பி.சி.சி.ஐ.,யின் தலைவராகிறார் முன்னாள் வீரர் கங்குலி..?
இந்திய கிரிக்கெட் அணியின் முன்னாள் கேப்டனான சவுரவ் கங்குலி இந்திய கிரிக்கெட் வாரியமான பி.சி.சி.ஐ.,யின் தலைவராக தேர்ந்தெடுக்கப்பட அதிக வாய்ப்புகள் உள்ளதாக தகவல்கள் வெளியாகியுள்ளன.
நீதிபதி லோதா குழு பரிந்துரைத்த நிர்வாகிகளின் கீழ் இந்திய கிரிக்கெட் கட்டுப்பாட்டு வாரியம் இயங்கிக் கொண்டிருக்கின்றது. இவர்களின் ஆலோசனை, அதிகாரத்தின் கீழ் தற்போது கிரிக்கெட் வீரர் கட்டுப்படுத்தி வருகின்றனர்.
இந்நிலையில் அடுத்த பிசிசிய தலைவராக முன்னாள் இந்திய கேப்டன் தாதா கங்குலி நியமிக்க பரிந்துரைக்கப்பட்டுள்ளது. இதில் லோதா குழு நியமித்த விதிகளுக்கு பலர் பொறுந்தவில்லை. ஆனால் கங்குலி இந்த விதிகளுக்கு சரியாக பொருந்துவதாகவும், அதோடு 4 ஆண்டுகள் ஏதேனும் மாநில கிரிக்கெட் வாரிய தலைவராக இருக்க வேண்டும் என்ற விதிக்கு பொருந்துகிறார்.
மேலும் இந்திய கிரிக்கெட் தொழில்நுட்ப பிரிவு, ஐபிஎல் ஒழுங்கமர்வு குழு உறுப்பினர், கிரிக்கெட் ஆலோசகர் குழு என பலவற்றில் இடம்பிடித்துள்ளார். அதுமட்டுமல்லாமல் இந்திய கிரிக்கெட் அணியால் பெரிதும் மதிக்கப்பட்டும் முன்னாள் வீரர்களில் ஒருவராக உள்ளார். இதனால் கங்குலி நியமிக்க அதிக வாய்ப்புள்ளது.
அப்படி பிசிசிஐ தலைவராக நியமிக்கப்பட்டால் அடுத்த 6 ஆண்டுகள் அதன் தலைவராக கங்குலி பணியாற்றுவார். தற்போது பிசிசிஐ தலைவராக சிகே கண்ணா பணியாற்றி வருகின்றார்.
மூன்றாவது டெஸ்ட் போட்டியில் ரிஷப் பண்ட் வேண்டும்;
இந்தியா இங்கிலாந்து தொடரை உன்னிப்பாக கவனித்துவரும் முன்னாள் வீரர் கவாஸ்கர், அவ்வப்போது சில ஆலோசனைகளை வழங்கிவருகிறார். மிகவும் சீனியரான கவாஸ்கர், தற்போது ஒரு கருத்து தெரிவித்துள்ளார். மூன்றாவது டெஸ்ட் போட்டியில் இளம் வீரர் ரிஷப் பண்ட்டை அணியில் சேர்க்கலாம் எனவும் அவர் மூன்றாவது போட்டிக்கான அணியில் சேர்க்கப்படுவதற்கு அதிகமான வாய்ப்பு இருப்பதாகவும் தெரிவித்துள்ளார்.
விக்கெட் கீப்பரான ரிஷப் பண்ட்டை கீப்பராக சேர்க்காவிட்டாலும், பின்வரிசை மிடில் ஆர்டர் பேட்ஸ்மேனாக அணியில் சேர்க்கலாம் என கவாஸ்கர் தெரிவித்துள்ளார். ரிஷப் பண்ட் ரஞ்சி டிராபி, ஐபில், 19 வயதுக்கு உட்பட்ட இந்திய அணி, இந்திய ஏ அணி என அனைத்திலும் நன்றாக ஆடியுள்ளார் என்பது குறிப்பிடத்தக்கது. இங்கிலாந்தில் நடந்த தொடரில் இந்திய ஏ அணிக்காக ஆடிய ரிஷப் பண்ட், சிறப்பாக ஆடினார்.