தென்னாப்பிரிக்க அணியை வீழ்த்தி இந்திய அணி படைத்த சாதனைகளின் பட்டியல்!

உலகக் கோப்பை தொடரில் சவுதம்டன் நகரில் நேற்று நடைபெற்ற போட்டியில் இந்திய மற்றும் தென் ஆப்பிரிக்கா அணிகள் விளையாடின. இந்தப் போட்டியில் டாஸ் வென்று முதலில் விளையாடிய தென் ஆப்பிரிக்கா அணி 50 ஓவர்களில் 9 விக்கெட் இழப்பிற்கு 227 ரன்கள் எடுத்தது. இதனையடுத்து களமிறங்கிய இந்திய அணி ரோகித் ஷர்மாவின் சதத்தால் வெற்றி இலக்கை 47.3 ஓவர்களில் எட்டியது. இதன் மூலம் உலகக் கோப்பை பயணத்தை இந்திய அணி வெற்றியுடன் துவக்கியுள்ளது.

இந்தப் போட்டியில் இந்திய அணி சில சாதனைகளை படைத்துள்ளது. அவை என்னென்ன?

தென்னாப்பிரிக்க அணியை வீழ்த்தி இந்திய அணி படைத்த சாதனைகளின் பட்டியல்! 1 — SOUTHAMPTON, ENGLAND – JUNE 05: Jasprit Bumrah of India celebrates after taking the wicket of Hashim Amla of South Africa during the Group Stage match of the ICC Cricket World Cup 2019 between South Africa and India at The Ageas Bowl on June 05, 2019 in Southampton, England. (Photo by Stu Forster-IDI/IDI via Getty Images)

நேற்றைய போட்டியில் தென் ஆப்பிரிக்கா வீரர் ஹசிம் ஆம்லாவை அவுட்டாக்கியது மூலம் இந்திய வீரர் பும்ரா இதுவரை மூன்று முறை ஹசிம் ஆம்லாவை ஆட்டமிழக்க செய்துள்ளார்.
அத்துடன் நேற்றைய போட்டியில் ரோகித் ஷர்மா அடித்த சதம் உலகக் கோப்பையில் இந்தியா சார்பில் அடிக்கப்பட்ட 26-ஆவது சதமாகும். இதன்மூலம் இந்திய அணி ஆஸ்திரேலியாவின் அதிக சதங்களான 26ஐ சமன் செய்துள்ளது.
இந்தப் போட்டியில் சிறப்பாக பந்துவீசிய இந்திய அணியின் சாஹல் 32 ரன்கள் விட்டுக் கொடுத்து 4 விக்கெட்டுகளை வீழ்த்தினார். இது இந்தியா சார்பில், முதல்முறையாக உலகக் கோப்பை போட்டி விளையாடும் பந்துவீச்சாளரின் சிறப்பான பந்துவீச்சாகும். இதற்கு முன் வேகப்பந்து வீச்சாளர் முகமது ஷமி தனது முதல் உலகக் கோப்பை போட்டியில் செய்த சிறந்த பந்துவீச்சான 4/35 என்பதை முறியடித்துள்ளார்.
மேலும் 2015 உலகக் கோப்பை தொடருக்கு பிறகு 2019 உலகக் கோப்பை வரை அதிக சிக்சர்கள் அடித்தவர்கள் பட்டியலில் ரோகித் ஷர்மா முதலிடம் பிடித்துள்ளார். ரோகித் ஷர்மா இந்தக் காலத்தில் 130 சிக்சர்கள் விளாசியுள்ளார்.
அத்துடன் இந்தியா சார்பில் ஒருநாள் போட்டியில் அதிக சதங்கள் அடித்தவர்கள் பட்டியலில் ரோகித் ஷர்மா மூன்றாவது இடத்துக்கு முன்னேறியுள்ளார். இவர் சவுரவ் கங்குலியின் 22 சதங்களை முறியடித்துள்ளார்.
இந்தப் போட்டியில் வெற்றிப் பெற்றதன் மூலம் கடந்த 2011ஆம் ஆண்டு உலகக் கோப்பை முதல், தற்போது வரை உலகக் கோப்பை போட்டியில் இந்திய அணி பெற்ற 15வது வெற்றி இதுவாகும். அதாவது இந்திய அணி 2011 உலகக் கோப்பையில் 7 வெற்றியும், 2015 உலகக் கோப்பையில் 7 வெற்றியும் பெற்றுள்ளது.
இதன்மூலம் உலகக் கோப்பை போட்டிகளில் அதிக வெற்றி சதவீதம் பெற்ற அணியாக அணியாக இந்திய உருவெடுத்துள்ளது. இந்திய அணியின் உலகக் கோப்பை போட்டி வெற்றி சதவிகிதம் 83.33ஆக உள்ளது. இது ஆஸ்திரேலியா அணியின் 80.00 வெற்றி சதவிகிதத்தைவிட அதிகம்.

Leave a comment