டேவிட் வார்னரை ஆடும் லெவனில் இருந்து தூக்கிய டெல்லி கேப்பிடல்ஸ் ; முதலில் பேட்டிங் செய்கிறது குஜராத் டைட்டன்ஸ்
குஜராத் டைட்டன்ஸ் அணிக்கு எதிரான போட்டியில் டாஸ் வென்றுள்ள டெல்லி கேப்பிடல்ஸ் அணி முதலில் பந்துவீச்சை தேர்வு செய்துள்ளது.
17வது ஐபிஎல் தொடரின் 32வது போட்டியில் சுப்மன் கில் தலைமையிலான குஜராத் டைட்டன்ஸ் அணியும், ரிஷப் பண்ட் தலைமையிலான டெல்லி கேப்பிடல்ஸ் அணியும் மோதுகின்றன.
அஹமதாபாத்தில் நடைபெறும் இந்த போட்டியில் டாஸ் வென்றுள்ள டெல்லி கேப்பிடல்ஸ் அணியின் கேப்டனான ரிஷப் பண்ட் முதலில் பந்துவீச்சை தேர்வு செய்துள்ளார்.
குஜராத் அணியுடனான இந்த போட்டிக்கான டெல்லி அணியின் ஆடும் லெவனில் இருந்து அதிரடி வீரரான டேவிட் வார்னர் நீக்கப்பட்டுள்ளார். சுமித் குமார் மீண்டும் ஆடும் லெவனில் இடம்பெற்றுள்ளார்.
அதே போன்று குஜராத் அணியின் ஆடும் லெவனில் சஹா, டேவிட் மில்லர் ஆகியோர் மீண்டும் இடம்பெற்றுள்ளனர். சீனியர் வீரரான உமேஷ் யாதவ் ஆடும் லெவனில் இருந்து நீக்கப்பட்டு அவருக்கு பதிலாக சந்தீப் வாரியர் அறிமுக வீரராக சேர்க்கப்பட்டுள்ளார்.
குஜராத் டைட்டன்ஸ் அணியின் ஆடும் லெவன்;
சுப்மன் கில், விர்திமான் சஹா, சாய் சுதர்சன், அபினவ் மனோகர், டேவிட் மில்லர், ராகுல் திவாடியா, ரசீத் கான், மோஹித் சர்மா, நூர் முகமது, ஸ்பென்சர் ஜான்சன், சந்தீப் வாரியர்.
டெல்லி கேப்பிடல்ஸ் அணியின் ஆடும் லெவன்;
ப்ரித்வி ஷா, ஜாக், த்ரிஸ்டன் ஸ்டப்ஸ், சாய் ஹோப், ரிஷப் பண்ட், அக்ஷர் பட்டேல், சுமித் குமார், குல்தீப் யாதவ், இஷாந்த் சர்மா, முகேஷ் குமார், கலீல் அஹமத்.