ஆப்கானிஸ்தான் டெஸ்ட் போட்டிக்கான கணிக்கப்பட்ட இந்திய அணி!!

ஆப்கானிஸ்தான் அணிக்கு எதிரான வரலாற்றுச் சிறப்புமிக்க டெஸ்ட் கிரிக்கெட் போட்டி நாளை பெங்களூரிவில் தொடங்குகிறது. ஆப்கான் அணிக்கு டெஸ்ட் போட்டி அந்தஸ்தை ஐசிசி வழங்கியப் பின்பு, தனது முதல் டெஸ்ட் போட்டியை இந்தியாவை எதிர்கொள்கிறது. இந்தப் போட்டியில் இந்திய அணியில் இடம் பிடிக்க வீரர்களுக்கு இடையே கடும் போட்டி. இதனையடுத்து இந்திய அணியில் யார் யார் இடம் பிடிப்பார்கள் என யூகங்களின் அடிப்படையில் தகவல்கள் வெளியாகியுள்ளது. அதன்படி தொடக்க ஆட்டக்காரர்களான முரளி விஜய், ஷிகர் தவண், கே.எல்.ராகுல் இடையே கடும் போட்டி நிலவுகிறது. ஜாராவும், கோலியின் இடத்தில் ரஹானேவும், அதற்கடுத்து கருண் நாயரும், தினேஷ் கார்த்திக்கும் களமிறக்கப்படுவார்கள். அதன் பின்பு ஆல்ரவுண்டரான ஹர்திக் பாண்டியாவும் களமிறக்க இந்திய அணி திட்டமிட்டுள்ளது. 1.சிகர் தவான் துவக்க ஆட்டகராராக தவான் இறங்குவார். ஐபிஎல் தொடரிலும் நல்ல பார்மில் இருப்பதை காட்டினார் இவர். 2.கே.எல் ராகுல் முரளி விஜக்கு பதில் ராகுல் களம் காணுவர். முரளி விஜய் நல்ல பார்மில் இல்லை. ஐபிஎல் தொடரிலும் ஒரேயொரு போட்டி மட்டுமே ஆடினார். அதேபோல் கே.எல் ராகுல் ஐபிஎல் தொடரில் மிக அதிரடியாக ஆடி விளாசினார். அதனால் துவக்க வீரர் வாய்ப்பு முரளி விஜய்க்கு கிடைக்கும். 3.செட்டேஸ்வர் புஜரா இந்த இடம் இவருக்கானது. கவுண்ட்டி தொடரில் ஆடிக்கொண்டிந்த அவர் இந்த ஒரே ஒரு டெஸ்ட் போட்டிக்கான இங்கிலாந்தில் இருந்து இந்தியா வந்துள்ளார். 4.கருன் நாயர் 2016ல் இங்கிலாந்து தொடரில் முச்சதம் விளாசிய பின்னர் தற்போது தான் மீண்டும் அணிக்கு வருகிறார். ’இரண்டு வருடத்துக்கு முன் இருந்ததை விட இப்போது சிறப்பான பேட்ஸ்மேனாக முன்னேறி இருக்கிறேன்’ என்று கிரிக்கெட் வீரர் கருண் நாயர் கூறினார். இந்திய கிரிக்கெட் அணி, ஆப்கானிஸ்தான் அணியுடன் ஒரு டெஸ்ட் போட்டியில் 14-ம் தேதி விளையாடுகிறது. பெங்களூரில் நடக்கும் இந்தப் போட்டிக்காக இரு அணி வீரர்களும் தீவிர பயிற்சியில் ஈடுபட்டுள்ளனர். இந்நிலையில் கருண் நாயர் கூறும்போது, ’கடந்த ஒன்றரை வருடங்களுக்குப் பிறகு மீண்டும் அணியில் இடம்பிடித்துள்ளேன். இடைபட்ட காலத்தில் என்னை தயார்படுத்திக் கொண்டேன். பேட்டிங்கில் அதிக பயிற்சி மேற்கொண்டேன். உடல் தகுதியிலும் கவனம் செலுத்தினேன். உள்ளூர் போட்டிகளில் அதிக