சென்னை,மும்பை,பெங்களூர்,டெல்லி,பஞ்சாப்,ராஜஸ்தான்,ஹைதராபாத் மற்றும் கொல்கத்தா என எட்டு அணிகள் ஐபிஎல் போட்டிகளில் விளையாடுகின்றன.இதில் பெங்களூர் அணியை கோலி,சென்னை அணியை தோனி,மும்பை அணியை ரோஹித் ஆகியோர் வழிநடத்துகின்றனர்.இந்தநிலையில் நடப்பு ஆண்டில் ஐபிஎல் அணிகளின் பிராண்ட் வேல்யூ எக்கச்சக்கமாக அதிகரித்து, ரூ.47,500 கோடிகளைத் தொட்டிருக்கிறது.
இதில் முதலிடத்தில் இருக்கும் மும்பை அணியின் மதிப்பு ரூ.809 கோடிகளாக உள்ளது. 2-வது இடத்தில் உள்ள சென்னை அணியின் மதிப்பு ரூ.732 கோடிகளாக உள்ளது. 2 ஆண்டுகள் தடைக்குப்பின் மீண்டுவந்த சென்னை அணி தோனியால் 13.1% மதிப்பு அதிகரித்து உள்ளது.அதே நேரம் கொல்கத்தா மற்றும் பெங்களூர் அணிகளின் மதிப்பு வீழ்ச்சியடைந்துள்ளது குறிப்பிடத்தக்கது.
Photo by: Sandeep Shetty /SPORTZPICS for BCCI
சென்னை மதிப்பு
இதே போல சூதாட்ட சர்ச்சையில் சிக்கி இரண்டு ஆண்டு தடைக்கு பின் மீண்டு வந்த சென்னை சூப்பர் கிங்ஸ் அணியின் மதிப்பு, அதிகளவில் சுமார் 13.1 சதவீதம் வரை எகிறி ரூ. 732 கோடிகளாக உள்ளது.
மும்பை மதிப்பு
இதற்கிடையில், ஒட்டு மொத்த அணிகளில் வழக்கம் போல சென்னை சூப்பர் கிங்ஸ் அணியுடன் போட்டி போடும் மும்பை இந்தியன்ஸ் அணியின் மதிப்பு ரூ. 809 கோடியாக உள்ளது. இது மும்பை இந்தியன்ஸ் அணியின் கடந்த ஆண்டு மதிப்பைவிட 8.5 சதவீதம் அதிகரித்துள்ளது.
இதற்கிடையில் அணிகளின் ஆண்டு மதிப்பு அடிப்படையில் மும்பை இந்தியன்ஸ் அணி தொடர்ச்சியாக நான்காவது ஆண்டாக முதலிடத்தில் உள்ளது. இதே போல சன்ரைசர்ஸ் ஹைதராபாத், டெல்லி கேபிடல்ஸ் அணியின் மதிப்பு மொத்தமாக 9 சதவீதம் அதிகரித்துள்ளதாகவும் கூறப்படுகிறது.
சமீபத்தில் எடுக்கப்பட்ட கருத்துக்கணிப்பில், ஐபிஎல் தொடரில் பங்கேற்கும் ராயல் சாலஞ்சர்ஸ் பெங்களூரு அணியின் மொத்த மதிப்பு ரூ. 595 கோடிகளாக உள்ளது. இதே போல ரசிகர்களின் எதிர்பார்ப்பை ஏற்படுத்தி ஏமாற்றிய கொல்கத்தா நைட் ரைடர்ஸ் அணியின் மதிப்பு 8 சதவீதம் குறைந்து ரூ. 630 கோடியாக உள்ளது.