ஆஸ்திரேலிய ஒருநாள் அணியின் கேப்டனாக டிம் பெய்ன் நியமனம்
இங்கிலாந்து கிரிக்கெட் அணிக்கு எதிரான ஒருநாள் போட்டி தொடரில் விளையாடும் ஆஸ்திரேலிய அணியின் கேப்டனாக டிம் பெயனும், டி20 தொடரின் கேப்டனாக ஆரோன் பின்சும் நியமிக்கப்பட்டுள்ளனர்.
சமீபத்தில் நடைபெற்ற தென் ஆப்ரிக்கா கிரிக்கெட் அணியுடனான டெஸ்ட் தொடரின் போது பந்தை சேதப்படுத்திய விவகாரத்தில் ஆஸ்திரேலிய கிரிக்கெட் அணி வீரர்கள் சிக்கிய பின் அந்த அணியின் கேப்டன் ஸ்மித் மற்றும் துணை கேப்டன் வார்னர் அணியில் இருந்து நீக்கப்பட்னடர். இதனையடுத்து டெஸ்ட் போட்டிகளுக்கு கேப்டனாக டிம் பெய்ன் தேர்வு செய்யப்பட்டார்.
இந்நிலையில் அந்த அணி அடுத்த மாதம் இங்கிலாந்திற்கு எதிரான ஓருநாள் மற்றும் டி20 போட்டிகளில் விளையாட உள்ளது. அதனைத்தொடர்ந்து ஜிம்பாப்வே மற்றும் பாகிஸ்தான் முத்தரப்பு தொடர்களில் விளையாடுகிறது.
இந்த போட்டிகளுக்கான அணியை ஆஸ்திரேலிய கிரிக்கெட் வாரியம் இன்று அறிவித்தது. இந்த தொடருக்கான ஆஸ்திரேலிய ஒருநாள் அணியின் கேப்டனாக டிம் பெய்ன் தேர்வு செய்யப்பட்டுள்ளார். புதிய கேப்டனாக பதிவியேற்க உள்ள ஆஸ்திரேலிய கிரிக்கெட் அணியின் 25வது கேப்டனாவார்.
மேலும் அந்த அணியின் தொடக்க ஆட்டக்காரர் ஆரோன் பிஞ்ன் டி20 போட்டிகளுக்கு கேப்டனாக தேர்வு செய்யப்பட்டுள்ளார். இது தற்காலிகமான ஒன்று தான் எனவும், விரைவில் ஒருநாள் போட்டிகளுக்கான நிரந்தர கேப்டன் நியமிக்கப்படுவார் என்றும் ஆஸ்திரேலிய கிரிக்கெட் வாரியம் தெரிவித்துள்ளது.
இங்கிலாந்துக்கு எதிரான ஒருநாள் தொடருக்கான ஆஸ்திரேலிய அணி;
டிம் பெய்ன், ஆரோன் பின்ச், ஆஸ்டன் அகர், அலெக்ஸ் கேரெ, ஜோஸ் ஹசீல்வுட், டர்விஸ் ஹெட், நாதன் லயோன், கிளன் மேக்ஸ்வெல், ஷான் மார்ஷ், ரிச்சர்ட்சன், கேன் ரிச்சர்ட்சன், டி.ஷார்ட், பில்லி ஸ்டான்லேக், மார்கஸ் ஸ்டோனிஸ், ஆண்ட்ரியூ டை.
டி.20 அணி;
ஆரோன் பின்ச், அலெக்ஸ் கேரி, ஆகர், டர்விஸ் ஹெட், நிக் மேட்டின்சன், கிளன் மேக்ஸ்வெல், ஜெய் ரிச்சர்ட்சன், கேன் ரிச்சர்ட்சன், டி.ஷார்ட், பில்லி ஸ்டேன்லேக், மார்கஸ் ஸ்டோனிஸ், மிட்செல் ஸ்வெப்சன், ஆண்ட்ரியூ டை, ஜேக் வில்ட்முத்.