ரன்கள் குவித்ததால் அணியில் இடம்பிடித்துள்ளேன். இரண்டு வருடத்துக்கு முன் அணியில் சேர்ந்தபோது எப்படி யிருந்தேனோ, அதை விட சிறந்த பேட்ஸ்மேனாக முன்னேறி இருக்கிறேன். ஆப்கான் அணியின் சுழல் பந்துவீச்சாளர்கள் பற்றி கேட்கிறார்கள். அந்த அணி இப்போதுதான் முதல் டெஸ்ட் போட்டியில் விளையாடுகிறது. டி20 போட்டிகளை விட டெஸ்ட் போட்டி வித்தியாசமானது. இதில் விக்கெட் வீழ்த்துவது அவர்களுக்கு கடினம் என்றே நினைக்கிறேன். ஐபிஎல் போட்டியில் ரஷித் கான் பந்துவீச்சில் விளையாடி இருக்கிறேன். அவர் சிவப்பு நிற பந்தில் அதிகம் விளையாடி இருப்பதாக நினைக்கவில்லை. அதனால் அவர்களுக்கு இது சவாலாகவே இருக்கும். இங்கிலாந்துக்கு எதிரான டெஸ்ட் தொடரில் 2016-ம் ஆண்டு விளையாடியபோது முச்சதம் அடித்தேன். மீண்டும் அடிப்பேனா என்பது தெரியாது. அணியின் வெற்றிக்கு என்ன தேவையோ அதை செய்ய வேண்டும் என்றே நினைக்கிறேன்’ என்றார். 5.அஜிங்கியா ரகானே(கேப்டன்) விராட் கோலி இல்லாத சமயத்தில் டெஸ்ட் அணியின் கேப்டனாக ரகானே செய்ல்படுகிறார். 6.தினேஷ் கார்த்திக்(வி.கீப்பர்) ஏறக்குறைய 8 ஆண்டுகள் காத்திருப்பு, அணிக்கு உள்ளேயும் வெளியேயுமான ஆடுபுலி ஆட்டம் இப்போதும் அதே நிலைதான் ஆனால் தொடர்ந்து போராடுகிறார் தினேஷ் கார்த்திக். ஆப்கானிஸ்தானுக்கு எதிராக நாளை நடைபெறவுள்ள வரலாற்றுச் சிறப்புமிக்க டெஸ்ட் போட்டியில் இந்திய அணிக்காக 8 ஆண்டுகளுக்கு பின்பு களமிறங்குகிறார். ஆனால், முன்பு இருந்த தினேஷ் கார்த்திக் இ்பபோது இல்லை. டெஸ்ட் போட்டியில் நிதானமாக ஆடுவார், ஒரு நாள் போட்டியில் சீராக ரன் சேகரிப்பார் மற்றும் டி20 போட்டியில் அசரடிக்கும் அதிரடியை காட்டுவார். எனவே இப்போதுள்ள தினேஷ் கார்த்திக் மீதான எதிர்பார்ப்பு அதிரிப்புதிரியாக எகிறிக்கிடக்கிறது. 2019 ஆம் ஆண்டு உலகக் கோப்பைக்கு பின்பு, தோனி ஓய்வுப் பெறுவார் என எதிர்பார்க்கப்படும் சூழ்நிலையில், இந்திய அணிக்காக இன்னும் சில காலங்களுக்கு தினேஷ் கார்த்திக் விளையாடுவார் என தெரிகிறது. கடைசியாக தினேஷ் கார்த்திக் 2010 ஆம் ஆண்டு ஜனவரி மாதம் வங்கதேசத்துடனான டெஸ்ட் போட்டியில் பங்கேற்றார், அதில் அவர் எடுத்தது 27 ரன்கள். இந்திய அணியில் தோனி இடம் பிடிப்பதற்கு முன்பே அணியில் இடம்பிடித்தவர் தினேஷ் கார்த்திக். ஆஸ்திரேலியா அணிக்கு எதிரான போட்டியில் தனது 19 வயதில் தனது முதல் டெஸ்ட் போட்டியில் 2004 ஆண்டு களமிறக்கப்பட்டார்.