உலகக்கோப்பை தொடரில் இதுவரை நிகழ்த்தப்பட்டுள்ள 10 வித்யாசமான சாதனைகளின் பட்டியல்!

உலகக்கோப்பை கிரிக்கெட் ஏன் சுவாரஸியம் என்றால் மிகப்பெரிய வீரர்கள், ஆகிருதிகளைத் தாண்டி அதிகம் பேசப்படாத வீரர்கள், அணிகள் செய்துள்ள சில அதிசயங்கள் எப்போதும் உற்சாகம் தருபவையே. கிரிக்கெட்டில் சில ரெக்கார்டுகள் அதிசயிக்கத்தக்கவை. உதாரணமாகக் கூற வேண்டுமெனில் நியூஸிலாந்தின் தொடக்க வீரர் நேதன் ஆஸ்ட்ல், இவர் அதிவேக இரட்டைச் சதத்திற்கான டெஸ்ட் உலக சாதனையை இன்னமும் கையில் வைத்திருப்பவர், இங்கிலாந்துக்கு எதிராக 152 பந்துகளில் இரட்டைச் சதம் அடித்து சாதனை புரிந்தார். ஆனால் 90களில் அதிக முறை டக் அவுட் ஆன வீரர் என்ற எதிர்மறைச் சாதனைக்கும் உரியவரனார் நேதன் ஆஸ்ட்ல். அது போல் உலகக்கோப்பையில் சில எண்கள் நம்மை அதிசயிக்க வைக்கும்: 1999 Cricket World Cup Semi Final, Edgbaston, 17th June, 1999, Australia v South Africa, Match Tied, South Africa's Lance Klusener batting (Photo by Popperfoto/Getty Images) 124: உலகக்கோப்பையில் 124 ரன்கள் சராசரி வைத்திருந்த ஒரே வீரர் தென் ஆப்பிரிக்காவின் லான்ஸ் குளூஸ்னர். 1999 மற்றும் 2003 உலகக்கோப்பைத் தொடர்களில் குளூஸ்னர் ஆடினார். ஸுலு என்று செல்லமாக அழைக்கப்படும் இவர் 1999-ல் பிரமாதமாக ஆடினார். இந்த உலகக்கோப்பையில் 281 ரன்களை 140.80 என்ற சராசரியில் அவர் எடுத்திருந்தார், பந்து வீச்சில் 17 விக்கெட்டுகளுடன் 4வதாகத் திகழ்ந்தார். மொத்தமாக இவரது உ.கோப்பை பேட்டிங் சராசரி 124. 387.50: ஒரு இன்னிங்சின் அதிகபட்ச ஸ்ட்ரைக் ரேட்டை வைத்திருப்பவர் நியூஸிலாந்தின் ஜெம்ஸ் பிராங்க்ளின், 2011-ல் நடந்த உலகக்கோப்பையில் இவர் மும்பையில் கனடா அணிக்கு எதிரகா 8 பந்துகளில் 31 ரன்களை எடுத்தார். 2 பவுண்டரிகள் 3 சிக்சர்கள். 5 பந்துகளில் 26 ரன்கள் அடித்தவர் அடுத்த 5 ரன்களை 3 பந்துகளில் எடுத்தார். 3.24: இந்த பவுலிங் சராசரி 36 ஆண்டுகளாக அதி சிக்கனவிகித உ.கோப்பை பவுலிங் அட்டவணையில் நம்பர் 1 இடத்தில் உள்ளது, ஒருவரும் முறியடிக்க முடியவில்லை. 1975, 1979, 1983 3 உலகக்கோப்பைகளில் ஆடிய மே.இ.தீவுகளின் உலகின் தலைசிறந்த வேகப்பந்து வீச்சாளர் ஆண்டி ராபர்ட்ஸ்தான் இந்த சாதனைக்கு இன்னமும் சொந்தக் காரர். மொத்தம் 16 போட்டிகளில் 26 விக்கெட்டுகளை அவர் கைப்பற்றியுள்ளார். 105: நியூசிலாந்தின் மார்டின் ஸ்னெடன் 12 ஒவர்களில் 105 ரன்களை விட்டுக் கொடுத்தார், இதே மார்டின் ஸ்னெடன் 1987 உலகக்கோப்பையில் இந்தியாவுக்கு எதிராக 10 ஓவர்களில் 102 ரன்களை விட்டுக் கொடுத்தவர் ஆவார். 21: ஆடம் கில்கிறிஸ்ட் 2003 உலகக்கோப்பை தொடரில் விக்கெட் கீப்பராக வீரர்களை ஆட்டமிழக்க செய்த எண்ணிக்கையாகும் இது. ஒரே தொடரில் 21 கேட்ச்கள் எடுத்து சாதனையை தன் வசம் வைத்துள்ளார். 23.8. : சிறந்த பவுலிங் ஸ்ட்ரைக் ரேட்: சாதனை வீரர் லஷித் மலிங்கா. 59: 1999 உலகக்கோப்பையில் ஸ்காட்லாந்து அணிக்கு எதிராக பாகிஸ்தான் அணி விட்டுக் கொடுத்த ‘எக்ஸ்ட்ராஸ்’ ரன்கள் 59. வாசிம் அக்ரம், ஷோயப் அக்தர் இருந்தும் 33 வைடுகள் 15 நோபால்கள். 61.42: இந்திய வீரர் ராகுல் திராவிட் 1999 உ.கோப்பையில் வைத்திருந்த அதிகபட்ச சராசரி சாதனையாகும். 32: உலகக்கோப்பையில் தோனி அவுட் ஆக்கிய விக்கெட்டுகள் எண்ணிக்கையாகும் இது. 46: இங்கிலாந்து நடுவர் டேவிட் ஷெப்பர்ட் பணியாற்றிய உலகக்கோப்பை போட்டிகளின் எண்ணிக்கை, அடுத்த இடத்தில் மே.இ.தீவுகளின் ஸ்டீவ் பக்னர் இவர் 45 போட்டிகளில் களநடுவராகப் பணியாற்றியுள்ளார்.

Leave a comment