ஓபன் டாக்
ஒயிட் பால் கிரிக்கெட் போட்டியில் கடைசி நேர ஓவர்களை வீசுவதில் யார் சிறந்தவர்கள் என்ற கேள்விக்கு ஆஸ்திரேலிய அணி கேப்டன் ஆரோன் பிஞ்ச் பதில் அளித்துள்ளார்.
கொரோனா வைரஸ் தொற்று காரணமாக கிரிக்கெட் வீரர்கள் வீட்டுக்குள்ளேயே முடங்கிக் கிடக்கின்றனர். இந்த நேரத்தில் சமூக வலைத்தளங்கள் மூலமாக ரசிகர்களுடன் உரையாடி வருகின்றனர். ரசிகர்கள் கேட்கும் கேள்விகளுக்கு பதில் அளித்து வருகிறார்கள்.
ஆஸ்திரேலிய ஒருநாள் மற்றும் டி20 கிரிக்கெட் அணியின் கேப்டனான ஆரோன் பிஞ்ச் இடம் ஒரு ரசிகர் ‘‘கடைசி ஓவரில் எதிரணி 8 ரன்கள் அடிக்க வேண்டிய நிலையில், நீங்கள் அந்த ஓவரை வீச பும்ராவை தேர்வு செய்வீர்களா?, அல்லது மிட்செல் ஸ்டார்க்கை தேர்வு செய்வீர்களா?’’ என்று கேட்டார்.
அதற்கு ஆரோன் பிஞ்ச் ‘‘இரண்டு பேரில் ஒருவரை!!!. இரண்டு பேரும் சிறந்த டெத் ஓவர் பந்து வீச்சாளர்கள்’’ எனக்கூறி தப்பித்துக் கொண்டார்.