இந்திய அணியின் முன்னணி விக்கெட் கீப்பரான நயன் மோங்கியா ஓய்வு பெற்றதும், தலைசிறந்த விக்கெட் கீப்பர் இந்திய அணிக்கு கிடைக்காமல் இருந்தனர். அதன்பின் தினேஷ் கார்த்திக் 2004-ம் ஆண்டு மும்பையின் நடைபெற்ற ஆஸ்திரேலியாவிற்கு எதிரான டெஸ்டில் களம் இறங்கினார். ஆனால் ஒரு சில போட்டிகளை தவிர மற்றப் போட்டிகளில் சிறப்பாக விளையாடவில்லை. ஆனாலும் முந்தைய விக்கெட் கீப்பர்களுக்கு தினேஷ் கார்த்திக் எவ்வளவோ தேவலை என டெஸ்ட் அணியில் தொடர்ந்து இடம் பிடித்தார். ஆனால் டோனி முதன்முறையாக 2004 ஒருநாள் போட்டியில் அறிமுகமானார். 2004-ம் ஆண்டு வங்கதேசம் அணிக்கு எதிராக டக் அவுட். ஆனால் 2005 இல் பாகிஸ்தானுக்கு எதிரான ஒருநாள் போட்டியில் தோனி சதமடித்தார், பின்பு நடந்தது எல்லாம் சரித்திரம். இதனால் தினேஷ் காரத்திக்கு வாய்ப்பு வராமலேயே ஆண்டுகள் கடந்துவிட்டது. 19 வயதில் அறிமுகமான தினேஷ் கார்த்திக்கு இப்போது வயது 33. திறமைக்கு வயது தடையில்லை, ஆனால் இப்போதும் ஆப்கானிஸ்தானுக்கு எதிராக முதலில் தேர்ந்தெடுக்கப்பட்டவர் சாஹாதான். ஆனால் அவருக்கு ஏற்பட்ட காயத்தினால், தினேஷ் கார்த்திக் அணியில் மாற்றாக சேர்க்கப்பட்டுள்ளார். ஆனால், தினேஷ் கார்த்திக் இனி நிலையாக அணியில் இடம் பிடிப்பார் என ரசிகர்கள் எதிர்பார்க்கின்றனர். 7.ஹர்திக் பாண்டியா இந்திய அணியின் சிறந்த ஆல் ரவுண்டர் இந்த போட்டியில் தனது ஐபிஎல் பார்மை காட்டி அசத்துவார் எனலாம். 8.ரவிச்சந்திரன் அஸ்வின் தற்போது டெஸ்ட் அணியில் மட்டுமே நீடித்து அவரும் அஸ்வின் இந்த போட்டியில் தனது டெஸ்ட் இடத்தை தக்க வைத்துக்கொள்ள போராடுவார். ஏனெனில் யூஜவேந்திர சகால் மற்றும் குல்தீப் யாதவ் ஆகிய இருவரும் ஒருநாள் மற்றும் டி20 இடத்தை ஆக்கிரமித்து கொண்டு டெஸ்ட் இடத்தினையும் நோக்கி நகர்கின்றனர். 9.குல்தீப் யாதவ் குல்தீப் யாதவ் ஜடேஜாவின் இடத்தில் இறங்க பல வாய்ப்புகள் உள்ளது. ஜடேஜா பேட்டிங்கில் பெரிதாக ஏதும் செய்வதில்லை இதனால் குல்தீப் யாதவை இறக்கலாம் இந்திய அணி. 10.உமேஷ் யாதவ் கடந்த 3 வருடங்களாக டெஸ்ட் போட்டிகளில் அசுரத்தனமாக பந்து வீசி வரும் உமேஷ், இந்த ஐபிஎல் தொடரிலும் ஸ்டம்புகளை தெரிக்கவிட்டு அசத்தினார். டெஸ்ட் அணியில் உமேஷ் யாதவிற்கு எப்போதும் இடம் உண்டு. 11.இஷாந்த் சர்மா இந்திய அணியின் மிக அனுபவம் வாய்ந்த வேகப்பந்து வீச்சாளர். தற்போது கவுண்ட்டி அணியில் ஆடினக்கொண்டிருந்த அவர் மீண்டும் இந்தியா வந்துள்ளார்.

11.இஷாந்த் சர்மா

Leave a comment