இந்தியா-ஆப்கன் டெஸ்ட் போட்டி : கணிக்கப்பட்ட ஆப்கன் அணி! - Page 7 of 11

இந்திய மற்றும் ஆப்கானிஸ்தான் அணிகளுக்கு இடையேயான வலாற்று சிறப்பு மிக்க டெஸ்ட் போட்டி நாளை 14ம் தேதி பெங்களூர் சின்னசாமி மைதானத்தில் நடைபெறுகிறது. இந்த போட்டிக்காக இரு அணி வீரர்களும் மிகத் தீவிரமாக பயிற்சி செய்து வருகின்றனர். இந்த டெஸ்ட் ஆப்கன் கிரிக்கெட் வரலாற்றில் ஒரு மிகப்பெரிய மைல்கள் ஆகும். கடந்த 2009ஆம் ஆண்டு சர்வதேச கிரிக்கெட் போட்டியில் ஆடத்துவங்கிய ஆப்கன் அணி வெகு விரைவாக டெஸ்ட் அணிக்கான அந்தஸ்த்தை பெற்று முன்னேறி வருகிறது. தற்போது, இந்த வரலாறு பேசும் டெஸ்ட் போட்டியிலும் தங்கள் திறமையை நிரூபிக்க தயாராகி வருகிறது ஆப்கன் அணி. அந்த அணியின் கேப்டன் 30 வயதான அஸ்கர் ஸ்டானிக்சை, மிகவும் நம்பிக்கையுடன் பல கருத்துக்களை கூறி வருகிறார். இந்திய அணியை விட தங்கள் அணியில் சிறந்த சுழற்பந்து வீச்சாளர் இருப்பதாகவும் கூறியுள்ளார். தற்போது ஆப்கன் அணியின் கணிக்கப்பட்ட அணியை பார்ப்போம். 1.அகமது சேஷாத் (வி) விக்கெட் கீப்பர் பேட்ஸ்மேனான இவர் அதிரடியாக ஆடக்கூடியவர். இந்திய அணிக்கெதிராக சில டி20 போட்டிகளில் ஆடியுள்ளார். 70 ஒருநாள் போட்டிகளில் ஆடியுள்ள இவர் 90 ஸ்ட்ரைக் ரேட்டில் 2275 ரன்கள் குவித்துள்ளார். மேலும், 60 டி20 போட்டியில் 135 ஸ்ட்ரைக் ரேட்டில் 1830 ரன்கள் குவித்துள்ளார். 2.உஸ்மான் கானி 22 வயதான இளம் வீரர் இவர். ஆப்கன் அணிக்கு ஓப்பனிங் வீரராக ஆடி வருகிறார். 15 ஒருநாள் போட்டியில் 411 ரன்களும், 16 ஒருநாள் போட்டியில் 358 ரன்களும் குவித்துள்ளார். இவர் இன்னொரு ஓப்பனிங் வீரராக களம் காணுவர். மேலும், 15 முதல் தர போட்டியில் ஆடி , 41 சராசரியில் 1165 ரன்கள் அடித்துள்ளார். 3.அஷ்கர் ஸ்டானிக்சை (கேப்டன்) கடந்த 2009ல் இருந்து ஆப்கன் அணிக்காக ஆடி வரும் இவர், ஆப்கன் அணி வளர்ச்சி அடைந்த முழு பருவதையும் பார்த்துள்ளார். ஆப்கன் அணி ஆடிய முதல் சர்வதேச போட்டிட்டில் இருந்து தற்போது டெஸ்ட் அந்த்ஸ்து பெறும் வரை அணியுடன் பயணித்திருக்கிறார். மேலும் , ஆப்கன் அணிக்கு கேப்டனாகவும் உள்ளார் இவர். 23 முதல் தர போட்டியில் ஆடியுள்ள இவர், 44.40 சராசரியில் 1421 ரன்கள் குவித்துள்ளார். அதிகபட்சமாக 145 ரன்கள் குவித்துள்ளார். 4.சமியுல்லா சென்வாரி சுழற்பந்து வீச்சு ஆல் ரவுண்டர் இவர். 31 வயதான இவர் 78 ஒருநாள் போட்டிகளில் 1731 ரன்களும் 57 டி20 போட்டிகளில் 930 ரன்களும் குவித்துள்ளார். மேலும் ஒருநாள் போட்டிகளில் 46 விக்கெட்டுகளும், டி20 போட்டிகளில் 25 விக்கெட்டுகளும் வீழ்த்தியுள்ளார். 5.சபியுள்ளா சபீக் இவரும் அந்த அணியில் இருக்கும் ஒரு விக்கெட் கீப்பர் பேட்ஸ்மேன் ஆவார். 28 வயதான இவர் அதிரடியாக ஆடக் கூடிய வீரர் ஆவார். 23 ஒருநாள் போட்டிகளில் 419 ரன்களும், 40 டி20 போட்டிகளில் 440 ரன்களும் குவித்துள்ளார். இதன் ஸ்ட்ரைக் ரெட் 146 ஆகும். 