ஐ.பி.எல் தொடரின் சிறந்த ஆடும் லெவனை தேர்வு செய்த தினேஷ் கார்த்திக்; தோனிக்கே இடம் இல்லை
இந்தியாவில் நடக்கும் ஐபிஎல் கிரிக்கெட் தொடரில் இது ஆறு அணிகளுக்கும் மேலாக விளையாடியுள்ளவர் தமிழக வீரர் தினேஷ் கார்த்திக். தற்போது கார்த்திக் கொல்கத்தா நைட் ரைடர்ஸ் அணிக்காக விளையாடி வருகிறார். இதற்கிடையில் தன்னுடன் ஐபிஎல் கிரிக்கெட் தொடரில் பங்கேற்ற வீரர்களில் இருந்து சிறந்த லெவனை கார்த்திக் வெளியிட்டுள்ளார்.
அதில் துவக்க வீரர்களாக விரேந்தர் சேவாக், கவுதம் காம்பீரை தேர்வு செய்துள்ளார் கார்த்திக். மூன்றாவது வீரராக விராட் கோலியை அணியில் சேர்த்துள்ளார். மிடில் ஆர்டரில் ரோஹித் ஷர்மாவும், விக்கெட் கீப்பராகவும் தன்னையே தேர்வு செய்துள்ளார். ஆல் ரவுண்டர்கள் இடத்துக்கு ஆண்ரே ரசல், சுனில் நரைன் ஆகியோரை தேர்வு செய்துள்ளார்.
பவுலர்களில் கிளன் மெக்ரா, ஜஸ்பிரீத் பும்ரா , மிட்சல் ஸ்டார்க் ஆகியோரை தேர்வு செய்துள்ள காத்திக், சுழற்பந்துவீச்சுக்கு சஹாலை தேர்வு செய்துள்ளார். மேலும் தனது சிறந்த லெவன் அணியில் வெற்றிக்கேப்டனாக உள்ள தோனியை ஏன் தேர்வு செய்யவில்லை என்ற காரணத்தையும் தினேஷ் கார்த்திக் தெரிவித்துள்ளார். ஐபிஎல் கிரிக்கெட் தொடரில் தோனியுடன் சேர்ந்து விளையாடாத காரணத்தால் தான் அவரை தனது லெவன் அணியில் சேர்க்கவில்லை என்றும் தெரிவித்துள்ளார்.
தினேஷ் கார்த்திக் கடந்த 2010 மற்றும் 2014 இல் டெல்லி டேர்டெவில்ஸ் அணிக்காக விளையாடினார். பின் 2012, 2013 இல் மும்பை இந்தியன்ஸ் அணிக்காக கார்த்திக் களமிறங்கினார். தொடர்ந்து 2015 இல் ராயல் சாலஞ்சர்ஸ் பெங்களூரு அணிக்காகவும், 2016, 2017 இல் குஜராத் லயன்ஸ் அணிக்காகவும் விளையாடினார் கார்த்திக். 2018 இல் கொல்கத்தா அணிக்காக ஏலத்தில் எடுக்கப்பட்ட இவரை கொல்கத்தா அணி நிர்வாகம் தக்க வைத்துக்கொண்டது.
தினேஷ் கார்த்திக் தேர்வு செய்துள்ள ஐ.பி.எல் தொடரின் சிறந்த ஆடும் லெவன்;
விரேந்தர் சேவாக், கவுதம் காம்பீர், விராட் கோலி, ரோஹித் ஷர்மா, தினேஷ் கார்த்திக், ஆண்ரே ரசல், சுனில் நரைன், கிளன் மெக்ரா, ஜஸ்பிரீத் பும்ரா , மிட்சல் ஸ்டார்க், யுஸ்வேந்திர சஹால்.