இந்திய வேகப்பந்து வீச்சு யுனிட் உலகிலேயே மிகவும் அபாயகரமானது என்று சுழற்பந்து வீச்சாளர் அஸ்வின் பாராட்டியுள்ளார்.
வங்காளதேசத்துக்கு எதிராக நேற்று தொடங்கிய முதல் டெஸ்டில் இந்திய வேகப்பந்து வீச்சு அருமையாக இருந்தது. தொடக்க முதலே வங்காளதேசத்துக்கு நெருக்கடி கொடுத்து விக்கெட்டுகளை கைப்பற்றினர். முகமது ஷமி, இஷாந்த் சர்மா, உமேஷ் யாதவ் ஆகியோர் சிறப்பாக பந்து வீசினர்.
மூன்று பேரும் இணைந்து 7 விக்கெட்டுக்கள் வீழ்த்தினர். இவர்களைத் தவிர அஸ்வின் மட்டும் இரண்டு விக்கெட்டுக்கள் வீழ்த்தினார். ஒரு விக்கெட் ரன்அவுட் ஆகும்.
இந்த நிலையில் இந்திய வேகப்பந்து வீச்சை சுழற்பந்து வீச்சாளர் அஸ்வின் பாராட்டி உள்ளார். இது தொடர்பாக அவர் கூறியதாவது:-
முகமது ஷமி, இஷாந்த் சர்மா, உமேஷ் யாதவ் ஆகியோர் சிறப்பாக பந்து வீசி வருகிறார்கள். இன்னும் சில மாதங்களில் டெஸ்ட் அணியில் பும்ராவும் சேர்ந்து விட்டால், இந்திய வேகப்பந்து வீச்சு உலகில் மிகவும் அபாயகரமானதாக இருக்கும் என கருதுகிறேன்.
எனது இந்த கருத்துக்கு மற்றவர்கள் என்ன தீர்மானிப்பார்கள் என்பதை அறிய விரும்பவில்லை. ஆனால் சமீப காலமாக நான் பார்த்தவரையில் இந்திய வேகப்பந்து வீச்சு தாக்குதல் சிறந்ததாக உள்ளது என்றார்.
ஐபிஎல் 2020 சீசனை முன்னிட்டு வீரா்கள் பரிமாற்றம் நேற்றுடன் முடிவடைந்தது. ஐபிஎல் அணி நிா்வாகங்கள் தங்களுக்கு தேவையான வீரா்களைப் பரிமாறிக் கொண்டன.
அணிகள் இடையே நடைபெற்ற வீரா்கள் பரிமாற்றத்தின் ஒரு பகுதியாக ராஜஸ்தான் ராயல்ஸ் கேப்டன் ரஹானே தில்லி கேபிடல்ஸ் அணிக்கு இடம் பெயா்ந்தாா். அவருக்கு பதிலாக தில்லியின் ஸ்பின்னா் மயங்க் மாா்கண்டே, ஆல்ரவுண்டா் ராகுல் தேவதியா ஆகியோா் ராஜஸ்தான் அணியில் இணைந்துள்ளனா். பஞ்சாப் அணியில் இருந்து சுழற்பந்து வீச்சாளா் அஸ்வின் தில்லிக்கு இடம் பெயா்ந்தாா்.
ஐபிஎல் 2020 போட்டிக்கான வீரர்கள் பரிமாற்றத்தின் முழுப் பட்டியல்:
| வீரர்கள் | முந்தைய அணி | மாறிய அணி |
| அஸ்வின் | பஞ்சாப் | தில்லி |
| ரஹானே | ராஜஸ்தான் | தில்லி |
| ஜெகதீசா சுஜித் | தில்லி | பஞ்சாப் |
| ஷெர்ஃபேன் ரூதர்ஃபோர்ட் | தில்லி | மும்பை |
| மயங்க் மார்கண்டே | மும்பை | தில்லி |
| அங்கித் ராஜ்புத் | பஞ்சாப் | ராஜஸ்தான் |
| கே. கெளதம் | ராஜஸ்தான் | பஞ்சாப் |
| டிரெண்ட் போல்ட் | தில்லி | மும்பை |
| ராகுல் டேவாடியா | தில்லி | ராஜஸ்தான் |
| தவல் குல்கர்னி | ராஜஸ்தான் | மும்பை |
| சித்தேஷ் லேட் | மும்பை | கொல்கத்தா |