பஞ்சாப் அணியுடன் மோத உள்ள தரமான 11 டெல்லி வீரர்கள் இவர்கள் தான்
ஐ.பி.எல் டி.20 தொடரின் இன்றைய போட்டியில் கே.எல் ராகுல் தலைமையிலான கிங்ஸ் லெவன் பஞ்சாப் அணியும், ஸ்ரேயஸ் ஐயர் தலைமையிலான டெல்லி கேப்பிடல்ஸ் அணியும் மோதுகின்றன.
இந்தியாவில் கடந்த 2008ம் ஆண்டில் இருந்து நடைபெற்று உள்ளூர் டி20 கிரிக்கெட் தொடரான ஐ.பி.எல் தொடரின் 13வது சீசன் துபாயில் நேற்று துவங்கியது.
ரசிகர்களின் மிகப்பெரும் ஆதரவோடு துவங்கியுள்ள இந்த தொடரில் நேற்றைய முதல் போட்டியில் சென்னை சூப்பர் கிங்ஸ் அணியும், மும்பை இந்தியன்ஸ் அணியும் மோதிய நிலையில், இரண்டாவது போட்டியான இன்றைய போட்டியில் கே.எல் ராகுல் தலைமையிலான கிங்ஸ் லெவன் பஞ்சாப் அணியும், ஸ்ரேயஸ் ஐயர் தலைமையிலான டெல்லி கேப்பிடல்ஸ் அணியும் மோதுகின்றன.
இளம் வீரர் ஸ்ரேயஸ் ஐயர், தலைமையிலான டெல்லி கேப்பிடல்ஸ் அணி கடந்த தொடரை போன்று இல்லாமல் இந்த தொடரில் சிறப்பான ஆட்டத்தை வெளிப்படுத்தி வெற்றிகளை குவிக்க வேண்டிய கட்டாயத்தில் உள்ளது. டெல்லி அணிக்கு வலு சேர்க்கும் வகையில் அஸ்வின், அலெக்ஸ் கேரி போன்ற தலைசிறந்த வீரர்கள் இம்முறை டெல்லி அணிக்காக விளையாட உள்ளனர்.
இன்றைய போட்டிக்கான டெல்லி அணியை பொறுத்தவரையில், அந்த அணியின் துவக்க வீரர்களாக வழக்கம் போல ஷிகர் தவானும், ப்ரிதீவ் ஷாவுமே களமிறங்குவார்கள்.
மிடில் ஆர்டரில் ஸ்ரேயஸ் ஐயர், ரிஷப் பண்ட், ஹெய்ட்மர் மற்றும் அலெக்ஸ் கேரிக்கு வாய்ப்பு கிடைக்கும் என எதிர்பார்க்கப்படுகிறது. சுழற்பந்து வீச்சாளர்கள் வரிசையில் அக்ஷர் பட்டேல், அஸிவின் மற்றும் அமித் மிஷ்ரா ஆகியோருக்கு அணியில் இடம் கிடைக்கும் என எதிர்பார்க்கப்படுகிறது.
வேகப்பந்து வீச்சாளர்கள் வரிசையில் இஷாந்த் சர்மா மற்றும் காகிசோ ரபாடா ஆகியோர் வாய்ப்பு வழங்கப்படலாம்.
இன்றைய போட்டிக்கான டெல்லி அணியின் உத்தேச ஆடும் லெவன்;
ப்ரிதீவ் ஷா, ஷிகர் தவான், ஸ்ரேயஸ் ஐயர், ரிஷப் பண்ட், சிம்ரன் ஹெய்ட்மர், அலெக்ஸ் கேரி, ரவிச்சந்திர அஸ்வின், அக்ஷர் பட்டேல், அமித் மிஷ்ரா, காகிஷோ ரபாடா, இஷாந்த் சர்மா.