இந்த ஆண்டு ஐபிஎல் தொடர் பரபரப்பான லீக் போட்டிகள் முடிவடைந்து முதல் நான்கு இடம் பிடித்த அணிகள் பிளே ஆப் சுற்றுக்குள் நுழைந்துள்ளன. முதல் இரண்டு இடங்களில் இருக்கும் மும்பை மற்றும் சென்னை இரு அணிகளும் குவாலிபைர் 1 போட்டியில் மோதுகின்றன.
இதில் வெற்றி பெரும் அணி நேரடியாக பைனலுக்குள் செல்லும். தோல்வியை தழுவும் அணி, மூன்றாவது மற்றும் நான்காவது இடம் பிடித்த டெல்லி மற்றும் ஹைதராபாத் அணிகள் மோதும் நாக் அவுட் போட்டியில் வெற்றிபெறும் அணியுடன் குவாலிபைர் 2 போட்டியில் மோதும். இதில் வெற்றி பெரும் அணி. பைனலில் குவாலிபைர் 1 போட்டியில் வெற்றி பெற்ற அணியுடன் மோதும்.
முதல் குவாலிபைரில் மும்பை மற்றும் சென்னை அணிகள் மோதும் போட்டியில், மும்பை அணியில் ஆடும் கணிக்கப்பட்ட 11 வீரர்கள் இதோ.
#1 ரோஹித் சர்மா (கேப்டன்),
மும்பை இந்தியன்ஸ் அணியின் கேப்டனான ரோஹித் சர்மா கடந்த போட்டியில்அரைசதம் கண்டு நல்ல நிலையில் உள்ளார். சென்னை அணிக்கு எதிராக தனது பங்களிப்பை சரியாக செய்யும் பட்சத்தில் வெற்றிக்கு வித்திடும் என எதிர்பார்க்கப்படுகிறது.
#2 குவிண்டன் டி.காக் (விக்கெட் கீப்பர்),
மும்பை இந்தியன்ஸ் அணியின் விக்கெட் கீப்பரான குவிண்டன் டி காக் கடந்த போட்டியை போல் அதிரடியாக விளையாடும் பட்சத்தில் மும்பை அணிக்கு நல்ல துவக்கமாக அமையும்.
#3 சூர்யகுமார் யாதவ்;
சீரான ஆட்டத்தை வெளிப்படுத்தி வரும் இவர், டாப் ஆர்டர் பேட்ஸ்மேன்கள் சொதப்பினால், நடுவரிசையில் அணிக்கு கை கொடுக்கிறார்.
#4 இஷான் கிஷான்;
இளம் வீரரான இஷான் கிஷான் இதுவரை எதிர்பார்த்த அளவிற்கு செயல்படவில்லை. இவர் நன்கு ஆடும் பட்சத்தில் நடுவரிசையில் பலம் சேர்க்கும்.
#5 கீரன் பொலார்டு;
ஆல் ரவுண்டரான கீரன் பொலார்டு கிடைக்கும் வாய்ப்புகளில் சிக்ஸர் மழை பொழிந்து வருகிறார். சென்னை அணிக்கு எதிராக இப்போதும் இவர் சிறப்பாக ஆடுவார். இன்றைய போட்டியிலும் அதற்க்கு பஞ்சம் இருக்காது.
#6 ஹர்திக் பாண்டியா;
ஆல் ரவுண்டரான ஹர்திக் பாண்டியா பேட்டிங் மற்றும் பந்துவீச்சு என இரண்டிலும் அசத்துகிறார். 17-20 ஓவர்களில் அணிக்கு ரன்களை மளமளவென உயர்த்தி தந்து பெரிதும் உதவுகிறார்.
#7 க்ரூணல் பாண்டியா;
மற்றுமொரு பாண்டியா சகோதரர் இக்கட்டான சூழலில் விக்கெட்டுகள் வீழ்த்தி அசத்துகிறார். இந்த ஆண்டு இன்னும் பேட்டிங் இவருக்கு சரிவர ஆட முடியவில்லை. அதையும் சரி செய்தால் நிச்சயம் அணிக்கு பலமே.
#8 மாயன்க் மார்கண்டே;
சென்னை சேப்பாக்கம் மைதானம் சுழற்பந்து வீச்சிற்கு சற்று கைகொடுக்கும் என்பதால் இன்றைய போட்டியில் இளம் சுழற்பந்து வீச்சாளரான மாயன்க் மார்கண்டேவிற்கு வாய்ப்பு கிடைக்க அதிக வாய்ப்புகள் உள்ளன.
#9 ராகுல் சாஹர்;
இளம் சுழற்பந்து வீச்சாளரான ராகுல் சாஹர் தனது பங்களிப்பை சரியாக செய்து கொடுத்தால் அது மும்பை அணிக்கு கூடுதல் பலமே.
#10 லசீத் மலிங்கா;
கடந்த போட்டியில் அபாரமாக செயல்பட்ட லசீத் மலிங்கா இன்றைய போட்டியிலும் மாஸ் காட்டுவார் என்பதில் சந்தேகம் இல்லை. நிச்சயம் சென்னை அணிக்கு நெருக்கடியாக இருப்பார்.
#11 ஜஸ்ப்ரிட் பும்ராஹ்;
மும்பை இந்தியன்ஸ் அணியின் மிகப்பெரும் நம்பிக்கையாக விளங்கி வரும் ஜஸ்ப்ரிட் பும்ராஹ் இன்றைய போட்டியிலும் எதிரணிக்கு கடும் நெருக்கடியை ஏற்படுத்துவார் என தெரிகிறது.