காயம் காரணமாக இங்கிலாந்து தொடரில் இருந்து விலகினார் ஜஸ்ப்ரிட் பும்ராஹ் !!

காயம் காரணமாக இங்கிலாந்து தொடரில் இருந்து விலகினார் ஜஸ்ப்ரிட் பும்ராஹ்

கை விரலில் ஏற்பட்ட காயம் காரணமாக இந்திய அணியின் வேகப்பந்து வீச்சாளரான ஜஸ்ப்ரிட் பும்ராஹ் இங்கிலாந்து அணிக்கு எதிரான தொடரில் இருந்து நீக்கப்பட்டுள்ளார்.

இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு 3 டி20, 3 ஒருநாள் மற்றும் 5 டெஸ்ட் போட்டிகளில் விளையாட உள்ளது. இந்த நீண்ட தொடர் வரும் ஜூலை 3ஆம் தேதி தொடங்குகிறது.

இந்நிலையில் இந்திய அணியின் முன்னணி வேகப்பந்துவீச்சாளர் பும்ரா விரல்களில் ஏற்பட்ட எலும்புமுறிவு காரணமாக முதலில் நடைபெறும் டி20 மற்றும் ஒருநாள் போட்டிகளிலிருந்து நீக்கப்பட்டுள்ளார்.

காயத்திற்கு சிகிச்சை பெற அவர் உடனடியாக நாடு திரும்புகிறார். ஆகஸ்ட் 1ஆம் தேதி தொடங்கும் டெஸ்ட் தொடருக்கு முன் அவர் குணமடைந்து அணியில் இடம்பெற வாய்ப்புள்ளது.