ஜெகதீஷனுக்கு இடம் இல்லை; முதலில் பேட்டிங்கை தேர்வு செய்துள்ளார் தோனி !!

ஜெகதீஷனுக்கு இடம் இல்லை; முதலில் பேட்டிங்கை தேர்வு செய்துள்ளார் தோனி

ஹைதராபாத் அணிக்கு எதிரான இன்றைய போட்டியில் டாஸ் வென்றுள்ள சென்னை சூப்பர் கிங்ஸ் அணி முதலில் பேட்டிங்கை தேர்வு செய்துள்ளது.

ஐபிஎல் டி.20 தொடரின் இன்றைய போட்டியில் தோனி தலைமையிலான சென்னை சூப்பர் கிங்ஸ் அணியும், டேவிட் வார்னர் தலைமையிலான சன் ரைசர்ஸ் ஹைதராபாத் அணியும் மோதுகின்றன.

துபாய் சர்வதேச மைதானத்தில் நடைபெறும் இந்த போட்டியில் டாஸ் வென்றுள்ள சென்னை சூப்பர் கிங்ஸ் அணியின் கேப்டன் தோனி முதலில் பேட்டிங்கை தேர்வு செய்துள்ளார்.

இன்றைய போட்டிக்கான இரு அணிகளும் தலா ஒரு மாற்றத்துடன் களமிறங்க உள்ளது. சென்னை அணியில் தமிழக வீரர் ஜெகதீஷன் நீக்கப்பட்டு அவருக்கு பதிலாக சுழற்பந்து வீச்சாளர் பியூஸ் சாவ்லா அணியில் இடம்பெற்றுள்ளார். அதே போல் ஹைதராபாத் அணி அபிசேக் சர்மா நீக்கப்பட்டு அவருக்கு பதிலாக சபாஷ் நதீம் அணியில் சேர்க்கப்பட்டுள்ளார்.

இன்றைய போட்டிக்கான சென்னை சூப்பர் கிங்ஸ் அணி;

சேன் வாட்சன், டூபிளசிஸ், அம்பத்தி ராயூடு, தோனி, ரவீந்திர ஜடேஜா, சாம் கர்ரான், டூவைன் பிராவோ, தீபக் சாஹர், ஷர்துல் தாகூர், பியூஸ் சாவ்லா, கரன் சர்மா.

இன்றைய போட்டிக்கான சன் ரைசர்ஸ் ஹைதராபாத் அணி;

டேவிட் வார்னர், ஜானி பாரிஸ்டோ, மணிஷ் பாண்டே, கேன் வில்லியம்சன், ப்ரியம் கர்க், விஜய் சங்கர், ரசீத் கான், சபாஷ் நதீம், சந்தீப் சர்மா, கலீல் அஹமத், நடராஜன்.