ஆஸ்திரேலியா, இங்கிலாந்து அணிகளுக்கு இடையிலான 3-ஆவது ஆஷஸ் டெஸ்ட் போட்டி பெர்த்தில் வியாழக்கிழமை தொடங்கி நடைபெறவுள்ளது.
5 போட்டிகள் கொண்ட ஆஷஸ் கோப்பை டெஸ்ட் தொடர் ஆஸ்திரேலியாவில் நடைபெற்று வருகிறது. இதில் பிரிஸ்பேனில் நடந்த முதல் டெஸ்ட் போட்டியில் ஆஸ்திரேலியா 10 விக்கெட் வித்தியாசத்தில் அபார வெற்றிபெற்றது.
இதன்பின்னர் அடிலெய்டில் நடந்த 2-ஆவது டெஸ்ட் போட்டியிலும் ஆஸ்திரேலிய அணி 120 ரன்கள் வித்தியாசத்தில் வெற்றியைப் பதிவு செய்தது. இந்நிலையில், 3-ஆவது டெஸ்ட் போட்டி நாளை நடைபெறவுள்ளது.
இதிலும் வெற்றிபெற்று தொடரைக் கைப்பற்றும் முனைப்பில் ஆஸ்திரேலிய அணி களமிறங்கவுள்ளது. அதுபோல இனி வரும் மூன்று போட்டிகளிலும் வென்று தொடரைத் தக்க வைக்க இங்கிலாந்து கடுமையாகப் போராடும் என்று எதிர்பார்க்கப்படுகிறது.
இந்நிலையில், 3-ஆவது டெஸ்ட் போட்டியில் விளையாடவுள்ள பதினோறு பேர் கொண்ட அணியை ஆஸ்திரேலியா மற்றும் இங்கிலாந்து புதன்கிழமை அறிவித்தது. அணிகளின் விவரம் பின்வருமாறு,
இந்த டெஸ்ட் போட்டியில் டாஸ் வென்ற இங்கிலாந்து அணி பேட்டிங் செய்து வருகிறது.
ஆஸ்திரேலியா:
டேவிட் வார்னர், கேமரூன் பென்க்ராஃப்ட், உஸ்மான் கவாஜா, ஸ்டீவன் ஸ்மித் (கேப்டன்), ஷான் மார்ஷ், மிட்செல் மார்ஷ், டிம் பெய்ன் (விக்கெட் கீப்பர்), மிட்செல் ஸ்டார்க், பேட் கம்மின்ஸ், ஜாஷ் ஹாசில்வுட், நாதன் லயன்.
இங்கிலாந்து:
அலஸ்டைர் கூக், மார்க் ஸ்டோன்மேன், ஜேம்ஸ் வின்ஸ், ஜோ ரூட் (கேப்டன்), டேவிட் மாலான், மூயின் அலி, ஜானி பேய்ர்ஸ்டோ (விக்கெட் கீப்பர்), கிறிஸ் வோக்ஸ், கிரேய்க் ஓவர்டன், ஸ்டூவர்ட் பிராட், ஜேம்ஸ் ஆண்டர்சன்.