ஆஸ்திரேலியாவிற்கு எதிராக பந்துவீச்சை தேர்வு செய்தது இங்கிலாந்து
ஆஸ்திரேலிய அணிக்கு எதிரான இன்றைய போட்டியில் டாஸ் வென்றுள்ள இங்கிலாந்து அணி முதலில் பந்துவீச்சை தேர்வு செய்துள்ளது.
உலகக்கோப்பை கிரிக்கெட் தொடரின் இன்றைய போட்டியில் இங்கிலாந்து அணியும், ஆஸ்திரேலிய அணியும் மோதுகின்றன.
ஒட்டுமொத்த கிரிக்கெட் உலகமும் எதிர்பார்த்து காத்திருக்கும் இந்த போட்டி இங்கிலாந்தின் லார்ட்ஸ் மைதானத்தில் நடைபெறுகிறது. இதில் டாஸ் வென்றுள்ள இங்கிலாந்து அணியின் கேப்டனான இயான் மோர்கன் முதலில் பந்துவீச்சை தேர்வு செய்துள்ளார்.
இன்றைய போட்டிக்கான இங்கிலாந்து அணியில் எந்த மாற்றமும் செய்யப்படவில்லை, கடந்த போட்டியில் விளையாடிய அதே வீரர்களே இன்றைய போட்டிக்கான இங்கிலாந்து அணியிலும் இடம்பெற்றுள்ளனர்.
அதே வேளையில் இன்றைய போட்டிக்கான ஆஸ்திரேலிய அணியில் இருந்து ஆடம் ஜாம்பா மற்றும் கவுட்டர் நைல் ஆகியோர் நீக்கப்பட்டு அவர்களுக்கு பதிலாக நாதன் லயோன் மற்றும் ஜேசன் பெஹண்ட்ரூஃப் ஆகியோர் அணியில் இடம்பிடித்துள்ளனர்.
இன்றைய போட்டிக்கான ஆஸ்திரேலிய அணி;
டேவிட் வார்னர், ஆரோன் பின்ச், உஸ்மான் கவாஜா, ஸ்டீவன் ஸ்மித், கிளன் மேக்ஸ்வெல், மார்கஸ் ஸ்டோனிஸ், அலெக்ஸ் கேரி, பேட் கம்மின்ஸ், மிட்செல் ஸ்டார்க், நாதன் லயோன், ஜேசன் பெஹண்ட்ரூஃப்.
இன்றைய போட்டிக்கான இங்கிலாந்து அணி;
ஜேம்ஸ் வின்ஸ், ஜானி பாரிஸ்டோவ், ஜோ ரூட், இயான் மோர்கன், பென் ஸ்டோக்ஸ், ஜாஸ் பட்லர், மொய்ன் அலி, கிரிஸ் வோக்ஸ், அடில் ரசீத், ஜோஃப்ரா ஆர்சர், மார்க் வுட்.