சீனியர் வீரர்கள் அனைவருக்கும் அணியில் இடம்… டி.20 தொடருக்கான இங்கிலாந்து அணி அறிவிப்பு !!

இந்திய அணியுடனான மூன்று போட்டிகள் கொண்ட டி.20 தொடருக்கான இங்கிலாந்து அணியை, இங்கிலாந்து கிரிக்கெட் வாரியம் அறிவித்துள்ளது.

இங்கிலாந்திற்கு சுற்றுப்பயணம் மேற்கொண்டுள்ள இந்திய கிரிக்கெட் அணி, இங்கிலாந்து அணியுடன் ஒரு டெஸ்ட் போட்டி, மூன்று டி.20 போட்டிகள் மற்றும் மூன்று ஒருநாள் போட்டிகள் கொண்ட தொடரில் பங்கேற்றுள்ளது.

டெஸ்ட் போட்டிக்கு பிறகு டி.20 தொடரும் அதன்பிறகு ஒருநாள் தொடரும் நடைபெற உள்ள நிலையில், இதற்கான இங்கிலாந்து அணியை அந்நாட்டு கிரிக்கெட் வாரியம் அறிவித்துள்ளது.

இந்திய அணியுடனான மூன்று டி.20 போட்டிகள் கொண்ட தொடருக்கான இங்கிலாந்து அணியில் மொய்ன் அலி, கிரிஸ் ஜோர்டன், லியம் லிவிங்ஸ்டன், டேவிட் மாலன், தைமல் மில்ஸ், ஜேசன் ராய் போன்ற சீனியர் வீரர்கள் பலரும் டி.20 தொடருக்கான இங்கிலாந்து அணியில் இடம்பெற்றுள்ளனர்.

அதே போன்று ஹாரி ப்ரூக், ரிச்சர்ட் கிளேசன், மேத்யூ பாரிக்சன், பில் சால்ட், டேவிட் வில்லே போன்ற வீரர்களும் இங்கிலாந்து அணியில் இடம்பெற்றுள்ளனர்.

டி.20 தொடருக்கான அட்டவணை;

முதல் டி.20 போட்டி – ஜூலை 7 – ஏஜஸ் பவுல் மைதானம்

இரண்டாவது டி.20 போட்டி – ஜூலை 9 – எப்ஸ்டகன் மைதானம்

மூன்றாவது டி.20 போட்டி – ஜூலை 10 – டிரண்ட் பிரிட்ஜ் மைதானம்

இந்திய அணியுடனான டி.20 தொடருக்கான இங்கிலாந்து அணி;

ஜாஸ் பட்லர் (கேப்டன்), மொய்ன் அலி, ஹாரி ப்ரூக், சாம் கர்ரான், ரிச்சர்ட் கிளேசன், கிரிஸ் ஜோர்டன், லியம் லிவிங்ஸ்டன், டேவிட் மாலன், தைமல் மில்ஸ், மேத்யூ பார்கின்சன், ஜேசன் ராய், பில் சால்ட், ரீச் டாப்லே, டேவிட் வில்லே.