வெஸ்ட் இண்டீஸ் ஜாம்பவான் விவியன் ரிச்சர்ட்ஸ் மாதிரி சூரியகுமார் யாதவ் ஆடுகிறார் என புகழ்ந்து தள்ளியுள்ளார் டாம் மூடி.
மிஸ்டர் 360 டிகிரி என அழைக்கப்படும் சூரியகுமார் யாதவ். சர்வதேச டி20 போட்டிகளில் அசாத்தியமாக பேட்டிங் செய்து பல சாதனைகளை படைத்து வருகிறார். குறிப்பாக கடைசி ஆறு மாதங்களில் மூன்று சதங்கள் அடித்து அசத்தியுள்ளார்.
இதுவரை 45 போட்டிகளில் 43 இன்னிங்ஸ்கள் பேட்டிங் செய்து 1578 ரன்களை 180.65 ஸ்டிரைக் ரேட்டில் விளையாடியுள்ளார். இவரது சராசரி 46.41 ஆகும். அத்துடன் 13 அரைசதங்கள், 3 சதங்கள் விளாசியுள்ளார். கிட்டத்தட்ட 35 சதவீதம் போட்டிகளில் 50+ ரன்களை அடித்திருக்கிறார்.
சமீபத்தில் கூட இலங்கை அணியுடன் மூன்றாவது டி20 போட்டியில் சதம் அடித்தார். சூரியகுமார் அடித்த மூன்று சதங்களும் 200+ ஸ்ட்ரைக் ரேட்டில் அடிக்கப்பட்டவை.
இப்படி தொடர்ச்சியாக சிறந்த பங்களிப்பை கொடுத்து வரும் இவரது பேட்டிங் வெஸ்ட் இண்டீஸ் ஜாம்பவான் விவியன் ரிச்சர்ட்ஸ் உடன் ஒப்பிட்டு பேசியுள்ளார் ஆஸ்திரேலியா அணியின் முன்னாள் ஆல்ரவுண்டர் மற்றும் தற்போது சன் ரைசர்ஸ் ஹைதராபாத் அணியின் பயிற்சியாளர் டாம் மூடி.
டி20 போட்டிகளில் சூரியகுமார் யாதவ் பேட்டிங் பார்க்கும் பொழுது, பேட்டிங் செய்வது அவ்வளவு எளிதோ என்று தோன்றவைக்கிறது. அதேநேரம் பந்துவீச்சாளர்களை அதிரடியான பேட்டிங் மூலம் கதிகலங்க செய்கிறார். சிறுவயதில் நான் பார்த்திருக்கிறேன். ரிச்சர்ட்ஸ் பேட்டிங் செய்ய வரும் பொழுது பவுலர்கள் கதிகலங்கிப் போவார்கள். தற்போது சூரியகுமார் யாதவ் பேட்டிங் அப்படிப்பட்ட ஒன்றாக இருக்கிறது. அசாத்தியமான பேட்ஸ்மேன் ஆக தெரிகிறார். மிடில் ஆர்டரில் இந்திய அணிக்கு மிகப்பெரிய பலத்தை சேர்கிறார். ஓரிரு போட்டிகளில் இல்லாமல் ஒவ்வொரு போட்டிகளிலும் சிறப்பாக செயல்பட்டு வருவது எனக்கு அசாத்தியமானதாக இருக்கிறது.” என்று பெருமிதமாக பேசி உள்ளார்.
சூரியகுமார் யாதவ் ஆஸ்திரேலிய அணையுடன் நடைபெறும் முதல் இரண்டு டெஸ்ட் போட்டிகளுக்கு சேர்க்கப்பட்டிருக்கிறார் அதேபோல் ஒரு நாள் போட்டிகளிலும் விளையாடி வருகிறார் 32 வயதாகும் இவரை பெரும்பாலான போட்டிகளில் பயன்படுத்தி அவரது பார்வை உபயோகித்துக் கொள்ள வேண்டும் என்றும் இந்திய அணி பார்த்து வருவது குறிப்பிடத்தக்கது.