விராட் – அனுஸ்கா ஜிம்மில் ஓர்க்அவுட் செய்யும் வீடியோ வெளியீடு!!

இந்திய அணியின் கேப்டனும், முண்ணனி பேட்ஸ்மேனுமான விராட் கோலிக்கும், நடிகை அனுஷ்கா சர்மாவுக்கும் கடந்த ஆண்டு திருமணம் நடைபெற்றது. சமீபத்தில் ஒரு நிகழ்ச்சியில் கலந்து கொண்ட அவரிடம், இந்திய அணியின் கேப்டனாக இருக்கும் நீங்கள் வீட்டில் எப்படி என்ற கேட்கப்பட்ட கேள்விக்கு பதிலளித்தார்.

அதில், என் வாழ்க்கையில் அனுஷ்காவின் பங்கு மிகப்பெரியது. என்னுடைய வெற்றி, தோல்வி இரண்டிலும் அவர் என்னுடன் இருந்துள்ளார். பல வேலைகள் இருந்தாலும் மைதானத்திற்கு நேரடியாக வந்து கிரிக்கெட் போட்டிகளை பார்ப்பது என அனுஷ்கா எனக்காக ஏராளமானவற்றை செய்துள்ளார்.

என்னுடைய தீவிர ரசிகை போல் ஒவ்வொரு புகைப்படத்தையும் சமூக வலைத்தளங்களில் வெளியிடுவார். முக்கியமான முடிவுகளை எடுக்க எனக்குப் பெரிதும் உதவுவார். என்னைவிட அவர் தான் சரியான முடிவை எடுப்பார். வீட்டில் அவர் தான் என்னுடைய கேப்டன். ஒவ்வொரு மனிதனுக்கும் நல்ல மனைவி கிடைத்து விட்டால் வேறு என்ன வேண்டும். அனுஷ்கா தான் என்னுடைய பலமே, என கோலி கூறியுள்ளார்.

ஒவ்வொரு சீசனுக்கும் ஒரு விதமான சேலஞ்ச் ட்விட்டரில் வலம்வருவது வழக்க்கம். ஏதாவது ஒரு நல்லெண்ண நோக்கத்தோடு பிரபலங்கள் தொடங்கிவிடும் இந்த சேலஞ்ச்கள், கொஞ்ச நாளுக்கு வைரலாகிக் கொண்டிருக்கும். அந்த வகையில், மத்திய விளையாட்டுத்துறை அமைச்சரான ராஜ்யவர்தன் சிங் ஃபிட்னஸ் சேலஞ்ச் ஒன்றை தொடங்கிவைத்தார்.

அதன்படி, இந்தியாவில் உள்ள அனைவரும் ஃபிட்டாக இருந்தால்தான் இந்தியாவும் ஃபிட்டாக இருக்கும் என்ற நோக்கத்தையும் அதில் பதிவுசெய்து, அதில் இந்திய கிரிக்கெட் அணியின் கேப்டன் விராட் கோலி, பேட்மிட்டன் வீராங்கனை சாய்னா நேவால் ஆகியோரை டேக் செய்தார்.

அதைத் தொடர்ந்து விராட் கோலி, அனுஷ்கா சர்மா என பலரும் தாங்கள் ஜிம்மில் ஒர்க்-அவுட் செய்யும் வீடியோவை வெளியிட்டு, மற்றவர்களையும் டேக் செய்து பரப்பினார்கள். இந்த சேலஞ்சைப் பொருத்தவரை அனைவரும் தாங்கள் ஜிம்மில் உடற்பயிற்சி செய்யும் வீடியோவையே வெளியிட்டு வருகின்றனர்.

இந்திய விளையாட்டுத்துறை அமைச்சர் ராஜ்யவர்தன் சிங் ரத்தோர் ஒரு பயிற்சியை வீடியோவில் செய்து காட்டி, பாலிவுட் நடிகர் ஹிரித்திக் ரோஷன், விராட் கோலி, சாய்னா நேவால் ஆகியோரை டேக் செய்து, அவர்களும் செய்ய வேண்டுமென்று சேலஞ்ச் செய்திருந்தார். ஏற்கெனவே ஃபிட்னெஸில் அதிக ஆர்வம் கொண்ட விராட் கோலி, நேற்று முன் தினம் அதைச் செய்து முடித்துவிட்டு, தன் பங்குக்கு அனுஷ்கா சர்மா, தோனி, பிரதமர் நரேந்திர மோடி ஆகியோருக்கு சேலஞ்ச் செய்திருந்தார். மோடி இந்த சேலஞ்சை ஏற்றுக்கொள்வதாக நேற்று பதில் கூறியிருக்கிறார். விராட் செய்த பயிற்சியின் பெயர், `ஸ்பைடர்மேன் ப்ளாங்க்’ (Spiderman Plank)