சர்வதேச கிரிக்கெட்டில் அதிக கேட்ச் பிடித்த டாப்-10 வீரர்களின் பட்டியல்! ஒரே ஒரு இந்திய வீரருக்கு இடம்!

சர்வதேச கிரிக்கெட்டில் அவர்கள் பிடித்த கேட்சுகளின் எண்ணிக்கை அடிப்படையில் டாப்-10 பீல்டர்கள் யார் யார் என பார்க்கலாம் அதில் தற்போதும் ஒரே ஒரு வீரர் மட்டும் ஓய்வு பெறவில்லை. ஆலன் பார்டர் - 283 கேட்சுகள் ஆஸ்திரேலிய கேப்டன் ஆலன் பார்டர் 429 போட்டிகளில் விளையாடி மொத்தமாக 283 கேட்சுகள் பிடித்துள்ளார். கடந்த 1985- 86 இல் ஜான் ரீட்டிற்கு இவர் இரண்டாவது ஸ்லிப்பில் பிடித்த கேட்ச்சை அவ்வளவு எளிதில் யாரும் மறக்க முடியாது . பிரைன் லாரா - 284 கேட்சுகள் வெஸ்ட் இண்டீஸ் அணியின் பேட்டிங் ஜாம்பவான் பிரைன் லாரா 430 போட்டிகளில் பங்கேற்று 284 கேட்சுகள் பிடித்துள்ளார். இவரின் கேட்ச் சராசரி 0.528 ஆகும். மற்ற வீரர்களை போலவே இவரும் தனது பெரும்பாலான கேட்ச்சை ஸ்லிப்பில் தான் பிடித்துள்ளார். இருந்தாலும் தென் ஆப்ரிக்க வீரர் லான்ஸ் குலுஸ்னருக்கு இவர் டைவ் அடித்து பிடித்த கேட்ச் இதுவரை ரசிகர்களால் மறக்க முடியாது. மார்க் வாக் - 181 கேட்ச்கள் தனது கிரிக்கெட் பயணத்தில் ஆஸ்திரேலியாவின் மார்க் வாக் 372 போட்டிகளில் 289 கேட்சுகள் பிடித்துள்ளார். இவரின் கேட்ச் சராசரி 0.592 ஆகும். டெஸ்ட் கிரிக்கெட்டில் 181 கேட்ச் பிடித்துள்ளார் மார்க் வாக். இதை கடந்த 2009 இல் இந்திய வீரர் ராகுல் டிராவிட் முறியடித்தார். கடந்த 1999 இல் நடந்த உலகக்கோப்பை கிரிக்கெட் தொடரின் ஃபைனலில், வஜஹாத்துல்லா வாஸ்தியை வலது பக்கமாக டைவ் அடித்து வாக் அவுட்டாக்கினார். கிரேம் ஸ்மித் - 292 கேட்ச்சுகள் தென் ஆப்ரிக்காவின் முன்னாள் கேப்டன் கிரேம் ஸ்மித், இவர் 347 போட்டிகளில் 292 கேட்ச்சுகள் பிடித்துள்ளார். இவரின் கேட்ச் சராசரி 0.643 ஆகும். இவரும் அதிக கேட்ச் பிடித்த மற்ற வீரர்களை போலவே ஸ்லிப்பில் தான் அதிக கேட்ச் பிடித்துள்ளார். ஸ்டீவன் பிளமிங் - 328 கேட்ச்சுகள் நியூசிலாந்து கிரிக்கெட் அணியின் முன்னாள் கேப்டன் ஸ்டீவன் பிளமிங். இவர் சக வீரரான ராஸ் டெய்லரை விட 26 கேட்சுகள் குறைவாக பிடித்துள்ளார். ஆனால் டெய்லரை விட 37 போட்டிகள் குறைவாக விளையாடி உள்ளார். டெய்லர் மற்றும் பிளமிங் இருவரின் சராசரியும் கிட்டத்தட்ட