கிரிக்கெட் உலகின் புதிய தோனி என இங்கிலாந்து அணியின் விக்கெட் கீப்பர் பேட்ஸ்மேன் ஜோஸ் பட்லர் ஆஸ்திரேலிய அணியின் தலைமை பயிற்சியாளர் ஜஸ்டின் லாங்கர் புகழாரம் சூட்டியுள்ளார்.
கிரிக்கெட் உலகின் பரம எதிரிகளான ஆஸ்திரேலியா மற்றும் இங்கிலாந்து இரு அணிகளும் உலக கோப்பை போட்டியில் இன்று மோதவிருக்கின்றன. இதற்காக இரு அணிகளும் தீவிரமாக பயிற்சியில் ஈடுபட்டு வரும் நிலையில் இங்கிலாந்து அணி இதுவரை ஆடிய 6 போட்டிகளில் பாகிஸ்தான் மற்றும் இலங்கை இரு அணிகளுடனும் தோல்வியைத் தழுவி 8 புள்ளிகளுடன் 4வது இடத்தில் உள்ளது.
அதேபோல் ஆஸ்திரேலிய அணி ஆடிய 6 போட்டிகளில் இந்திய அணியிடம் தோல்வியை தழுவியது. புள்ளிப்பட்டியளில் ஐந்து வெற்றிகள் கொண்டு 10 புள்ளிகளுடன் 2ம் இடத்தில் உள்ளது.
இன்றைய போட்டியில் ஆஸ்திரேலிய அணி வெல்லும் பட்சத்தில் அரையிறுதிக்கு செல்வது உறுதியாகிவிடும். இங்கிலாந்து அணி வெற்றி பெற்றால் அரையிறுதிக்கு செல்லும் வாய்ப்பு மேலும் அதிகரிக்கும்.
பயிற்சிக்கு நடுவே பத்திரிகையாளர்கள் சந்திப்பில் பேசிய ஆஸ்திரேலிய அணியின் தலைமை பயிற்சியாளர் ஜஸ்டின் லாங்கர் கூறுகையில், நாங்கள் கோப்பையை தக்க வைத்துக் கொள்ள கடினமாக போராட வேண்டி இருக்கிறது. இங்கிலாந்து அணி கடந்த உலகக் கோப்பைக்கு பிறகு நம்பர் 1 அணியாக உருவெடுப்பதற்கு ஜோஸ் பட்லர் மிகவும் உதவியிருக்கிறார். கிரிக்கெட் உலகின் புதிய தோனியாக நான் அவரை பார்க்கிறேன்.
இந்தியாவிற்கு இறுதிக்கட்டங்களில் தோனி எப்படி வெற்றியை பெற்றுத் தருகிறாரோ அப்படி ஒரு ஆற்றல் மிக்கவர் ஜோஸ் பட்லர். இந்த உலகம் இதுவரை அவருக்கு சரியாக அமையவில்லை என்றாலும் அவரும் போட்டிகளில் அவரை எளிதாக எடுத்துக்கொள்ள இயலாது எந்த நேரத்திலும் ஆட்டத்தை எதிரணியிடம் இருந்து கைப்பற்றப் கூடியவர் என்றார்.