நான் கிளம்புறேன்…. இனி நீங்களே பாத்துக்கங்க; முக்கியமான நேரத்தில் நாடு திரும்பும் கேன் வில்லியம்சன்… காரணம் என்ன..?

ஹைதராபாத் அணியின் கேப்டனான கேன் வில்லியம்சனுக்கு குழந்தை பிறக்க உள்ளதால், நடப்பு ஐபிஎல் தொடரில் இருந்து விலகி நாடு திரும்ப உள்ளார்.

இந்தியாவில் கடந்த 2008ம் ஆண்டில் இருந்து உள்ளூர் டி.20 தொடரான ஐபிஎல் தொடர் மிக பிரமாண்டமாக நடத்தப்பட்டு வருகிறது.

இதுவரை 14 சீசன்கள் நிறைவடைந்துள்ள நிலையில், இந்த வருடத்திற்கான தொடர் கடந்த மார்ச் மாத இறுதியில் துவங்கியது. மொத்தம் 70 போட்டிகள் கொண்ட இந்த தொடர் இறுதி கட்டத்தை நெருங்கி வருகிறது. ப்ளே ஆஃப் சுற்றுக்கு தகுதி பெறுவதற்கு ஹைதராபாத், பெங்களூர், டெல்லி கேப்பிடல்ஸ் ஆகிய அணிகள் இடையே கடுமையான போட்டி நிலவி வருகிறது.

இதில் மும்பை இந்தியன்ஸ் அணிக்கு எதிரான கடந்த போட்டியில் 3 ரன்கள் வித்தியாசத்தில் த்ரில் வெற்றி பெற்று தனது ப்ளே ஆஃப் வாய்ப்பை தக்க வைத்து கொண்ட ஹைதராபாத் அணி, ப்ளே ஆஃப் சுற்றுக்கு தகுதி பெற இக்கட்டான நிலையில் இருக்கும் நிலையில், ஹைதராபாத் அணியின் கேப்டனான கேன் வில்லியம்சனுக்கு குழுந்தை பிறக்க உள்ளதால், அவர் நாடு திரும்ப உள்ளதாக அறிவிக்கப்பட்டுள்ளது.

இந்த முக்கியமான கட்டத்தில் சன்ரைசர்ஸுக்கு கேன் வில்லியம்சன் ஒரு கேப்டனாக கண்டிப்பாக தேவைப்படும் நேரத்தில், வில்லியம்சன் ஐபிஎல்லில் இருந்து விலகி நியூசிலாந்துக்கு செல்கிறார். வில்லியம்சனுக்கு குழந்தை பிறந்திருப்பதால், ஐபிஎல்லில் கடைசி லீக் போட்டியில் ஆடாமல் நியூசிலாந்துக்கு செல்கிறார்.

அவர் இல்லாதது சன்ரைசர்ஸுக்கு பின்னடைவாக இருக்கும் என்றாலும், அவருக்கு குழந்தை பிறந்திருப்பதால் கட்டாயம் செல்ல வேண்டும் என்பதால் செல்கிறார். இந்த சீசன் கேன் வில்லியம்சனுக்கு ஒரு வீரராக சரியாக அமையவில்லை. 13 போட்டிகளில் 216 ரன்கள் மட்டுமே அடித்துள்ளார் என்பது குறிப்பிடத்தக்கது.