ஒன்று தான். ஒரே போட்டியில் பிளமிங் 4 கேட்சுகள் ஐந்து முறை பிடித்துள்ளார். ராஸ் டெய்லர் - 332 கேட்ச்சுகள் ராஸ் டெய்லரின் கேட்ச் சராசரி 0.640 ஆகும். இவர் 433 போட்டிகளில் 332 கேட்ச்சுகள் பிடித்துள்ளார். ஒரு போட்டியில் 4 கேட்சுகளை 4 முறை பிடித்துள்ளார் டெய்லர். ஸ்லிப் பகுதிகளில் மிகவும் பாதுகாப்பான வீரர்களில் ஒருவர் இவர். சமீபத்தில் நடந்த இங்கிலாந்துக்கு எதிரான டெஸ்டில் பென் ஸ்டோக்ஸுக்கு டெய்லர் மிரட்டலான டைவிங் கேட்ச் பிடித்தார். இன்னும் இவர் ஓய்வு பெறவில்லை என்பதால், இன்னும் அதிக கேட்ச் பிடிப்பார் என தெரிகிறது. ராகுல் திராவிட் - 334 கேட்ச்சுகள் சர்வதேச டெஸ்ட் கிரிக்கெட்டில் அதிக கேட்ச் பிடித்துள்ள திராவிட், ஒட்டுமொத்தமாக அதிக கேட்ச் பிடித்துள்ள வீரர்களில் நான்காவது இடத்தில் உள்ளார். இவர் 509 போட்டிகளில் 334 கேட்ச்சுகள் பிடித்துள்ளார். அதிக கேட்ச் பிடித்த டாப்-4 வீரர்களில் சிறந்த சராசரி கொண்ட வீரர் திராவிட் தான். இவரின் சராசரி 0.584 ஆகும். காலிஸ் - 338 கேட்சுகள் சிறந்த ஸ்லிப் பீல்டர்களில் ஒருவர் தென் ஆப்ரிக்க ஆல் ரவுண்டர் காலிஸ். இவர் 519 போட்டிகளில் பங்கேற்று 338 கேட்சுகள் பிடித்துள்ளார். ஜெயவர்தனே போல ஒரே போட்டியில் 4 கேட்ச் 4 முறை பிடித்துள்ளார். இவரின் சராசரி 0.509 ஆகும். ரிக்கி பாண்டிங் - 364 கேட்ச்சுகள் முன்னாள் ஆஸ்திரேலிய கேப்டன் ரிக்கி பாண்டிங். இவர் நெருக்கமான பீல்டிங்கில் மிகச்சிறந்த வீரர். அதேபோல பீல்டிங்கின் போதும் ஸ்டெம்ப்பை துள்ளியமாக தாக்குவதில் கில்லாடி. இவர் மொத்தமாக 364 கேட்ச்சுகள் பிடித்துள்ளார். கடந்த 1999இல் நடந்த உலகக்கோப்பை ஃபைனலில் பாகிஸ்தானின் சக்லைன் முஸ்தாக்கிற்கு பாண்டிங் பிடித்த கேட்ச்சை யாராலும் எளிதில் மறக்க முடியாது. மகிளா ஜெயவர்தனா - 440 கேட்சுகள் முன்னாள் இலங்கை வீரர் மகிளா ஜெயவர்தனா, பேட்டிங்கில் மட்டுமில்லாமல் மிகச்சிறந்த பீல்டர்களில் ஒருவர். பெரும்பாலும் ஸ்லிப்பில் பீல்டிங் செய்த ஜெயவர்தனா 560 போட்டிகளில் விளையாடி 440 கேட்சுகளை பிடித்துள்ளார். கடந்த 2010 இல் இந்திய அணிக்கு எதிராக நடந்த முதல் டெஸ்டில் இவர் பிடித்த கேட்ச் முரளிதரனின் 800 ஆவது டெஸ்ட் விக்கெட்டாக அமைந்தது.