யுவராஜ்சிங் என்றாலே 6 சிக்ஸர்கள் தான் நினைவுக்கு வரும். 2007 டி20 உலகக்கோப்பையில் இங்கிலாந்துக்கு எதிரான போட்டியில் யுவராஜ் சிங் ஒரே ஓவரில் 6 சிக்சர்களுடன் 12 பந்துகளில் அரைசதம் அடித்து சாதனை படைத்தார்.
ஸ்டூவர்ட் பிராட் ஓவரில் 6 சிக்ஸர்கள் நாலாபுறமும் பறந்தன. 6 சிக்ஸருக்கு முன்னதாக பிளிண்டாப் உடன் வார்த்தைப்போர் நடக்கும். அதற்கு பிறகு 6 சிக்ஸர்கள் பறந்தன. இது குறித்து சமீபத்தில் பேசிய யுவராஜ் சிங், 6 சிக்சர்கள் அடிக்கும் போது நான் செம கோபத்தில் இருந்தேன் என்பது மட்டும் ஞாபகம் இருக்கிறது எனத் தெரிவித்தார்.
இந்நிலையில் ஒவ்வொரு முறையும் நான் ஸ்டூவர்ட் பிராட்டைப் பற்றி ஏதாவது எழுதும்போது, மக்கள் அவரை ஆறு சிக்ஸர்களுடன்
தொடர்புபடுத்துகிறார்கள்! ஆனால் இன்று எனது ரசிகர்கள் அனைவரையும் இதைக் குறிப்பிட வேண்டாம் என்று கேட்டுக்கொள்கிறேன், அவரின்
சாதனையைத் தான் நாம் இன்று பாராட்ட வேண்டும்.
500 டெஸ்ட் விக்கெட்டுகள் என்பது நகைச்சுவையல்ல. இதற்கு பல ஆண்டுகள் கடின உழைப்பு, அர்ப்பணிப்பு மற்றும் உறுதிப்பாடு தேவை.
உங்கள் பின்னடைவுகளை நீங்கள் எப்போதுமே எதிர்த்துப் போராடி வெற்றி பெறுகிறீர்கள். என் நண்பரே ஸ்டூவர்ட் பிராட், நீங்கள் ஒரு லெஜண்ட்!
தலை வணங்குகிறேன் என தெரிவித்துள்ளார். யுவராஜ் சிங்கின் இந்த பதிவுக்கு இருநாட்டு ரசிகர்களும் பாராட்டுகளை தெரிவித்துள்ளனர்.
கிரிக்கெட் ஒரு ஜெண்டில்மேன் கேம் என்பதை யுவராஜ் மீண்டும் நிரூபித்து விட்டார் என பதிவிட்டு வருகின்றனர்.
பிராட் இடது கை பேட்ஸ்மேன்களுக்கு எதிராக விக்கெட் வீழ்த்துவதில் வல்லவர். இதனை அவரது பந்தை எதிர்கொண்டு தனது விக்கெட்டை இழந்த ஆஸ்திரேலியாவின் டேவிட் வார்னரே அண்மையில் தெரிவித்திருந்தார்.
இங்கிலாந்து டெஸ்ட் கிரிக்கெட்டில் பிராடும், ஆண்டர்சனும் பவுலிங் பார்ட்னர்ஷிப் போட்டு விக்கெட் வேட்டை வீழ்த்துபவர்களில் கெட்டிக்காரர்கள். அதற்கு ஆஷஸ் உட்பட பல போட்டிகளை உதாரணமாக சொல்லலாம். இதுவரை இங்கிலாந்துக்காக 140 டெஸ்ட் போட்டிகளில் விளையாடியுள்ள பிராட் 501 விக்கெட்டுகளை எடுத்துள்ளார். ஒருநாள் போட்டிகளில் 178 விக்கெட்டுகளும், டி20 போட்டிகளில் 65 விக்கெட்டுகளையும் அவர் வீழ்த்தியுள்ளார்.
இங்கிலாந்து தேர்வு வாரியம் பிராடை தற்போது டெஸ்ட் ஸ்பெஷலிஸ்ட் பவுலராக மட்டுமே பார்த்து வருகிறது. ஜுனியர்களின் வருகை அணிக்குள் இடம் பிடிக்க பிராடுக்கு சிக்கலையும் கொடுத்து வருகிறது. அண்மையில் முடிந்த வெஸ்ட் இண்டீஸ் அணிக்கு எதிரான டெஸ்ட் தொடரின் முதல் போட்டியில் அவரை இங்கிலாந்து தேர்வு வாரியம் ஆடும் லெவன் அணிக்குள் சேர்க்காமல் பெஞ்சில் உட்கார வைத்தது. இருந்தாலும் அதற்கடுத்த இரண்டு போட்டிகளில் விளையாடும் வாய்ப்பை பெற்ற அவர் இங்கிலாந்து அணி இந்த தொடரை வெல்ல காரணமாக அமைந்ததோடு தொடர் நாயகன் விருதையும் வென்றார். இரண்டு போட்டிகளில் அவர் 16 விக்கெட்டுகளை எடுத்து டெஸ்ட் கிரிக்கெட்டில் 500 விக்கெட்டுகளை வீழ்த்திய பவுலர்களின் பட்டியலில் இணைந்தார்.