6.முகமது நபி ஆப்கன் அணியின் முன்னாள் கேப்டன் இவர். 33 வயதான இவர் ஆப்கன் அணியில் மிகவும் அனுபவம் வாய்ந்த வீரர் ஆவார். தற்போது சுழற்பந்து வீச்சு ஆல் ரவுண்டராக அணிக்கு பலம் சேர்க்கிறார். Photo by Ron Gaunt - Sportzpics - IPL ஆப்கன் அணியில் உள்ள 3 சிறந்த சுழற்பந்து வீச்சாளர்களில் இவரும் ஒருவர். ஐபிஎல் தொடரில் சன் ரைசர்ஸ் அணிக்காகவும் ஆடியுள்ளார். 98 ஒருநாள் போட்டிகளில் ஆடியுள்ளார் நபி. அவற்றில் 2301 ரன்களும், 103 விக்கெட்டுகளும் வீழ்த்தியுள்ளார். 7.குல்பதின் நயிப் வேகப்பந்து வீச்சு ஆல் ரவுண்ர் இவர். அந்த நாட்டிற்கு இவர் ஹர்திக் பாண்டியா போன்றவர். தற்போது 27 வயதாகும் இவர், 40 ஒருநாள் போட்டிகளில் 615 ரன்களும், தனது வேகப்பந்து வீச்சினால் 29 விக்கெட்டுகளும் வீழ்த்தியுள்ளார். 8.ரசித் கான் சர்வதேச கிரிக்கெட்டில் தற்போது மாயஜாலங்களை நடத்தி வருபவர் ரசித் கான். 16 வயதிலேயே ஆப்கன் அணிக்குள் புகுந்த இவர் அப்போதிலிருந்து ஆப்கன் அணிக்காக வெற்றிகளை குவித்து வருகிறார். தன்னால் பேட்டிங்கிலும் ஜொலிக்க முடியும் என ஐபிஎல் தொடரில் நிரூபித்தார். 19 வயதான இவர் நெ.1 டி20 பவுலராகவும், நெ.2 ஒருநாள் போட்டி பந்து வீச்சாளரகாவும் உள்ளார். வெறும் 43 ஒருநாள் போட்டியிலேயே 100 விக்கெட்டுகள் வீழ்த்தியுள்ளார். மேலும், 37 டி20 போட்டிகளில் 50 விக்கெட்டுகள் வீழ்த்தியுள்ளார். அதுபோக அற்புதமாக பில்டிங் செய்யக்கூடியவர். பேட்டிங்கிலும் வசதியுள்ள ரசித் கான் 43 ஒருநாள் போட்டிகளில் , 99 ஸ்ட்ரைக் ரேட்டில் 577 ரன்கள் அடித்துள்ளார். இதில் இரண்டு அரை சதங்கள் அடங்கும். 9.முஜீப் உர் ரஹ்மான் ஆப்கன் அணிக்கு கிடைத்த மேலும் ஒரு அற்புதமான சுழற்பந்து வீச்சாளர் ஆவார். இந்த வருட ஐபிஎல் தொடரில் பஞ்சாப் அணிக்காக ஆடி சர்வதேச பேட்ஸ்மேன்களை தினறடித்தார் முஜீப். 17 வயதான இவர் 17 ஒருநாள் போட்டிகளில் 37 விக்கெடுகள் வீழ்த்தியுள்ளார். மேலும், ஐபிஎல் தொடரில் 11 போட்டிகளில் 15 விக்கெட்டுகள் வீழ்த்தியுள்ளார். 10.சையத் சிர்சாத் இடது கை வேகப்பந்து வீச்சாளரான இவருக்கு தற்போது 23 வயதாகிறது. ஆப்கன் அணியின் அனுபவ வேகப்பந்து வீச்சாளர் சார்டன் காயம் காரணமாக இந்த டெஸ்ட் போட்டியில் ஆட முடியாத நிலையில் உள்ளார். அதன் காரணமாக அவரது இடத்தை இவர் நிரப்புவார். இவருக்கு 23 வயதே ஆனாலும், மிகவும் திறமை வாய்ந்த வேகப்பந்து வீச்சாளர் ஆவார். 3 சர்வதேச டி20 போட்டிகளில் ஆடி 7 விக்கெட் வீழ்த்தியுள்ளார். மேலும், 15 முதல் தர போட்டிகளில் ஆடி 49 விக்கெட்டுகள் வீழ்த்தியுள்ளார். 11.யாமின் அஹம்துஸாய் ஆப்கன் அணியின் ஒரு அனுபவ வேகப்பந்து வீச்சாளர் ஆவர். வலது கை வேகப்பந்து வீச்சாளரான இவருக்கு தற்போது 25 வயதாகிறது. 22 முதல் தர போட்டியில் ஆடியுள்ள இவர் 67 விக்கெட்டுகள் வீழ்த்தியுள்ளார்.

7.குல்பதின் நயிப்

Leave a comment