அடுத்த ஐபிஎல் தொடருக்குள் எப்படியாவது தமிழ் கற்றுக்கொள்வேன்: மண்ணின் மைந்தன் தோனி

அடுத்த ஐபிஎல் தொடருக்குள் நான் முடிந்த வரை நன்றாக தமிழில் பேச கற்றுக் கொண்டுவிடுவேன் என தல தோனி தெரிவித்துள்ளார்.

நெல்லையில் கோவை – மதுரை இடையேயான தமிழ்நாடு பிரீமியர் லீக் நடைபெற உள்ளது. இதனைத் தொடங்கி வைப்பதற்காக இந்திய கிரிக்கெட் வீரர் மகேந்திர சிங் தோனி தமிழகம் வந்தார்.

நெல்லைக்கு விமானம் மூலம் வந்த அவர், குண்டாறு பகுதியில் உள்ள தனியாருக்கு சொந்தமான அருவிக்குச் சென்றார். அவரது வருகையை அறிந்த அப்பகுதி ரசிகர்கள், ஏராளமானோர் அங்கு குவிந்தனர்.

தமிழ்நாடு பிரீமியர் லீக் போட்டியை காண வந்த தோனி பேசியதாவது, “இங்கு நல்ல குளியல் முடித்து டிஎன்பிஎல் காண வந்துள்ளேன். ஒவ்வொரு முறை ஐபிஎல் போட்டித் தொடர் நடக்கும் போதும் சில தமிழ் வார்த்தைகளை கற்றுக் கொள்வேன். ஆனால் அது தொடர் முடிவதற்குள்ளாகவே மறந்து விடுகிறது.

மேலும் அவர் மைதானத்தில் வரும் போது பாட்ஷா தீம் இசையும், அவர் எடுத்துக் கொண்ட அட்டகாச புகைப்படம் வைரலாகி வருகின்றது.